ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਕਰਿਸ਼ਮਾ ਕਪੂਰ ਇਨੀ ਦਿਨੀਂ ਆਪਣੇ ਵਿਆਹ ਨੂੰ ਲੈ ਕੇ ਕਾਫੀ ਚਰਚਾ 'ਚ ਹੈ। ਕਰਿਸ਼ਮਾ ਕਪੂਰ 90 ਦੇ ਦਹਾਕੇ 'ਚ ਬਾਲੀਵੁੱਡ ਦਾ ਇਕ ਚਮਕਦਾ ਸਿਤਾਰਾ ਸੀ। ਕਰਿਸ਼ਮਾ ਨੇ 'ਰਾਜਾ ਹਿੰਦੂਸਤਾਨੀ', 'ਜੀਤ' ਤੇ 'ਜਿਗਰ' ਵਰਗੀਆਂ ਕਈ ਸੁਪਰਹਿੱਟ ਫਿਲਮਾਂ ਦਿੱਤੀਆਂ ਹਨ। ਕਰਿਸ਼ਮਾ ਦੀ ਜੋੜੀ ਜ਼ਿਆਦਾਤਰ ਗੋਵਿੰਦਾ ਤੇ ਅਜੇ ਦੇਵਗਨ ਵਰਗੇ ਕਲਾਕਾਰਾਂ ਨਾਲ ਹੀ ਦਿਖੀ ਪਰ ਫਿਲਮੀ ਕਰੀਅਰ ਤੋਂ ਕਾਫੀ ਸਮੇਂ ਤੋਂ ਦੂਰ ਕਰਿਸ਼ਮਾ ਇਕ ਵਾਰ ਮੁੜ ਕਿਸੇ ਵਜ੍ਹਾ ਕਾਰਨ ਸੁਰਖੀਆਂ ਬਟੋਰ ਰਹੀ ਹੈ।
ਖਬਰਾਂ ਦੀ ਮੰਨੀਏ ਤਾਂ ਕਰਿਸ਼ਮਾ ਨੇ ਅਜੇ ਕੁਝ ਦਿਨ ਪਹਿਲਾ ਹੀ ਘਰ 'ਤੇ ਰੇਨੋਵੇਸ਼ਨ ਲਈ ਕਾਰਪੇਂਟਰ ਬੁਲਾਏ ਸਨ। ਦੱਸਿਆ ਜਾ ਰਿਹਾ ਹੈ ਕਿ ਕਾਰਪੇਂਟਰ ਕਰਿਸ਼ਮਾ ਦੇ ਘਰ 'ਚ ਕੀ ਦਿਨਾਂ ਤੋਂ ਕੰਮ ਕਰਨ ਆ ਰਹੇ ਸਨ। ਹਰ ਵਾਰ ਕਰਿਸ਼ਮਾ ਘਰ 'ਚ ਹੁੰਦੀ ਸੀ ਪਰ ਇਕ ਦਿਨ ਕਿਸੇ ਕਾਰਨ ਉਸ ਨੂੰ ਘਰ ਤੋਂ ਬਾਹਰ ਜਾਣਾ ਪੈ ਗਿਆ ਸੀ। ਇਸ ਦੌਰਾਨ ਉਸ ਦਾ ਪਰਸ ਚੋਰੀ ਹੋ ਗਿਆ ਪਰ ਸਭ ਤੋਂ ਜ਼ਿਆਦਾ ਹੈਰਾਨੀ ਵਾਲੀ ਗੱਲ ਇਹ ਹੈ ਕਿ ਚੋਰ ਕਰਿਸ਼ਮਾ ਦੇ ਬੈੱਡਰੂਮ ਤੱਕ ਪੁੱਜ ਗਿਆ ਤੇ ਉਸ ਦਾ ਪਰਸ ਚੋਰੀ ਕੀਤਾ।
ਪੁਲਸ 'ਚ ਕੀਤੀ ਸ਼ਿਕਾਇਤ
ਇਸ ਘਟਨਾ ਦੇ ਕੁਝ ਦੇਰ ਬਾਅਦ ਕਰਿਸ਼ਮਾ ਨੂੰ ਪਤਾ ਲੱਗਾ ਕਿ ਉਸ ਦਾ ਪਰਸ ਚੋਰੀ ਹੋ ਗਿਆ ਹੈ, ਤਾਂ ਉਸ ਦੇ ਹੋਸ਼ ਉੱਡ ਗਏ। ਇਸ ਤੋਂ ਬਾਅਦ ਉਸ ਨੇ ਪੁਲਸ ਨੂੰ ਸੂਚਨਾ ਦਿੱਤੀ। ਕਰਿਸ਼ਮਾ ਨੇ ਇਸ ਸ਼ਖਸ ਗ੍ਰਿਫਤਾਰ ਕਰਵਾਇਆ। ਪੁਲਸ ਮੁਤਾਬਕ ਕਰਿਸ਼ਮਾ ਦੇ ਬੈੱਡਰੂਮ ਤੋਂ ਚੋਰੀ ਕਰਨ ਵਾਲਾ ਸ਼ਖਸ ਉਨ੍ਹਾਂ ਕਾਰਪੇਂਟਰਾਂ 'ਚੋਂ ਹੀ ਇਕ ਸੀ, ਜੋ ਘਰ 'ਚ ਕੰਮ ਕਰਨ ਆਉਂਦੇ ਸਨ।
ਡਰ ਗਈ ਸੀ ਕਰਿਸ਼ਮਾ
ਕਰਿਸ਼ਮਾ ਇਸ ਘਟਨਾ ਤੋਂ ਬਾਅਦ ਕਾਫੀ ਡਰ ਗਈ ਸੀ ਤੇ ਉਸ ਨੇ ਇਕ ਅਣਜਾਨ ਵਿਅਕਤੀ ਦੇ ਆਪਣੇ ਬੈੱਡਰੂਮ ਤੱਕ ਪਹੁੰਚ ਜਾਣ ਤੋਂ ਕਾਫੀ ਡਰ ਲੱਗ ਰਿਹਾ ਸੀ। ਹਾਲਾਂਕਿ ਗ੍ਰਿਫਤਾਰ ਕੀਤੇ ਗਏ ਇਮਿਤਆਜ਼ ਅੰਸਾਰੀ ਤੋਂ ਪੁੱਛ-ਗਿੱਛ ਤੋਂ ਬਾਅਦ ਪਤਾ ਲੱਗਾ ਹੈ ਕਿ ਉਹ ਇਸ ਤੋਂ ਪਹਿਲਾ ਵੀ ਕਈ ਵਾਰ ਅਜਿਹਾ ਕਰ ਚੁੱਕਾ ਹੈ। ਉਸ ਦੀ ਚੋਰੀ ਕਰਨ ਦੀ ਆਦਤ ਕਾਫੀ ਪੁਰਾਣੀ ਹੈ। ਪੁਲਸ ਮੁਤਾਬਕ ਇਸ ਤੋਂ ਪਹਿਲਾ 18 ਹੋਰ ਚੋਰੀ ਦੀਆ ਘਟਨਾਵਾਂ 'ਚ ਉਸ ਦਾ ਨਾਂ ਆ ਚੁੱਕਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਉਸ 'ਚ ਕਾਰਡ ਰਾਹੀਂ 50 ਹਜ਼ਾਰ ਰੁਪਏ ਵੀ ਕੱਢਵਾਏ ਸਨ ਪਰ ਕਰਿਸ਼ਮਾ ਨੂੰ ਆਪਣੇ ਪਰਸ ਦਾ ਬਾਕੀ ਸਮਾਨ ਮਿਲ ਗਿਆ ਹੈ।