ਲਾਂਸ ਏਜਲਸ (ਬਿਊਰੋ) : ਗਾਇਕਾ ਤੇ ਟੀ. ਵੀ. ਸਟਾਰ ਕੇਟੀ ਪ੍ਰਾਈਸ ਅੱਜਕਲ੍ਹ ਖੂਬ ਚਰਚਾਂ 'ਚ ਬਣੀ ਹੋਈ ਹੈ। ਉਹ ਵੀ ਆਪਣੀਆਂ ਤਸਵੀਰਾਂ ਜਾਂ ਕਿਸੇ ਵੀਡੀਓ ਕਰਕੇ ਨਹੀਂ ਸਗੋਂ ਇਸ ਵਾਰ ਮਾਮਲਾ ਕੁਝ ਹੋਰ ਹੀ ਹੈ। ਦਰਅਸਲ ਕੇਟੀ ਦੀ ਵੈੱਬਸਾਈਟ ਬੰਦ ਹੋ ਗਈ ਹੈ।
ਉਹ ਇਸ ਲਈ ਕਿਉਂਕਿ ਪੈਸਿਆਂ ਦੀ ਤੰਗੀ ਕਰਕੇ ਉਹ ਵੈੱਬਸਾਈਟ ਦੀ ਹੋਸਟਿੰਗ ਦੇ ਪੈਸੇ ਨਹੀਂ ਅਦਾ ਕਰ ਪਾਈ।
ਕੇਟੀ ਇਸ ਲਈ ਵੀ ਆਲੋਚਨਾ ਦਾ ਸ਼ਿਕਾਰ ਹੋ ਰਹੀ ਹੈ ਕਿਉਂਕਿ ਉਸ ਨੇ 90 ਹਜ਼ਾਰ ਰੁਪਏ ਦਾ ਛੋਟਾ ਕੁੱਤਾ ਖਰੀਦ ਲਿਆ ਪਰ ਵੈਬਸਾਈਟ ਦੇ ਪੈਸੇ ਨਹੀਂ ਦੇ ਸਕੀ।
ਦੱਸ ਦਈਏ ਕਿ ਕੇਟੀ ਪ੍ਰਾਈਸ ਦੀ ਵੈਬਸਾਈਟ katieprice.co.uk ਹੁਣ ਬੰਦ ਹੋ ਚੁੱਕੀ ਹੈ।
ਕੇਟੀ ਆਪਣੀ ਵੈਬਸਾਈਟ ਨੂੰ ਪ੍ਰੋਮੋਟ ਵੀ ਕਰ ਰਹੀ ਸੀ।
ਹੁਣ ਦੇਖਣਾ ਇਹ ਹੈ ਕਿ ਕੇਟੀ ਆਪਣੀ ਵੈਬਸਾਈਟ ਦੁਬਾਰਾ ਚਾਲੂ ਕਰਵਾਉਂਦੀ ਹੈ ਜਾਂ ਨਹੀਂ।
