ਮੁੰਬਈ(ਬਿਊਰੋ)— ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਕਰਿਸ਼ਮਾ ਕਪੂਰ ਦੇ ਪਿਤਾ ਰਣਧੀਰ ਕਪੂਰ ਦਾ 15 ਫਰਵਰੀ ਨੂੰ 71ਵਾਂ ਜਨਮਦਿਨ ਸੀ। ਕਪੂਰ ਪਰਿਵਾਰ ਨੇ ਮੁੰਬਈ ਦੇ ਇਕ ਸ਼ਾਨਦਾਰ ਹੋਟਲ 'ਚ ਇਸ ਖਾਸ ਮੌਕੇ ਨੂੰ ਸੈਲੀਬ੍ਰੇਟ ਕੀਤਾ। ਰਣਧੀਰ ਦੇ ਜਨਮਦਿਨ ਸੈਲੀਬ੍ਰੇਸ਼ਨ ਪਾਰਟੀ 'ਚ ਬਬੀਤਾ, ਕਰਿਸ਼ਮਾ ਕਪੂਰ ਆਪਣੇ ਬੱਚਿਆਂ ਸਮੇਤ ਤੇ ਕਰੀਨਾ ਕਪੂਰ ਖਾਨ ਨੇ ਸ਼ਿਰਕਤ ਕੀਤੀ।
ਕਰਿਸ਼ਮਾ ਪਾਰਟੀ 'ਚ ਮਹਿਰੂਨ ਤੇ ਸੰਤਰੀ ਕਲਰ ਦੇ ਗਾਊਨ 'ਚ ਨਜ਼ਰ ਆਈ ਸੀ। ਉਸ ਨੇ ਆਪਣੀ ਡਰੈੱਸ ਨਾਲ ਜੋ ਕਲਚ (ਪਰਸ) ਫੜ੍ਹਿਆ ਹੋਇਆ ਸੀ, ਉਸ ਦੀ ਕੀਮਤ ਲੱਖਾਂ 'ਚ ਹੈ।
ਉਸ ਦਾ ਇਹ ਪਰਸ ਗੁਚੀ ਦਾ ਸੀ, ਜੋ ਕਾਫੀ ਸ਼ਾਨਦਾਰ ਲੱਗ ਰਿਹਾ ਸੀ। ਇਸ ਦੀ ਕੀਮਤ ਕਰੀਬ 1 ਲੱਖ 27 ਹਜ਼ਾਰ ਰੁਪਏ ਸੀ।
ਕਰਿਸ਼ਮਾ ਦਾ ਪਸੰਦੀਦਾ ਕਲਰ ਤਾਂ ਬਲੈਕ ਹੈ ਪਰ ਇਸ ਪਾਰਟੀ 'ਚ ਉਹ ਵੱਖਰੇ ਰੰਗ ਦੇ ਕੱਪੜਿਆਂ 'ਚ ਨਜ਼ਰ ਆਈ।
ਦੱਸ ਦੇਈਏ ਕਿ ਕਰੀਨਾ ਕਪੂਰ ਨੇ ਇਸ ਦੌਰਾਨ ਬਲੈਕ ਰੰਗ ਦੀ ਡਰੈੱਸ ਪਾਈ ਸੀ, ਜੋ ਕਾਫੀ ਸ਼ਾਨਦਾਰ ਸੀ ਪਰ ਕਰਿਸ਼ਮਾ ਦੇ ਪਰਸ ਅੱਗੇ ਉਸ ਦੀ ਲਾਈਮਲਾਈਟ ਫਿੱਕੀ ਪੈ ਗਈ।
ਇਸ ਪਾਰਟੀ 'ਚ ਰਿਸ਼ੀ ਕਪੂਰ ਤੇ ਨੀਤੂ ਕਪੂਰ ਵੀ ਪੁੱਜੀ ਸੀ। ਪੂਰੇ ਪਰਿਵਾਰ ਨੇ ਮਿਲ ਕੇ ਕੇਕ ਕੱਟਿਆ ਸੀ। ਕਰਿਸ਼ਮਾ ਕਪੂਰ ਫਿਲਹਾਲ ਸੰਦੀਪ ਤੋਸ਼ਨੀਵਾਲ ਨਾਲ ਆਪਣੇ ਅਫੇਅਰ ਨੂੰ ਲੈ ਕੇ ਸੁਰਖੀਆਂ 'ਚ ਹੈ।
