ਮੁੰਬਈ (ਬਿਊਰੋ)— ਅਦਾਕਾਰਾ ਕਰਿਸ਼ਮਾ ਕਪੂਰ ਬੀਤੇ ਦਿਨ ਮੁੰਬਈ ਏਅਰਪੋਰਟ 'ਤੇ ਆਪਣੀ ਧੀ ਸਮਾਇਰਾ ਨਾਲ ਨਜ਼ਰ ਆਈ। ਮਾਂ-ਧੀ ਦੋਵਾਂ ਨੇ ਮੁਸਕੁਰਾਉਂਦੇ ਹੋਏ ਏਅਰਪੋਰਟ 'ਤੇ ਪੈਪਰਾਜੀ ਨੂੰ ਕੁਝ ਇਸ ਤਰ੍ਹਾਂ ਪੋਜ਼ ਕੀਤਾ। ਦੱਸ ਦੇਈਏ ਕਿ ਕੁਝ ਸਮਾਂ ਪਹਿਲਾਂ ਹੀ ਸਮਾਇਰਾ ਨੇ ਆਪਣਾ 13 ਵਾਂ ਜਨਮਦਿਨ ਸੈਲੀਬਰੇਟ ਕੀਤਾ ਹੈ। ਸਮਾਇਰਾ ਉਂਝ ਤਾਂ ਕੈਮਰੇ 'ਤੇ ਬਚਦੀ ਹੈ ਪਰ ਬੀਤੇ ਦਿਨ ਜਦੋਂ ਉਹ ਮਾਂ ਨਾਲ ਸੀ ਤਾਂ ਬਹੁਤ ਹੀ ਪਿਆਰੀ ਸਮਾਈਲ ਨਾਲ ਪੋਜ਼ ਦੇ ਰਹੀ ਸੀ। ਕਰਿਸ਼ਮਾ ਅਤੇ ਸਮਾਇਰਾ ਦੋਵੇਂ ਹੀ ਇੱਥੇ ਬਲੈਕ ਡ੍ਰੈੱਸ 'ਚ ਨਜ਼ਰ ਆਈ। ਕਰਿਸ਼ਮਾ ਇਨੀਂ ਦਿਨੀਂ ਫਿਲਮਾਂ ਤੋਂ ਦੂਰ ਹੈ ਅਤੇ ਆਪਣਾ ਪੂਰਾ ਧਿਆਨ ਬੱਚਿਆਂ 'ਤੇ ਦੇ ਰਹੀ ਹੈ।
ਕਰਿਸ਼ਮਾ ਅਕਸਰ ਆਪਣੇ ਬੱਚਿਆਂ ਨਾਲ ਨਜ਼ਰ ਵੀ ਆਉਂਦੀ ਹਨ। ਸਮਾਇਰਾ ਤੋਂ ਇਲਾਵਾ ਕਰਿਸ਼ਮਾ ਦਾ ਇਕ ਪੁੱਤਰ ਵੀ ਹੈ ਜਿਸ ਦਾ ਨਾਮ ਕਿਆਨ ਹੈ। ਪਤੀ ਸੰਜੈ ਕਪੂਰ ਤੋਂ ਤਲਾਕ ਲੈਣ ਤੋਂ ਬਾਅਦ ਕਰਿਸ਼ਮਾ ਨੇ ਖੁਦ ਬੱਚਿਆਂ ਦੀ ਕਸਟਡੀ ਲਈ ਹੈ। ਦੋਵੇਂ ਬੱਚੇ ਕਦੇ-ਕਦੇ ਸੰਜੈ ਕਪੂਰ ਨੂੰ ਮਿਲਣ ਵੀ ਜਾਂਦੇ ਹਨ। ਉਥੇ ਹੀ ਰਿਪੋਰਟ ਦੀ ਮੰਨੀਏ ਤਾਂ ਕਰਿਸ਼ਮਾ ਇਨੀਂ ਦਿਨੀਂ ਸੰਦੀਪ ਤੋਸ਼ਨਿਵਾਲ ਨੂੰ ਡੇਟ ਕਰ ਰਹੀ ਹੈ। ਉਹ ਦੋਵੇਂ ਅਕਸਰ ਇਕੱਠੇ ਨਜ਼ਰ ਆਉਂਦੇ ਹਨ।