ਮੁੰਬਈ(ਬਿਊਰੋ)— ਅੱਜਕਲ ਕੈਟਰੀਨਾ ਕੈਫ ਬਾਲੀਵੁੱਡ ਦੇ ਦੋ ਵੱਡੇ ਖਾਨ ਦੀਆਂ ਫਿਲਮਾਂ 'ਚ ਕੰਮ ਕਰ ਰਹੀ ਹੈ। ਇਕ ਫਿਲਮ ਸ਼ਾਹਰੁਖ ਖਾਨ ਨਾਲ ਹੈ ਤਾਂ ਦੂਜੀ ਆਮਿਰ ਖਾਨ ਨਾਲ। ਇਸ ਤੋਂ ਪਹਿਲਾਂ ਸਲਮਾਨ ਖਾਨ ਨਾਲ ਉਨ੍ਹਾਂ ਦੀ ਫਿਲਮ 'ਟਾਈਗਰ ਜ਼ਿੰਦਾ ਹੈ' ਨੇ ਬਲਾਕਬਸਟਰ ਸਿੱਧ ਹੋਈ ਸੀ। ਕਰੀਅਰ 'ਤੇ ਫੋਕਸ ਕਰ ਰਹੀ ਕੈਟਰੀਨਾ ਦੀਆਂ ਅਚਾਨਕ ਵਿਆਹ ਦੇ ਜੋੜੇ 'ਚ ਤਸਵੀਰਾਂ ਵਾਇਰਲ ਹੋ ਰਹੀਆਂ ਹਨ।
ਤਸਵੀਰਾਂ 'ਚ ਕੈਟਰੀਨਾ ਲਾਲ ਜੋੜੇ 'ਚ ਹੈ ਅਤੇ ਗਹਿਣਿਆਂ ਨਾਲ ਸੱਜੀ ਹੋਈ ਹੈ। ਅੱਜਕਲ ਸੈਲੀਬ੍ਰਿਟੀ ਚੋਰੀ-ਛਿਪੇ ਵਿਆਹ ਕਰਨ 'ਚ ਮਾਹਿਰ ਹੋ ਗਏ ਹਨ। ਲੰਬੇ ਸਮੇਂ ਤੋਂ ਦੀਪਿਕਾ ਪਾਦੂਕੋਣ ਅਤੇ ਸੋਨਮ ਕਪੂਰ ਦੇ ਵਿਆਹ ਦੀਆਂ ਖਬਰਾਂ ਆ ਰਹੀਆਂ ਹਨ।
ਅਜਿਹੇ 'ਚ ਕੈਟਰੀਨਾ ਦੀਆਂ ਇਨ੍ਹਾਂ ਤਸਵੀਰਾਂ 'ਤੇ ਵੀ ਅਜਿਹੇ ਸਵਾਲ ਖੜ੍ਹੇ ਹੋਣੇ ਲਾਜ਼ਮੀ ਹਨ। ਆਕਿਰ ਕੈਟਰੀਨਾ ਦੀਆਂ ਇਨ੍ਹਾਂ ਤਸਵੀਰਾਂ ਦੀ ਸੱਚਾਈ ਕੀ ਹੈ? ਇਸ ਤੋਂ ਪਹਿਲਾਂ ਤੁਸੀਂ ਕੁਝ ਹੋਰ ਸੋਚੋਂ। ਤੁਹਾਨੂੰ ਦੱਸ ਦੇਈਏ ਕਿ ਇਹ ਤਸਵੀਰਾਂ ਫਿਲਮ 'ਜ਼ੀਰੋ' ਦੇ ਸੈੱਟ ਦੀਆਂ ਹਨ।
ਕਿਸੇ ਸੀਨ ਲਈ ਕੈਟਰੀਨਾ ਨੇ ਲਾੜੀ ਦਾ ਜੋੜਾ ਪਾਇਆ ਹੋਇਆ ਹੈ। ਫਿਲਮ 'ਚ ਸ਼ਾਹਰੁਖ ਖਾਨ ਇਕ ਬੌਨੇ ਵਿਅਕਤੀ ਦਾ ਕਿਰਦਾਰ ਨਿਭਾਅ ਰਹੇ ਹਨ। ਕੈਟਰੀਨਾ ਅਤੇ ਸ਼ਾਹਰੁਖ ਤੋਂ ਇਲਾਵਾ ਫਿਲਮ 'ਚ ਅਨੁਸ਼ਕਾ ਸ਼ਰਮਾ ਵੀ ਹੈ।
ਫਿਲਮ 'ਚ ਕੈਟਰੀਨਾ ਅਤੇ ਅਨੁਸ਼ਕਾ ਦਾ ਕਿਰਦਾਰ ਵੀ ਕਾਫੀ ਵੱਖਰਾ ਹੈ। ਕੈਟਰੀਨਾ ਸ਼ਰਾਬ ਦੀ ਆਦਤ ਨਾਲ ਜੂਝ ਰਹੀ ਦਿਖੇਗੀ, ਉੱਥੇ ਅਨੁਸ਼ਕਾ ਇਕ ਸਟ੍ਰਗਲ ਸਾਈਂਟਿਸਟ ਦੇ ਕਿਰਦਾਰ 'ਚ ਨਜ਼ਰ ਆਵੇਗੀ।
ਇਸ ਫਿਲਮ 'ਚ ਅਭੈ ਦਿਓਲ ਸਪੈਸ਼ਲ ਅਪੀਰਐਂਸ ਦੇਣਗੇ, ਜੋ ਕੈਟਰੀਨਾ ਕੈਫ ਦੇ ਪਤੀ ਦਾ ਰੋਲ ਨਿਭਾਉਣਗੇ।