ਮੁੰਬਈ(ਬਿਊਰੋ)- ਕਾਰਤਿਕ ਆਰੀਅਨ ਤੇ ਸਾਰਾ ਅਲੀ ਖਾਨ ਦੀ ਜੋੜੀ ਨੂੰ ਦਰਸ਼ਕਾਂ ਵੱਲੋਂ ਕਾਫੀ ਪਸੰਦ ਕੀਤਾ ਜਾਂਦਾ ਹੈ। ਉਂਝ ਤਾਂ ਇਨ੍ਹਾਂ ਦੋਵਾਂ ਨੇ ਇਕ-ਦੂਜੇ ਨੂੰ ਡੇਟ ਕਰਨ ਦੀ ਖਬਰ ’ਤੇ ਕਦੇ ਮੋਹਰ ਨਹੀਂ ਲਗਾਈ ਪਰ ਕਈ ਵਾਰ ਦੋਵਾਂ ਨੂੰ ਇਕੱਠੇ ਘੁੰਮਦੇ-ਫਿਰਦੇ ਦੇਖਿਆ ਗਿਆ ਹੈ। ਹਾਲ ਹੀ ਵਿਚ ਦੋਵਾਂ ਵਿਚਕਾਰ ਬ੍ਰੇਕਅੱਪ ਦੀਆਂ ਖਬਰਾਂ ਵੀ ਆਈਆਂ ਸਨ। ਖੈਰ ਕਾਰਤਿਕ ਆਰੀਅਨ ਅਤੇ ਸਾਰਾ ਅਲੀ ਖਾਨ ਰਿਸ਼ਤਾ ਕੀ ਹੈ, ਇਹ ਤਾਂ ਕਹਿ ਪਾਉਣਾ ਮੁਸ਼ਕਿਲ ਹੈ ਪਰ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਰਹੇ ਇਕ ਵੀਡੀਓ ਨੂੰ ਦੇਖ ਕੇ ਅਜਿਹਾ ਲੱਗਦਾ ਹੈ, ਜਿਵੇਂ ਹੁਣ ਵੀ ਇਹ ਦੋਵੇਂ ਇਕ-ਦੂਜੇ ਦੀ ਕਾਫੀ ਫਿਕਰ ਕਰਦੇ ਹਨ। ਦਰਅਸਲ, ਸੋਸ਼ਲ ਮੀਡੀਆ ’ਤੇ ਇਨ੍ਹੀਂ ਦਿਨੀਂ ਸਾਰਾ ਅਲੀ ਖਾਨ ਅਤੇ ਕਾਰਤਿਕ ਆਰੀਅਨ ਦੀ ਇਕ ਵੀਡੀਓ ਕਾਫੀ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ।
ਵਾਇਰਲ ਵੀਡੀਓ ਇਕ ਐਵਾਰਡ ਸ਼ੋਅ ਦੀ ਹੈ, ਜਿੱਥੇ ਕਾਰਤਿਕ, ਸਾਰਾ ਨੂੰ ਚੈਲੇਂਜ ਦਿੰਦੇ ਹੋਏ ਉਨ੍ਹਾਂ ਨੂੰ ਇਕ ਸੈਂਡਲ ’ਤੇ ਕੈਟ ਵਾਕ ਕਰਨ ਨੂੰ ਕਹਿੰਦੇ ਹਨ। ਇਸ ’ਤੇ ਸਾਰਾ ਆਪਣੀ ਇਕ ਸੈਂਡਲ ਉਤਾਰ ਦਿੰਦੀ ਹੈ ਅਤੇ ਵਾਕ ਕਰਨ ਲੱਗਦੀ ਹੈ ਪਰ ਅਚਾਨਕ ਉਨ੍ਹਾਂ ਦੀ ਡਰੈੱਸ ਉਨ੍ਹਾਂ ਦੇ ਪੈਰ ਵਿਚ ਫਸ ਜਾਂਦੀ ਹੈ ਅਤੇ ਉਹ ਡਿੱਗਣ ਲੱਗਦੀ ਹੈ ਪਰ ਕਾਰਤਿਕ, ਸਾਰਾ ਦਾ ਹੱਥ ਫੜ੍ਹ ਲੈਂਦੇ ਹਨ ਅਤੇ ਉਨ੍ਹਾਂ ਨੂੰ ਡਿੱਗਣ ਤੋਂ ਵਚਾ ਲੈਂਦੇ ਹਨ।
ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਸਿਨੇਮਾਘਰਾਂ ਵਿਚ ਹਾਲ ਹੀ ਵਿਚ ਰਿਲੀਜ਼ ਹੋਈ ਕਾਰਤਿਕ ਆਰੀਅਨ ਦੀ ਫਿਲਮ ‘ਪਤੀ, ਪਤਨੀ ਓਰ ਵੋ’ ਕਾਫੀ ਵਧੀਆ ਕਮਾਈ ਕਰ ਰਹੀ ਹੈ। ਉਥੇ ਹੀ 2020 ਵਿਚ ਕਾਰਤਿਕ ਤੇ ਸਾਰਾ ਅਲੀ ਖਾਨ ‘ਆਜਕਲ’ ਵਿਚ ਨਜ਼ਰ ਆਉਣਗੇ।