ਮੁੰਬਈ(ਬਿਊਰੋ)— 'ਰਾਗਿਨੀ ਐੱਮ. ਐੱਮ. ਐੱਸ', 'ਪਿਆਰ ਕਾ ਪੰਚਨਾਮਾ' ਵਰਗੀਆਂ ਫਿਲਮਾਂ ਸਹਿਤ 'ਪਵਿੱਤਰ ਰਿਸ਼ਤਾ' ਅਤੇ ਕਈ ਸੀਰੀਅਲਾਂ 'ਚ ਅਦਾਕਾਰੀ ਨਾਲ ਦਰਸ਼ਕਾਂ 'ਚ ਮਸ਼ਹੂਰ ਹੋਈ ਅਦਾਕਾਰਾ ਕਰਿਸ਼ਮਾ ਸ਼ਰਮਾ ਨੂੰ 'ਗ੍ਰੈਫਿਟੀ' ਦੀ ਬ੍ਰੈਂਡ ਅੰਬੈਸਡਰ ਬਣਾਇਆ ਗਿਆ ਹੈ।
ਇਸ ਗੱਲ ਦੀ ਜਾਣਕਾਰੀ ਗ੍ਰੈਫਿਟੀ ਦੇ ਪ੍ਰਬੰਧ ਨਿਰਦੇਸ਼ਕ ਵਿਨਯ ਜੈਨ ਨੇ ਵੀਰਵਾਰ ਨੂੰ ਪ੍ਰੈੱਸ ਕਾਨਫਰੰਸ ਦੌਰਾਨ ਦਿੱਤੀ। ਵਿਨਯ ਜੈਨ ਨੇ ਕਿਹਾ, ''ਕੰਪਨੀ ਦੀ 15ਵੀਂ ਵਰ੍ਹੇਗੰਢ ਮੌਕੇ ਅਸੀਂ ਅਦਾਕਾਰਾ ਕਰਿਸ਼ਮਾ ਨੂੰ ਆਪਣੀ ਅੰਬੈਸਡਰ ਬਣਾਇਆ ਹੈ ਤੇ ਹੁਣ ਤੇਜ਼ੀ ਨਾਲ ਅਸੀਂ ਗ੍ਰੈਫਿਟੀ ਦਾ ਪ੍ਰਚਾਰ ਸ਼ੁਰੂ ਕਰਾਂਗੇ।
ਵਿਨਯ ਨੇ ਕਿਹਾ ਕਿ 15 ਸਾਲਾਂ 'ਚ ਮੈਂ ਕਾਫੀ ਸਫਲਤਾ ਪ੍ਰਾਪਤ ਕੀਤੀ ਅਤੇ ਲੋਕਾਂ ਦਾ ਵਿਸ਼ਵਾਸ ਜਿੱਤਿਆ। ਉਨ੍ਹਾਂ ਕਿਹਾ ਕਿ ਇਸ ਦੌਰਾਨ ਕੁਆਲਿਟੀ ਨਾਲ ਕੋਈ ਸਮਝੌਤਾ ਨਹੀਂ ਕੀਤਾ।
ਉਨ੍ਹਾਂ ਕਿਹਾ ਕਿ ਕਰਿਸ਼ਮਾ ਨਾਲ ਕੰਪੇਨ ਵਗੈਰਾ ਨਾਲ ਇਸ ਸਫਰ ਨੂੰ ਅੱਗੇ ਵਧਾਵਾਂਗੇ।''
ਦੱਸ ਦੇਈਏ ਕਿ ਕਰਿਸ਼ਮਾ ਇਸ ਮੌਕੇ ਕਾਫੀ ਉਤਸ਼ਾਹਿਤ ਦਿਖਾਈ ਦਿੱਤੀ। ਕਰਿਸ਼ਮਾ ਨੇ ਕਿਹਾ ਕਿ ਅਜੋਕੇ ਸਮੇਂ ਲਗਜ਼ਰੀ ਜੀਵਨਸ਼ੈਲੀ ਦੇ ਚੱਲਦਿਆਂ ਘਰ ਦੇ ਨਾਲ-ਨਾਲ ਬਾਥਰੂਮ 'ਤੇ ਵੀ ਖਾਸ ਧਿਆਨ ਦਿੱਤਾ ਜਾਂਦਾ ਹੈ।
ਗ੍ਰੈਫਿਟੀ ਦੇ ਪ੍ਰੋਡਕਟਸ ਕਾਫੀ ਵਧੀਆਂ ਤੇ ਪਹੁੰਚ 'ਚ ਹਨ। ਕਰਿਸ਼ਮਾ ਨੇ ਕਿਹਾ ਕਿ ਉਹ ਗ੍ਰੈਫਿਟੀ ਦਾ ਹਿੱਸਾ ਬਣ ਕੇ ਕਾਫੀ ਖੁਸ਼ ਹੈ।
ਜਦੋਂ ਕਰਿਸ਼ਮਾ ਨੂੰ ਕਰੀਅਰ ਬਾਰੇ ਪੁੱਛਿਆ ਗਿਆ ਤਾਂ ਉਸ ਨੇ ਕਿਹਾ ਕਿ ਕਈ ਪ੍ਰੋਜੈਕਟਾਂ 'ਤੇ ਕੰਮ ਜਾਰੀ ਹੈ। ਹਾਲ ਹੀ 'ਚ ਉਸ ਨੇ 'ਸੁਪਰ 30' ਲਈ ਰਿਤਿਕ ਰੌਸ਼ਨ ਨਾਲ ਆਈਟਮ ਸੌਂਗ ਕੀਤਾ ਹੈ।
ਉਸ ਨੇ ਕਿਹਾ ਕਿ ਮੈਂ 17 ਸਾਲ ਦੀ ਉਮਰ ਤੋਂ ਕੰਮ ਕਰ ਰਹੀ ਹਾਂ ਤੇ ਇਹ ਸਫਰ ਬੇਹੱਦ ਚੰਗਾ ਰਿਹਾ।