ਮੁੰਬਈ (ਬਿਊਰੋ)— ਬਾਲੀਵੁੱਡ 'ਚ ਫਿਲਮ 'ਸੰਜੂ' ਨਾਲ ਡੈਬਿਊ ਕਰਨ ਵਾਲੀ ਕਰਿਸ਼ਮਾ ਤੰਨਾ ਅੱਜਕਲ ਆਪਣੀ ਸਕਸੈੱਸ ਇੰਜੁਆਏ ਕਰ ਰਹੀ ਹੈ। ਟੀ. ਵੀ. ਅਦਾਕਾਰਾ ਤੋਂ ਬਾਲੀਵੁੱਡ ਵੱਲ ਰੁਖ ਕਰਨ ਵਾਲੀ ਕਰਿਸ਼ਮਾ ਤੰਨਾ ਨੂੰ ਵੱਡੀ ਸਕ੍ਰੀਨ 'ਤੇ ਵੀ ਦਰਸ਼ਕਾਂ ਦਾ ਓਨਾ ਹੀ ਪਿਆਰ ਮਿਲਿਆ ਹੈ, ਜਿੰਨਾ ਛੋਟੇ ਪਰਦੇ 'ਤੇ ਮਿਲਦਾ ਹੈ।
ਫਿਲਹਾਲ ਕਰਿਸ਼ਮਾ ਟੀ. ਵੀ. ਅਤੇ ਬਾਲੀਵੁੱਡ ਦੋਹਾਂ ਤੋਂ ਮਿਲ ਰਹੀਆਂ ਸਫਲਤਾਵਾਂ ਨੂੰ ਇੰਜੁਆਏ ਕਰ ਰਹੀ ਹੈ। ਇਸੇ ਸਾਲ ਉਨ੍ਹਾਂ ਨੇ ਏਕਤਾ ਕਪੂਰ ਦੇ ਸੀਰੀਅਲ 'ਨਾਗਿਨ 3' 'ਚ ਕਦਮ ਰੱਖਿਆ ਹੈ, ਜਿਸ 'ਚ ਉਨ੍ਹਾਂ ਦੇ ਅਭਿਨੈ ਨੂੰ ਦਰਸ਼ਕ ਕਾਫੀ ਪਸੰਦ ਕਰ ਰਹੇ ਹਨ। ਉੱਥੇ ਦੂਜੇ ਹੀ ਪਾਸੇ ਟੀ. ਵੀ. ਸ਼ੋਅ 'ਕਿਆਮਤ ਕੀ ਰਾਤ' ਵੀ ਬਿਹਤਰੀਨ ਪ੍ਰਦਰਸ਼ਨ ਕਰ ਰਹੀ ਹੈ।
ਕਰਿਸ਼ਮਾ ਦੇ ਇਨ੍ਹਾਂ ਦੋਹਾਂ ਸੀਰੀਅਲਾਂ ਨੂੰ ਦਰਸ਼ਕਾਂ ਦਾ ਚੰਗਾ ਰਿਸਪਾਂਸ ਮਿਲ ਰਿਹਾ ਹੈ ਅਤੇ ਇਸ ਹਫਤੇ ਉਨ੍ਹਾਂ ਦਾ ਇਹ ਸ਼ੋਅ ਟੀ. ਆਰ. ਪੀ. ਲਿਸਟ 'ਚ ਨੰਬਰ 2 'ਤੇ ਹੈ। ਉਨ੍ਹਾਂ ਦਾ ਪਹਿਲਾ ਸੀਰੀਅਲ 'ਨਾਗਿਨ 3' ਟੀ. ਆਰ. ਪੀ. ਲਿਸਟ 'ਚ ਕਈ ਹਫਤਿਆਂ ਤੋਂ ਪਹਿਲੇ ਨੰਬਰ 'ਤੇ ਹੀ ਬਣਿਆ ਹੋਇਆ ਹੈ।
ਇਨ੍ਹਾਂ ਤੋਂ ਇਲਾਵਾ ਉਨ੍ਹਾਂ ਦੀ ਹਾਲ ਹੀ 'ਚ ਰਿਲੀਜ਼ ਹੋਈ ਫਿਲਮ 'ਸੰਜੂ' ਵੀ ਬਾਕਸ ਆਫਿਸ 'ਤੇ ਰਿਕਾਰਡਤੋੜ ਕਮਾਈ ਕਰ ਰਹੀ ਹੈ। ਫਿਲਮ 'ਚ ਉਨ੍ਹਾਂ ਦਾ ਰੋਲ ਭਾਵੇਂ ਛੋਟਾ ਸੀ ਪਰ ਇੰਨੇ ਘੱਟ ਸਮੇਂ 'ਚ ਵੀ ਕਰਿਸ਼ਮਾ ਦਰਸ਼ਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚਣ 'ਚ ਕਾਮਯਾਬ ਰਹੀ।
