ਮੁੰਬਈ(ਬਿਊਰੋ)- ਪ੍ਰਿੰਯਕਾ ਚੋਪੜਾ ਅਤੇ ਦੀਪਿਕਾ ਪਾਦੁਕੋਣ ਤੋਂ ਬਾਅਦ ਕੈਟਰੀਨਾ ਕੈਫ ਵੀ ਅੰਗਰੇਜ਼ੀ ਫਿਲਮ ’ਚ ਕੰਮ ਕਰਨਾ ਚਾਹੁੰਦੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਕੈਟਰੀਨਾ ਕੈਫ ਨੇ ਇਕ ਅੰਗਰੇਜ਼ੀ ਫਿਲਮ ਦੀ ਸਿਕ੍ਰਪਟ ਪੜ੍ਹਣ ਤੋਂ ਬਾਅਦ ਇਹ ਫੈਸਲਾ ਕੀਤਾ ਹੈ । ਕੈਟਰੀਨਾ ਨੂੰ ਇਸ ਫਿਲਮ ਦੀ ਸਿਕ੍ਰਪਟ ਕਾਫੀ ਪਸੰਦ ਆਈ ਹੈ। ਕੁਝ ਦਿਨਾਂ ਪਹਿਲਾਂ ਅਜਿਹੀ ਵੀ ਖਬਰ ਸਾਹਣੇ ਆਈ ਸੀ ਕਿ ਕੈਟਰੀਨਾ ਨੇ ਆਪਣੇ ਯੂ.ਐੱਸ ਟਰਿੱਪ ਦੌਰਾਨ ਫਾਕਸ ਸਟੂਡੀਓਸ ਦੇ ਬੌਸ ਨਾਲ ਵੀ ਮੁਲਾਕਾਤ ਕੀਤੀ ।
ਦਸਿਆ ਜਾ ਰਿਹਾ ਹੈ ਕਿ ਉਹ ‘ਐਵੇਂਜਰਸ’ ਸਟਾਰ ਜਰਮੀ ਰੇਨਰ ਨਾਲ ਇਕ ਹਾਲੀਵੁੱਡ ਫਿਲਮ ’ਚ ਕੰਮ ਕਰ ਸਕਦੀ ਹੈ । ਕੈਟਰੀਨਾ ਦੀ ਪਿਛਲੀ ਫਿਲਮ ‘ਭਾਰਤ’ ਈਦ ਦੇ ਮੌਕੇ ’ ਤੇ ਰਿਲੀਜ਼ ਹੋਈ ਸੀ । ਇਸ ਫਿਲਮ ਨੂੰ ਦਰਸ਼ਕਾਂ ਨੇ ਕਾਫੀ ਪਸੰਦ ਕੀਤਾ ਸੀ ।
ਹੁਣ ਕੈਟਰੀਨਾ ਰੋਹਿਤ ਸ਼ੈਟੀ ਦੇ ਨਿਰਦੇਸ਼ਕ ’ਚ ਬਣ ਰਹੀ ਫਿਲਮ ‘ਸੂਰਯਵੰਸ਼ੀ’ ’ਚ ਕੰਮ ਕਰ ਰਹੀ ਹੈ । ਇਸ ਫਿਲਮ ’ਚ ਉਹ ਲੰਮੇ ਸਮੇਂ ਤੋਂ ਬਾਅਦ ਅਕਸ਼ੈ ਕੁਮਾਰ ਨਾਲ ਦਿਖਾਈ ਦੇਵੇਗੀ।