ਮੁੰਬਈ (ਬਿਊਰੋ)- ਕਾਰਤਿਕ ਆਰੀਅਨ ਅਤੇ ਸਾਰਾ ਅਲੀ ਖਾਨ ਦੀ ਜੋੜੀ ਇਕ ਵਾਰ ਫਿਰ ਚਰਚਾ 'ਚ ਹੈ। ਦਰਅਸਲ ਬਾਲੀਵੁੱਡ ਅਦਾਕਾਰ ਕਾਰਤਿਕ ਆਰੀਅਨ ਨੇ ਈਦ ਮੌਕੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟਸ 'ਤੇ ਇਕ ਤਸਵੀਰ ਸਾਂਝੀ ਕੀਤੀ ਹੈ।ਇਸ ਤਸਵੀਰ 'ਚ ਕਾਰਤਿਕ ਆਰੀਅਨ ਤੇ ਸਾਰਾ ਅਲੀ ਖਾਨ ਚਿਹਰਾ ਲੁਕਾ ਕੇ ਦਰਗਾਹ ਦੇ ਬਾਹਰ ਈਦ ਮਨਾਉਂਦੇ ਨਜ਼ਰ ਆਏ।ਸੋਸ਼ਲ ਮੀਡੀਆ 'ਤੇ ਇਹ ਤਸਵੀਰ ਖੂਬ ਵਾਇਰਲ ਹੋ ਰਹੀ ਹੈ।
ਫੈਨਜ਼ ਲਗਾਤਾਰ ਇਸ ਤਸਵੀਰ ਤੇ ਕੂਮੈਂਟਸ ਕਰ ਰਹੇ ਹਨ।ਉਂਝ ਵੀ ਇਹ ਦੋਵੇ ਅੱਜ-ਕੱਲ ਆਪਣੀ ਫਿਲਮ 'ਲਵ ਆਜ ਕੱਲ 2' ਦੀ ਸ਼ੂਟਿੰਗ ਦੇ ਚਲਦਿਆਂ ਇਕੱਠਿਆਂ ਹੀ ਨਜ਼ਰ ਆਉਂਦੇ ਹਨ।ਦੱਸਣਯੋਗ ਹੈ ਕਿ ਸਾਰਾ ਅਲੀ ਖਾਨ ਤੇ ਕਾਰਤਿਕ ਆਰੀਅਨ ਦੀ ਇਹ ਜੋੜੀ ਕਰਨ ਜੌਹਰ ਦੇ ਸ਼ੋਅ ਕਾਰਨ ਚਰਚਾ 'ਚ ਆਈ ਸੀ, ਜਦੋਂ ਸਾਰਾ ਨੇ ਕਿਹਾ ਸੀ ਕਿ ਕਾਰਤਿਕ ਆਰੀਅਨ ਤੇ ਉਸ ਦਾ ਕ੍ਰਸ਼ ਹੈ।ਉਦੋਂ ਤੋਂ ਫੈਨਜ਼ ਇਨ੍ਹਾਂ ਨੂੰ ਲੈ ਕੇ ਕਾਫੀ ਉਤਸੁਕ ਹਨ।ਫੈਨਜ਼ ਇਨ੍ਹਾਂ ਦੋਵਾਂ ਨੂੰ ਇਕੱਠਿਆਂ ਫਿਲਮ 'ਚ ਦੇਖਣਾ ਚਾਹੁੰਦੇ ਹਨ।