ਮੁੰਬਈ(ਬਿਊਰੋ)— ਪਿਛਲੇ ਕੁਝ ਸਮੇਂ ਤੋਂ ਕਰੀਨਾ ਕਪੂਰ ਖਾਨ ਆਪਣੀ ਜਲਦ ਰਿਲੀਜ਼ ਹੋਣ ਵਾਲੀ ਫਿਲਮ 'ਵੀਰੇ ਦੀ ਵੈਡਿੰਗ' ਦੀ ਸ਼ੂਟਿੰਗ 'ਚ ਕਾਫੀ ਬਿਜ਼ੀ ਨਜ਼ਰ ਆ ਰਹੀ ਸੀ ਪਰ ਹੁਣ ਜਦੋਂ ਪਾਰਟੀ ਦੀ ਗੱਲ ਹੁੰਦੀ ਹੋਵੇ ਤਾਂ ਸਮਾਂ ਕੱਢਣਾ ਕੋਈ ਬੇਬੋ ਕੋਲੋਂ ਸਿੱਖੇ।
ਬੇਬੋ ਆਪਣੇ ਬਿਜ਼ੀ ਸ਼ੈਡਿਊਲ 'ਚੋਂ ਸਮਾਂ ਕੱਢਦੇ ਹੋਏ ਬੀਤੀ ਰਾਤ ਰੱਜ ਕੇ ਪਾਰਟੀ ਕਰਦੀ ਨਜ਼ਰ ਆਈ।
ਜੀ ਹਾਂ ਇਸ ਪਾਰਟੀ ਦਾ ਮਜ਼ਾ ਲੈਂਦੇ ਹੋਏ ਕਰੀਨਾ ਦੀ ਭੈਣ ਕਰਿਸ਼ਮਾ ਕਪੂਰ, ਖਾਸ ਦੋਸਤ ਮਲਾਇਕਾ ਅਰੋੜਾ, ਅੰਮ੍ਰਿਤਾ ਅਰੋੜਾ, ਨਤਾਸ਼ਾ ਪੂਨਾਵਾਲਾ, ਉਨ੍ਹਾਂ ਜੀ ਭੂਆ ਰੀਮਾ ਜੈਨ ਤੇ ਹਸੀਨਾ ਜੇਠਮਲਾਨੀ ਤੋਂ ਇਲਾਵਾ ਫੈਸ਼ਨ ਡਿਜ਼ਾਈਨਰ ਮਨੀਸ਼ ਮਲਹੋਤਰਾ ਵੀ ਨਜ਼ਰ ਆਏ।
ਇਨ੍ਹਾਂ ਦੀ ਪਾਰਟੀ ਦੀਆਂ ਕੁਝ ਤਸਵੀਰਾਂ ਸਾਹਮਣੇ ਆਈਆਂ ਹਨ, ਜਿਸ 'ਚ ਸਾਰੇ ਪਾਰਟੀ ਦਾ ਖੂਬ ਲੁਤਫ ਉਠਾਉਂਦੇ ਦਿਖ ਰਹੇ ਹਨ।
ਇਸ ਪਾਰਟੀ ਦੀਆਂ ਕੁਝ ਤਸਵੀਰਾਂ ਮਨੀਸ਼ ਮਲਹੋਤਰਾ ਤੇ ਅੰਮ੍ਰਿਤਾ ਅਰੋੜਾ ਨੇ ਆਪਣੇ ਸੋਸ਼ਲ ਅਕਾਊਂਟ 'ਤੇ ਸ਼ੇਅਰ ਕੀਤੀਆਂ ਹਨ।
