ਮੁੰਬਈ(ਬਿਊਰੋ)— ਐਕਟਰ ਸਲਮਾਨ ਖਾਨ ਤੇ ਅਦਾਕਾਰਾ ਕੈਟਰੀਨਾ ਕੈਫ ਦੀ ਫਿਲਮ 'ਭਾਰਤ' ਪੰਜ ਜੂਨ ਨੂੰ ਰਿਲੀਜ਼ ਹੋਣ ਵਾਲੀ ਹੈ ਪਰ ਇਸ ਫਿਲਮ ਦੀ ਰਿਲੀਜ਼ ਤੋਂ ਪਹਿਲਾਂ ਹੀ ਕੈਟਰੀਨਾ ਦੀ ਨੀਂਦ ਉੱਡੀ ਹੋਈ ਹੈ। ਕੈਟਰੀਨਾ ਨੇ ਸ਼ਨੀਵਾਰ ਨੂੰ ਜੀਕਿਊ 100 ਬੈਸਟ ਡ੍ਰੈਸਡ 2019 ਐਵਾਰਡਜ਼ ਦੌਰਾਨ ਮੀਡੀਆ ਨਾਲ ਗੱਲਬਾਤ ਕੀਤੀ। ਇਸ ਦੌਰਾਨ ਉਸ ਨੇ ਕਿਹਾ,''ਮੈਂ ਰਾਤ ਨੂੰ ਸੌਂ ਨਹੀਂ ਪਾ ਰਹੀ। ਕੈਟਰੀਨਾ ਨੇ ਕਿਹਾ ਕਿ 'ਭਾਰਤ' ਦੀ ਰਿਲੀਜ਼ ਨੂੰ ਲੈ ਕੇ ਉਹ ਇੰਨੀ ਰੌਮਾਂਚਿਤ ਹੈ ਕਿ ਦਰਸ਼ਕਾਂ ਦੀ ਪ੍ਰਤੀਕਿਰਿਆ ਜਾਣਨ ਦੀ ਉਡੀਕ ਨਹੀਂ ਕਰ ਸਕਦੀ।
ਫਿਲਮ ਜਿਸ ਤਰ੍ਹਾਂ ਨਾਲ ਬਣ ਕੇ ਸਾਹਮਣੇ ਆਈ ਹੈ ਉਸ ਤੋਂ ਉਹ ਬੇਹੱਦ ਖੁਸ਼ ਹੈ।'' ਕੈਟਰੀਨਾ ਕੈਫ ਦੀ ਅਗਲੀ ਫਿਲਮ 'ਸੂਰੀਆਵੰਸ਼ੀ' ਹੈ। ਰੋਹਿਤ ਸ਼ੈਟੀ ਦੀ ਇਸ ਫਿਲਮ 'ਚ ਉਹ ਲੰਬੇ ਸਮੇਂ ਬਾਅਦ ਅਕਸ਼ੈ ਕੁਮਾਰ ਨਾਲ ਕੰਮ ਕਰੇਗੀ। 'ਭਾਰਤ' ਦਾ ਨਿਰਦੇਸ਼ਨ ਅਲੀ ਅੱਬਾਸ ਜ਼ਫਰ ਨੇ ਕੀਤਾ ਹੈ।