ਮੁੰਬਈ (ਬਿਊਰੋ)— ਕਰਿਸ਼ਮਾ ਕਪੂਰ ਆਪਣੀ ਸਹੇਲੀ ਅੰਮ੍ਰਿਤਾ ਅਰੋੜਾ ਤੇ ਸਾਰੇ ਬੱਚਿਆਂ ਨਾਲ ਵੀਕੈਂਡ ਇੰਜੁਆਏ ਕਰਦੀ ਨਜ਼ਰ ਆਈ। ਹਾਲ ਹੀ 'ਚ ਕਰਿਸ਼ਮਾ ਆਪਣੇ ਭਾਣਜੇ ਤੈਮੂਰ ਦਾ ਪਹਿਲਾ ਜਨਮਦਿਨ ਮਨਾ ਕੇ ਪਟੌਦੀ ਪੈਲੇਸ ਤੋਂ ਮੁੰਬਈ ਗਈ ਸੀ ਤੇ ਉਥੇ ਜਾ ਕੇ ਮੁੜ ਬੱਚਿਆਂ ਤੇ ਸਹੇਲੀ ਅੰਮ੍ਰਿਤਾ ਦੇ ਪਰਿਵਾਰ ਨਾਲ ਮਸਤੀ ਕਰਦੀ ਦਿਖਾਈ ਦਿੱਤੀ। ਤਲਾਕ ਤੋਂ ਬਾਅਦ ਦੋਵਾਂ ਬੱਚਿਆਂ ਦੀ ਕਸਟਡੀ ਕਰਿਸ਼ਮਾ ਕਪੂਰ ਕੋਲ ਹੈ, ਜਿਨ੍ਹਾਂ ਦੀ ਪਰਵਰਿਸ਼ ਉਹ ਬੇਹੱਦ ਪਿਆਰ ਨਾਲ ਕਰ ਰਹੀ ਹੈ। ਕਰਿਸ਼ਮਾ ਅਕਸਰ ਬੱਚਿਆਂ ਨੂੰ ਬਾਹਰ ਘੁਮਾਉਂਦੀ ਨਜ਼ਰ ਆਉਂਦੀ ਹੈ। ਅੰਮ੍ਰਿਤਾ ਅਰੋੜਾ ਨੇ ਵੀ ਪਤੀ ਸ਼ਕੀਲ ਲਦਾਕ ਤੇ ਦੋਵਾਂ ਬੱਚਿਆਂ ਨਾਲ ਰੱਜ ਕੇ ਪੋਜ਼ ਦਿੱਤੇ। ਅੰਮ੍ਰਿਤਾ ਫਿਲਮਾਂ ਤੋਂ ਕਾਫੀ ਸਮੇਂ ਤੋਂ ਦੂਰ ਹੈ ਪਰ ਉਹ ਪਰਿਵਾਰ ਨਾਲ ਘੁੰਮਦੀ ਤੇ ਸਟਾਰ ਪਾਰਟੀਜ਼ 'ਚ ਅਕਸਰ ਦਿਖਾਈ ਦਿੰਦੀ ਹੈ।