ਮੁੰਬਈ— ਹਾਲ ਹੀ 'ਚ ਕਰਿਸ਼ਮਾ ਕਪੂਰ ਤੇ ਉਸ ਦੇ ਬੁਆਏਫਰੈਂਡ ਸੰਜੇ ਤੋਸ਼ਨੀਵਾਲ ਨੂੰ ਦੇਖਿਆ ਗਿਆ। ਅਸਲ 'ਚ ਫਿਲਮ ਪ੍ਰੋਡਿਊਸਰ ਸਿਧਾਰਥ ਰਾਏ ਕਪੂਰ ਨੇ ਕੁਝ ਦਿਨ ਪਹਿਲਾਂ ਇਕ ਡਿਨਰ ਪਾਰਟੀ ਹੋਸਟ ਕੀਤੀ ਸੀ, ਜਿਥੇ ਇਨ੍ਹਾਂ ਨੂੰ ਫੋਟੋਗ੍ਰਾਫਰਾਂ ਨੇ ਕਲਿਕ ਕੀਤਾ ਹੈ। ਇਸ ਦੌਰਾਨ ਕਰਿਸ਼ਮਾ ਬਲੈਕ ਵੀ-ਨੈੱਕ ਮਿਡੀ ਡਰੈੱਸ ਤੇ ਬਲੈਕ ਹੀਲਜ਼ ਪਹਿਨੀ ਨਜ਼ਰ ਆਈ, ਉਥੇ ਸੰਜੇ ਕੈਜ਼ੂਅਲ ਪਿੰਕ ਸ਼ਰਟ ਤੇ ਬਲਿਊ ਡੈਨਿਮ 'ਚ ਸਨ। ਦੱਸਣਯੋਗ ਹੈ ਕਿ ਪਿਛਲੇ ਸਾਲ ਹੀ ਕਰਿਸ਼ਮਾ ਦਾ ਸੰਜੇ ਕਪੂਰ ਨਾਲ ਤਲਾਕ ਹੋਇਆ ਹੈ। ਕੁਝ ਸਮੇਂ ਤੋਂ ਕਰਿਸ਼ਮਾ ਬਿਜ਼ਨੈੱਸਮੈਨ ਸੰਦੀਪ ਤੋਸ਼ਨੀਵਾਲ ਨੂੰ ਡੇਟ ਕਰ ਰਹੀ ਹੈ। ਹਾਲਾਂਕਿ ਇਨ੍ਹਾਂ ਦੋਵਾਂ ਨੇ ਕਦੇ ਆਪਣੇ ਰਿਸ਼ਤੇ ਨੂੰ ਕਬੂਲ ਨਹੀਂ ਕੀਤਾ। ਉਥੇ ਕਰਿਸ਼ਮਾ ਦੇ ਸਾਬਕਾ ਪਤੀ ਸੰਜੇ ਕਪੂਰ ਪ੍ਰਿਆ ਸਚਦੇਵਾ ਨਾਲ ਵਿਆਹ ਕਰਵਾ ਚੁੱਕੇ ਹਨ। ਇਹ ਉਨ੍ਹਾਂ ਦਾ ਤੀਜਾ ਵਿਆਹ ਹੈ।