ਮੁੰਬਈ(ਬਿਊਰੋ)— ਹਰ ਸਾਲ ਵਾਂਗ ਇਸ ਸਾਲ ਵੀ ਅਨਿਲ ਕਪੂਰ ਦੇ ਘਰ ਕਰਵਾ ਚੌਥ ਸੈਲੀਬ੍ਰੇਸ਼ਨ ਕੀਤਾ ਗਿਆ। ਸੈਲੀਬ੍ਰੇਸ਼ਨ 'ਚ ਬਾਲੀਵੁੱਡ ਦੀਆਂ ਕਈ ਮਸ਼ਹੂਰ ਹਸਤੀਆਂ ਨਜ਼ਰ ਆਈਆਂ। ਇਸ ਖਾਸ ਮੌਕੇ 'ਤੇ ਅਨਿਲ ਕਪੂਰ ਦੀ ਪਤਨੀ ਸੁਨੀਤਾ ਕਪੂਰ, ਨੀਲਮ, ਰੀਮਾ ਜੈਨ, ਡੇਵਿਡ ਧਵਨ ਦੀ ਪਤਨੀ ਲਾਲੀ ਧਵਨ ਤੇ ਕ੍ਰਿਸ਼ਕਾ ਲੂਲਾ ਨੇ ਮਿਲ ਕੇ ਕਰਵਾਚੌਥ ਦੀ ਪੂਜਾ ਕੀਤੀ।
ਕਰਵਾਚੌਥ ਮਨਾਉਣ ਅਨਿਲ ਦੇ ਘਰ ਰਵੀਨਾ ਟੰਡਨ ਲਾਲ ਕਲਰ ਦੀ ਡਰੈੱਸ 'ਚ ਪਹੁੰਚੀ। ਉਸ ਨੇ ਡਰੈੱਸ ਨਾਲ ਹੈਵੀ ਏਅਰਿੰਗ ਕੈਰੀ ਕੀਤੇ ਹੋਏ ਸਨ। ਉਥੇ ਹੀ ਸੰਜੇ ਕਪੂਰ ਦੀ ਪਤਨੀ ਮਹੀਪ ਕਪੂਰ ਨੇ ਪਿੰਕ ਕਲਰ ਦੀ ਡਰੈੱਸ ਪਾਈ ਸੀ ਪਰ ਸਾਰਿਆਂ ਨੇ ਮਿਲ ਕੇ ਸ਼੍ਰੀਦੇਵੀ ਨੂੰ ਕਾਫੀ ਮਿਸ ਕੀਤਾ।
ਮਹੀਪ ਕਪੂਰ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਇਕ ਤਸਵੀਰ ਵੀ ਪੋਸਟ ਕੀਤੀਆਂ ਹਨ। ਇਸ ਤਸਵੀਰ 'ਚ ਸਾਰੇ ਇਕੱਠੇ ਬੈਠੇ ਨਜ਼ਰ ਆ ਰਹੇ ਹਨ। ਤਸਵੀਰ ਦੇ ਕੈਪਸ਼ਨ 'ਚ ਉਨ੍ਹਾਂ ਨੇ ਲਿਖਿਆ, ''ਮਿਸ ਯੂ ਸ਼੍ਰੀ।''
ਦੱਸ ਦੇਈਏ ਕਿ ਪਿਛਲੇ ਸਾਲ ਕਰਵਾਚੌਥ ਦੇ ਸੈਲੀਬ੍ਰੇਸ਼ਨ ਲਈ ਕਈ ਸਿਤਾਰੇ ਅਨਿਲ ਕਪੂਰ ਦੇ ਘਰ 'ਚ ਇਕੱਠੇ ਹੋਏ ਸਨ। ਇਸ ਸੈਲੀਬ੍ਰੇਸ਼ਨ 'ਚ ਸ਼੍ਰੀਦੇਵੀ ਵੀ ਆਪਣੇ ਪਤੀ ਬੋਨੀ ਕਪੂਰ ਨਾਲ ਆਈ ਸੀ।
ਇਸ ਦੌਰਾਨ ਸ਼੍ਰੀਦੇਵੀ ਨੇ ਜਰੀ ਦੀ ਸਾੜ੍ਹੀ ਪਾਈ ਸੀ। ਇਸ ਦੌਰਾਨ ਸ਼ਿਲਪਾ ਸ਼ੈੱਟੀ, ਰਵੀਨਾ ਟੰਡਨ, ਸੁਨੀਤਾ, ਨੀਲਮ ਆਦਿ ਵੀ ਮੌਜੂਦ ਸੀ।