ਮੁੰਬਈ (ਬਿਊਰੋ) : 'ਕੌਣ ਬਨੇਗਾ ਕਰੋੜਪਤੀ-11' ਲਈ ਮੈਗਾਸਟਾਰ ਅਮਿਤਾਭ ਬੱਚਨ ਨੇ ਸ਼ੂਟਿੰਗ ਸ਼ੁਰੂ ਕਰ ਦਿੱਤੀ ਹੈ। ਹੁਣ ਇਸ ਸ਼ੋਅ ਦਾ ਚੈਨਲ ਵੱਲੋਂ ਨਵਾਂ ਟੀਜ਼ਰ ਰਿਲੀਜ਼ ਕੀਤਾ ਗਿਆ ਹੈ, ਜਿਸ 'ਚ ਅਮਿਤਾਭ ਬੱਚਨ ਦੀ ਸ਼ੋਅ ਦੇ ਸੈੱਟ 'ਤੇ ਧਮਾਕੇਦਾਰ ਐਂਟਰੀ ਹੁੰਦੀ ਹੈ। ਟੀਜ਼ਰ 'ਚ ਉਨ੍ਹਾਂ ਨੇ ਸੈੱਟ ਦੀ ਖਾਸੀਅਤ ਬਾਰੇ ਵੀ ਦੱਸਿਆ ਹੈ ਅਤੇ ਦਰਸ਼ਕਾਂ ਨੂੰ 19 ਅਗਸਤ ਤੱਕ ਦਾ ਇੰਤਜ਼ਾਰ ਕਰਨ ਨੂੰ ਕਿਹਾ ਕਿਉਂਕਿ ਸ਼ੋਅ ਦਾ ਪ੍ਰੀਮੀਅਰ 19 ਅਗਸਤ ਨੂੰ ਹੋ ਰਿਹਾ ਹੈ। ਬੀਤੇ ਦਿਨੀਂ ਸ਼ੋਅ ਦਾ ਨਵਾਂ ਟਰੇਲਰ ਲੌਂਚ ਕਰ ਦਿੱਤਾ ਗਿਆ ਹੈ। ਇਸ ਸਾਲ ਅਗਸਤ 'ਚ ਪ੍ਰੀਮੀਅਰ ਲਈ ਤਿਆਰ ਸ਼ੋਅ ਦਾ ਸੀਜ਼ਨ ਆਪਣੇ ਸੁਪਨਿਆਂ ਪਿੱਛੇ ਡਟੇ ਰਹਿਣ ਦੀ ਗੱਲ ਕਰਦਾ ਹੈ।
ਸ਼ੋਅ ਦਾ ਥੀਮ ਹੈ
ਵਿਸ਼ਵਾਸ ਹੈ ਖੜ੍ਹੇ ਰਹੋ, ਅੜੇ ਰਹੋ।”ਕੌਣ ਬਨੇਗਾ ਕਰੋੜਪਤੀ ਦਾ ਪ੍ਰੀਮੀਅਰ ਅਗਸਤ 'ਚ ਹੋਣਾ ਹੈ। ਰਿਪੋਰਟਸ ਮੁਤਾਬਕ ਸੋਨੀ ਟੀ. ਵੀ. ਆਪਣੇ ਦੋ ਸ਼ੋਅ 'ਲੇਡੀਜ਼ ਸਪੈਸ਼ਲ' ਤੇ ਪਟਿਆਲਾ ਬੇਬਸ' ਨੂੰ ਬੰਦ ਕਰਕ ਇਸ ਗੇਮ ਸ਼ੋਅ ਨੂੰ ਥਾਂ ਦੇਵੇਗਾ। 'ਬਿੱਗ ਬੀ' ਇਸ ਸ਼ੋਅ ਦੇ 10ਵੇਂ ਸੀਜ਼ਨ ਨੂੰ ਹੋਸਟ ਕਰ ਰਹੇ ਹਨ।