ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਕੈਟਰੀਨਾ ਕੈਫ ਅੱਜ ਆਪਣਾ 35ਵਾਂ ਜਨਮਦਿਨ ਮਨਾ ਰਹੀ ਹੈ। ਉਸ ਦਾ ਜਨਮ 16 ਜੁਲਾਈ 1983 ਨੂੰ ਹਾਂਗ ਕਾਂਗ 'ਚ ਹੋਇਆ ਸੀ। ਬਾਲੀਵੁੱਡ 'ਚ ਡੈਬਿਊ ਕਰਨ ਤੋਂ ਪਹਿਲਾਂ ਕੈਟਰੀਨਾ ਕਈ ਮਲਿਆਲਮ ਫਿਲਮਾਂ 'ਚ ਕੰਮ ਕਰ ਚੁੱਕੀ ਹੈ।
ਸਾਲ 2003 'ਚ ਉਸ ਨੇ ਫਿਲਮ 'ਬੂਮ' ਨਾਲ ਹਿੰਦੀ ਫਿਲਮਾਂ 'ਚ ਆਪਣੀ ਸ਼ੁਰੂਆਤ ਕੀਤੀ। ਇਸ ਫਿਲਮ 'ਚ ਉਸ ਨੇ ਅਮਿਤਾਭ ਦੇ ਆਪੋਜ਼ਿਟ ਕੰਮ ਕੀਤਾ ਸੀ। ਇਸ ਤੋਂ ਬਾਅਦ ਉਸ ਨੂੰ ਸਾਲ 2005 'ਚ ਹਿੱਟ ਫਿਲਮ 'ਮੈਂਨੇ ਪਿਆਰ ਕਿਉਂ ਕੀਆ' ਮਿਲੀ ਪਰ ਫਿਲਮ 'ਬੂਮ 'ਚ ਇਕ ਸੀਨ ਕਰਨ ਪਛਤਾਵਾ ਕੈਟ ਨੂੰ ਅੱਜ ਤੱਕ ਹੈ।
ਦਰਅਸਲ ਫਿਲਮ 'ਬੂਮ' 'ਚ ਕੈਟਰੀਨਾ ਨੇ ਗੁਲਸ਼ਨ ਗਰੋਵਰ ਨੂੰ ਕਿੱਸ ਕਰਨੀ ਸੀ। ਉਸ ਸਮੇਂ ਉੱਥੇ ਅਮਿਤਾਭ ਬੱਚਨ ਵੀ ਮੌਜੂਦ ਸਨ, ਜਿਸ ਕਾਰਨ ਕੈਟਰੀਨਾ ਕਾਫੀ ਅਸਹਿਜ ਮਹਿਸੂਸ ਕਰ ਰਹੀ ਸੀ। ਇਸ ਲਈ ਸੀਨ ਨੂੰ ਪ੍ਰ੍ਰਫੈਕਟ ਬਣਾਉਣ ਲਈ ਕੈਟਰੀਨਾ ਨੇ ਇਸ ਸੀਨ ਦੀ 2 ਘੰਟੇ ਪ੍ਰੈਕਟਿਸ ਕੀਤੀ ਸੀ ਅਤੇ ਦਿਲਚਸਪ ਗੱਲ ਇਹ ਹੈ ਕਿ ਕੈਟਰੀਨਾ ਨੇ ਇਹ ਪ੍ਰੈਕਟਿਸ ਬੰਦ ਕਮਰੇ 'ਚ ਗੁਲਸ਼ਨ ਗਰੋਵਰ ਨਾਲ ਕੀਤੀ ਸੀ।
ਉਸ ਤੋਂ ਬਾਅਦ ਹੀ ਉਹ ਇਹ ਸੀਨ ਕਰ ਸਕੀ, ਜਿਸ ਦਾ ਉਸ ਨੂੰ ਅੱਜ ਤੱਕ ਪਛਤਾਵਾ ਹੈ। ਜ਼ਿਕਰਯੋਗ ਹੈ ਕਿ ਸਾਲ 2005 'ਚ ਆਈ ਫਿਲਮ 'ਮੈਂਨੇ ਪਿਆਰ ਕਿਉਂ ਕੀਆ' ਤੋਂ ਬਾਅਦ ਕੈਟਰੀਨਾ-ਸਲਮਾਨ ਵਿਚਕਾਰ ਨੇੜਤਾ ਵਧੀ ਸੀ। ਇਸ ਤੋਂ ਬਾਅਦ ਉਸ ਦਾ ਨਾਂ ਰਣਬੀਰ ਕਪੂਰ ਨਾਲ ਜੁੜਿਆ।
ਇੱਥੋਂ ਤੱਕ ਕਿ ਦੋਵੇਂ ਇਕ-ਦੂਜੇ ਨਾਲ ਲਿਵ-ਇਨ-ਰਿਲੇਸ਼ਨਸ਼ਿਪ 'ਚ ਵੀ ਰਹਿਣ ਲੱਗ ਪਏ ਸਨ ਪਰ ਬਾਅਦ 'ਚ ਦੋਹਾਂ ਦਾ ਬ੍ਰੇਕਅੱਪ ਹੋ ਗਿਆ, ਜਿਸ ਦਾ ਕਾਰਨ ਰਣਬੀਰ ਦੀ ਮਾਂ ਨੀਤੂ ਕਪੂਰ ਦੱਸੀ ਗਈ।