ਮੁੰਬਈ(ਬਿਊਰੋ)— ਸਲਮਾਨ ਖਾਨ ਦੀ ਸਾਬਕਾ ਭਾਬੀ ਤੇ ਮਾਡਲ-ਅਦਾਕਾਰਾ ਮਲਾਇਕਾ ਅਰੋੜਾ ਖਾਨ ਅਕਸਰ ਆਪਣੀ ਗਰਲਗੈਂਗ ਨਾਲ ਪਾਰਟੀ ਕਰਦੀ ਦੇਖੀ ਜਾਂਦੀ ਹੈ ਪਰ ਉਨ੍ਹਾਂ ਨੂੰ ਕਰੀਨਾ ਦੀ ਇਕ ਆਦਤ ਨਹੀਂ ਪਸੰਦ ਤੇ ਉਹ ਹੈ ਗਾਸਿਪ (ਚੁੱਗਲੀਆਂ) ਕਰਨਾ। ਹਾਲ ਹੀ 'ਚ ਮਲਾਇਕਾ ਆਪਣੀ ਭੈਣ ਅੰਮ੍ਰਿਤਾ ਨਾਲ ਨੇਹਾ ਧੂਪੀਆ ਦੇ ਟਾਕ ਸ਼ੋਅ 'ਤੇ ਪੁੱਜੀ।
ਇੱਥੇ ਉਨ੍ਹਾਂ ਨੇ ਆਪਣੀ ਨਿੱਜੀ ਜ਼ਿੰਦਗੀ ਨਾਲ ਜੁੜੇ ਕਈ ਰਾਜ਼ ਖੋਲ੍ਹੇ। 'ਬੀਬੀਐੱਫ ਵਿਦ ਵੋਗ' ਸ਼ੋਅ 'ਚ ਪਹੁੰਚੀ ਮਲਾਇਕਾ ਨਾਲ ਨੇਹਾ ਨੇ ਕਈ ਸਵਾਲ ਕੀਤੇ। ਉਨ੍ਹਾਂ ਨੇ ਪੁੱਛਿਆ ਕਿ ਕਰੀਨਾ ਬਾਰੇ ਅਜਿਹਾ ਕੀ ਹੈ, ਜਿਸ ਨੂੰ ਕਰਨਾ ਉਹ ਬੰਦ ਕਰ ਦੇਵੇ। ਇਸ 'ਤੇ ਮਲਾਇਕਾ ਨੇ ਜਵਾਬ ਦਿੱਤਾ- ਗਾਸਿਪ। ਇਹ ਸੁਣ ਕੇ ਨੇਹਾ ਵੀ ਹੈਰਾਨ ਰਹਿ ਗਈ।
ਉਂਝ ਇਸ ਤੋਂ ਪਹਿਲਾਂ ਕਰਨ ਜੌਹਰ ਵੀ ਕਰੀਨਾ ਨੂੰ ਬਾਲੀਵੁੱਡ ਦੀ ਗਾਸਿਪ ਕੁਈਨ ਦੱਸ ਚੁੱਕੇ ਹਨ। ਮਲਾਇਕਾ ਨਾਲ ਦੂਜਾ ਸਵਾਲ ਉਨ੍ਹਾਂ ਦੇ ਰਿਲੇਸ਼ਨਸ਼ਿਪ ਸਟੇਟਸ 'ਤੇ ਪੁੱਛਿਆ ਗਿਆ ਤਾਂ ਉਨ੍ਹਾਂ ਨੇ ਕਿਹਾ ਕਿ ਫਿਲਹਾਲ ਮੈਂ ਸਿੰਗਲ ਹਾਂ।
ਮਲਾਇਕਾ ਅਰੋੜਾ ਤੇ ਅਰਬਾਜ਼ ਖਾਨ ਦਾ ਕੁਝ ਸਮਾਂ ਪਹਿਲਾਂ ਹੀ ਤਲਾਕ ਹੋਇਆ ਹੈ ਪਰ ਤਲਾਕ ਤੋਂ ਬਾਅਦ ਤੋਂ ਹੀ ਮਲਾਇਕਾ ਨੂੰ ਲੈ ਕੇ ਖਬਰਾਂ ਆਉਣ ਲੱਗੀਆਂ ਕਿ ਉਹ ਐਕਟਰ ਅਰਜੁਨ ਕਪੂਰ ਨੂੰ ਡੇਟ ਕਰ ਰਹੀ ਹੈ।
ਇਸ ਕਾਰਨ ਉਨ੍ਹਾਂ ਦਾ ਤਲਾਕ ਹੋਇਆ। ਇਸ ਤੋਂ ਬਾਅਦ ਮਲਾਇਕਾ ਅਰੋੜਾ ਦੀ ਭੈਣ ਅੰਮ੍ਰਿਤਾ ਨੂੰ ਪੁੱਛਿਆ ਗਿਆ ਕਿ ਅਜਿਹਾ ਕਿਹੜਾ ਸੈਲੇਬ ਹੈ, ਜਿਸ ਨੂੰ ਪਤਲਾ ਹੋ ਜਾਣਾ ਚਾਹੀਦਾ ਹੈ।
ਇਸ ਦਾ ਜਵਾਬ ਅੰਮ੍ਰਿਤਾ ਨੇ ਨਹੀਂ ਦਿੱਤਾ ਤੇ ਬਦਲੇ 'ਚ ਲਾਲ ਮਿਰਚ ਖਾ ਲਈ। ਪਿਛਲੇ ਦਿਨੀਂ ਮਲਾਇਕਾ, ਅੰਮ੍ਰਿਤਾ ਅਰੋੜਾ ਦੀ ਜਨਮਦਿਨ ਪਾਰਟੀ 'ਤੇ ਦਿਖਾਈ ਦਿੱਤੀ ਸੀ। ਮਲਾਇਕਾ, ਕਰੀਨਾ, ਅੰਮ੍ਰਿਤਾ, ਕਰਿਸ਼ਮਾ ਬਾਲੀਵੁੱਡ ਇੰਡਸਟਰੀ 'ਚ ਗਰਲਗੈਂਗ ਦੇ ਨਾਂ ਨਾਲ ਜਾਣੇ ਜਾਂਦੇ ਹਨ।