ਜਲੰਧਰ (ਬਿਊਰੋ) — ਟੀ. ਵੀ. 'ਤੇ 'ਚੰਦਰਮੁਖੀ ਚੌਟਾਲਾ' ਦੇ ਨਾਂ ਨਾਲ ਮਸ਼ਹੂਰ ਹੋਈ ਅਦਾਕਾਰਾ ਕਵਿਤਾ ਕੌਸ਼ਿਕ ਅਕਸਰ ਹੀ ਸੁਰਖੀਆਂ 'ਚ ਬਣੀ ਰਹਿੰਦੀ ਹੈ। ਕਵਿਤਾ ਨੇ ਸਾਲ 2017 'ਚ ਰੋਨਿਤ ਬਿਸਵਾਸ ਨਾਲ ਵਿਆਹ ਕਰਵਾਇਆ ਸੀ। 38 ਸਾਲ ਦੀ ਹੋ ਚੁੱਕੀ ਕਵਿਤਾ ਕੌਸ਼ਿਕ ਦੇ ਵਿਆਹ ਨੂੰ 2 ਸਾਲ ਹੋ ਚੁੱਕੇ ਹਨ ਪਰ ਹਾਲੇ ਤੱਕ ਉਸ ਦੇ ਕੋਈ ਸੰਤਾਨ ਨਹੀਂ ਹੈ। ਹਾਲ ਹੀ 'ਚ ਕਵਿਤਾ ਕੌਸ਼ਿਕ ਨੇ ਇਸ ਨੂੰ ਲੈ ਕੇ ਇਕ ਬਿਆਨ ਦਿੱਤਾ ਹੈ, ਜਿਸ ਨੂੰ ਸਾਰਿਆਂ ਹੈਰਾਨ ਕਰ ਦਿੱਤਾ ਹੈ। ਦਰਅਸਲ ਕਵਿਤਾ ਕੌਸ਼ਿਕ ਨੇ ਕਿਹਾ, ''ਮੈਂ ਮਾਂ ਨਹੀਂ ਬਣਨਾ ਚਾਹੁੰਦੀ।''
ਬਦਲਦੇ ਦੌਰ 'ਚ ਕਈ ਸੈਲੀਬ੍ਰਿਟੀਜ਼ ਉਮਰ ਦੇ 30ਵੇਂ ਪੜਾਅ 'ਚ ਮਾਤਾ-ਪਿਤਾ ਬਣਨ ਦੀ ਚਾਹ ਰੱਖ ਰਹੇ ਹਨ। ਇਸ ਲਈ ਉਹ ਸੇਰੋਗੇਸੀ ਤੱਕ ਦੀ ਮਦਦ ਲੈ ਰਹੇ ਹਨ। ਅਜਿਹੇ 'ਚ ਕਵਿਤਾ ਕੌਸ਼ਿਕ ਤੇ ਉਸ ਦੇ ਪਤੀ ਰੋਨਿਤ ਬਿਸਵਾਸ ਨੇ ਮਿਲ ਕੇ ਕਦੇ ਵੀ ਮਾਤਾ-ਪਿਤਾ ਨਾ ਬਣਨ ਦਾ ਫੈਸਲਾ ਲਿਆ ਹੈ।
ਹਾਲ ਹੀ 'ਚ ਦਿੱਤੇ ਇਕ ਇੰਟਰਵਿਊ ਦੌਰਾਨ ਕਵਿਤਾ ਕੌਸ਼ਿਕ ਨੇ ਕਿਹਾ, ''ਮੈਂ ਬੱਚਿਆਂ ਨਾਲ ਬੇਇਨਸਾਫੀ ਨਹੀਂ ਕਰਨਾ ਚਾਹੁੰਦੀ। ਜੇਕਰ 40 ਦੀ ਉਮਰ 'ਚ ਮੈਂ ਮਾਂ ਬਣਦੀ ਹਾਂ ਤਾਂ ਜਦੋਂ ਮੇਰਾ ਬੱਚਾ 20 ਸਾਲ ਦਾ ਹੋਵੇਗਾ, ਉਦੋ ਤੱਕ ਅਸੀਂ ਬੁੱਢੇ ਹੋ ਜਾਵਾਂਗੇ। ਮੈਂ ਨਹੀਂ ਚਾਹੁੰਦੀ ਕਿ 20 ਸਾਲ ਦਾ ਬੱਚਾ ਬੁੱਢੇ ਮਾਤਾ-ਪਿਤਾ ਦੀ ਦੇਖਭਾਲ ਕਰੇ।''
ਕਵਿਤਾ ਕੌਸ਼ਿਕ ਨੇ ਅੱਗੇ ਕਿਹਾ, ''ਸ਼ਾਇਦ ਅਸੀਂ ਦੂਜੇ ਲੋਕਾਂ ਵਾਂਗ ਮਾਤਾ-ਪਿਤਾ ਨਹੀਂ ਹੋ ਸਕਦੇ। ਅਸੀਂ ਆਪਣੀ ਦੁਨੀਆ ਨੂੰ ਇਕ ਹਲਕਾ ਸਥਾਨ ਬਣਾਉਣਾ ਚਾਹੁੰਦੇ ਹਾਂ। ਅਸੀਂ ਨਹੀਂ ਚਾਹੁੰਦੇ ਕਿ ਉਹ ਬੱਚਾ ਮੁੰਬਈ ਵਰਗੇ ਇਸ ਭੀੜਭਾੜ ਵਾਲੇ ਸ਼ਹਿਰ 'ਚ ਆਏ ਤੇ ਉਸ ਨੂੰ ਇਹ ਸੰਘਰਸ਼ ਕਰਨਾ ਪਵੇਗਾ।''
ਦੱਸਣਯੋਗ ਹੈ ਕਿ ਟੀ. ਵੀ. ਸ਼ੋਅ 'ਐੱਫ. ਆਈ. ਆਰ' 'ਚ ਚੰਦਰਮੁੱਖੀ ਚੌਟਾਲਾ ਦਾ ਕਿਰਦਾਰ ਨਿਭਾ ਕੇ ਚਰਚਾ 'ਚ ਆਈ। ਕਵਿਤਾ 'ਕਹਾਣੀ ਘਰ ਘਰ ਕੀ', 'ਕੁਮਕੁਮ' ਤੇ 'ਰੀਮਿਕਸ' ਵਰਗੇ ਟੀ. ਵੀ. ਪ੍ਰੋਗਰਾਮਾਂ 'ਚ ਅਹਿਮ ਭੂਮਿਕਾ 'ਚ ਦਿਸੀ ਹੈ।