ਮੁੰਬਈ(ਬਿਊਰੋ)— ਆਈ. ਪੀ. ਐੱਲ. ਹੋਸਟ ਕਰਕੇ ਸੁਰਖੀਆਂ 'ਚ ਆਈ ਕਰਿਸ਼ਮਾ ਕੋਟਕ ਕਲਰਸ ਟੀ. ਵੀ. 'ਤੇ ਪ੍ਰਸਾਰਿਤ ਹੋਣ ਵਾਲੇ ਸ਼ੋਅ 'ਬਿੱਗ ਬੌਸ' ਦਾ ਵੀ ਹਿੱਸਾ ਰਹਿ ਚੁੱਕੀ ਹੈ। ਕਰਿਸ਼ਮਾ ਨੇ ਸਾਲ 2013 'ਚ ਆਈ. ਪੀ. ਐੱਲ. ਦਾ 6ਵਾਂ ਸੀਜ਼ਨ ਹੋਸਟ ਕੀਤਾ ਸੀ।
ਕਰਿਸ਼ਮਾ ਕੋਟਕ ਕੋ-ਕਮੈਂਟਰੀ ਦੌਰਾਨ ਨਿਊਜੀਲੈਂਡ ਦੇ ਸਾਬਕਾ ਕ੍ਰਿਕਟਰ ਡੈਨੀ ਮੌਰੀਸਨ ਨੇ ਅਚਾਨਕ ਗੋਦ 'ਚ ਚੁੱਕ ਲਿਆ ਸੀ, ਜਿਸ ਤੋਂ ਬਾਅਦ ਕਰਿਸ਼ਮਾ ਤੇ ਮੌਰੀਸਨ ਸਭ ਤੋਂ ਜ਼ਿਆਦਾ ਸੁਰਖੀਆਂ 'ਚ ਰਹੇ ਸਨ।
ਦੂਜੇ ਪਾਸੇ ਕਰਿਸ਼ਮਾ 'ਬਿੱਗ ਬੌਸ 6' ਦਾ ਵੀ ਹਿੱਸਾ ਵੀ ਰਹਿ ਚੁੱਕੀ ਹੈ। ਕ੍ਰਿਕਟ ਦੇ ਮੈਦਾਨ 'ਚ ਜਲਵਾ ਬਿਖਰਨ ਵਾਲੀ ਕਰਿਸ਼ਮਾ 'ਬਿੱਗ ਬੌਸ' 'ਚ ਐਕਟਰ ਕੁਸ਼ਾਲ ਕਰਵਾਲ ਨਾਲ ਨਜ਼ਦੀਕੀਆਂ ਨੂੰ ਲੈ ਕੇ ਕਾਫੀ ਚਰਚਾ 'ਚ ਰਹੀ ਸੀ।
ਸ਼ੋਅ 'ਚ ਬਹੁਤ ਲੋਕਾਂ ਨੂੰ ਲੱਗਾ ਸੀ ਕਿ ਕੁਸ਼ਾਲ ਸਨਾ ਖਾਨ ਨਾਲ ਸਮਾਂ ਬਿਤਾ ਰਹੇ ਹਨ ਪਰ ਬਾਅਦ 'ਚ ਕੁਸ਼ਾਲ ਨੇ ਕਰਿਸ਼ਮਾ ਨਾਲ ਦੋਸਤੀ ਕਰ ਲਈ।
ਸ਼ੋਅ ਤੋਂ ਬਾਅਦ ਦੋਵਾਂ ਨੇ ਆਪਣਾ ਰਿਸ਼ਤਾ ਕਾਇਮ ਰੱਖਿਆ। ਹਾਲਾਂਕਿ ਸਾਲ 2014 'ਚ ਦੋਵਾਂ ਦਾ ਬ੍ਰੇਕਅੱਪ ਹੋ ਗਿਆ।
ਕਰਿਸ਼ਮਾ ਨੇ 'ਬਿੱਗ ਬੌਸ' ਸ਼ੋਅ ਨੂੰ ਆਪਣਾ ਪਿਤਾ ਦੇ ਦਿਹਾਂਤ ਕਾਰਨ ਅੱਧ 'ਚ ਹੀ ਛੱਡ ਦਿੱਤਾ ਸੀ।
ਪੇਸ਼ੇ ਤੋਂ ਮਾਡਲ ਤੇ ਐਕਟਰ ਕਰਿਸ਼ਮਾ ਨੇ ਯੂ ਕੇ ਟੀ. ਵੀ. ਦੇ ਕੁਝ ਸ਼ੋਅਜ਼ ਜਿਵੇਂ 'ਦਿ ਕਰਿਸ਼ਮਾ ਸ਼ੋਅ', 'ਸਪਾ ਡਾਇਰੀਜ਼' ਨੂੰ ਵੀ ਹੋਸਟ ਕਰ ਚੁੱਕੀ ਹੈ।
ਦੱਸਣਯੋਗ ਹੈ ਕਿ ਕਰਿਸ਼ਮਾ ਕੋਟਕ ਸੋਸ਼ਲ ਮੀਡੀਆ 'ਤੇ ਕਾਫੀ ਐਕਟਿਵ ਰਹਿੰਦੀ ਹੈ ਤੇ ਆਏ ਦਿਨੀਂ ਹੀ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਤਸਵੀਰਾਂ ਸ਼ੇਅਰ ਕਰਦੀ ਰਹਿੰਦੀ ਹੈ।
ਕਰਿਸ਼ਮਾ ਦੇ ਟਵਿਟਰ 'ਤੇ 87 ਹਜ਼ਾਰ ਤੋਂ ਜ਼ਿਆਦਾ ਫਾਲੋਆਰਜ਼ ਹਨ। ਦੱਸ ਦੇਈਏ ਕਿ ਕਰਿਸ਼ਮਾ ਐਕਟਰ ਕਰਨ ਵਾਹੀ ਨੂੰ ਵੀ ਡੇਟ ਕਰ ਚੁੱਕੀ ਹੈ। ਉਸ ਦਾ ਜਨਮ 26 ਮਈ 1982 ਨੂੰ ਇੰਗਲੈਂਡ 'ਚ ਹੋਇਆ ਸੀ।
