ਨਵੀਂ ਦਿੱਲੀ (ਬਿਊਰੋ)— ਹਾਲੀਵੁੱਡ ਦੀ ਮਸ਼ਹੂਰ ਮਾਡਲ ਕੈਟਰੀਨਾ ਜ਼ਰੂਤਸਕੀ ਨਾਲ ਹਾਲ ਹੀ 'ਚ ਇਕ ਭਿਆਨਕ ਹਾਦਸਾ ਹੋਇਆ, ਜਿਸ ਦੀ ਚਰਚਾ ਹਰ ਪਾਸੇ ਹੋ ਰਹੀ ਹੈ। ਦਰਅਸਲ ਕੈਟਰੀਨਾ ਆਸਟ੍ਰੇਲੀਆ ਦੇ ਬੀਚ 'ਚ ਇਕ ਫੋਟੋਸ਼ੂਟ ਕਰਵਾ ਰਹੀ ਸੀ ਅਤੇ ਇਸ ਦੌਰਾਨ ਇਕ ਸ਼ਾਰਕ ਨੇ ਉਸ 'ਤੇ ਅਚਾਨਕ ਹਮਲਾ ਕਰ ਦਿੱਤਾ, ਜਿਸ 'ਚ ਉਸ ਦਾ ਗੁੱਟ ਜ਼ਖਮੀ ਹੋ ਗਿਆ। ਉਹ ਕਾਫੀ ਮੁਸ਼ਕਿਲ ਨਾਲ ਸ਼ਾਰਕ ਤੋਂ ਆਪਣਾ ਗੁੱਟ ਛੁੱਡਵਾ ਕੇ ਪਾਣੀ 'ਚੋਂ ਬਾਹਰ ਨਿਕਲੀ। ਇਸ ਤੋਂ ਬਾਅਦ ਮਾਡਲ ਨੂੰ ਹਸਪਤਾਲ ਲਿਜਾਇਆ ਗਿਆ, ਜਿਥੇ ਉਸ ਦਾ ਇਲਾਜ ਕਰਵਾਇਆ ਗਿਆ। ਇਸ ਦੀਆਂ ਕਾਫੀ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ। ਮਾਡਲ ਨੇ ਦੱਸਿਆ, ''ਸ਼ਾਰਕ ਨੇ ਮੈਨੂੰ ਕੱਟਣ ਤੋਂ ਪਹਿਲਾਂ ਕੁਝ ਸੈਕਿੰਡਾਂ ਲਈ ਪਾਣੀ ਅੰਦਰ ਖਿੱਚ ਕੇ ਰੱਖਿਆ ਸੀ । ਹਾਲਾਂਕਿ ਮੈਂ ਖੁਦ ਨੂੰ ਸੰਭਾਲਿਆ ਅਤੇ ਫੁਰਤੀ ਨਾਲ ਪਾਣੀ 'ਚੋਂ ਬਾਹਰ ਨਿਕਲ ਆਈ। ਇਹ ਘਟਨਾ ਹੋਰ ਵੀ ਭਿਆਨਕ ਹੋ ਸਕਦੀ ਸੀ ਕਿਉਂਕਿ ਮੈਂ ਬਿਲਕੁਲ ਖਾਮੋਸ਼ ਹੋ ਗਈ ਸੀ ਅਤੇ ਮੇਰੇ ਪਰਿਵਾਰ 'ਚੋਂ ਵੀ ਕਿਸੇ ਨੇ ਸ਼ੋਰ ਨਾ ਮਚਾਇਆ।''