ਪੁਲਸ ਦੀ ਚੇਤਾਵਨੀ ਦੇ ਬਾਵਜੂਦ ਨਹੀਂ ਰੁੱਕ ਰਿਹਾ 'ਕਿਕੀ ਚੈਲੇਂਜ' ਦਾ ਕ੍ਰੇਜ਼, ਅਦਾਕਾਰਾ ਨੇ ਪੋਸਟ ਕੀਤੀ ਵੀਡੀਓ

ਮੁੰਬਈ(ਬਿਊਰੋ)— ਪੁਲਸ ਦੀ ਚੇਤਾਵਨੀ ਦੇ ਬਾਵਜੂਦ 'ਚੈਲੇਂਜ' ਦਾ ਕ੍ਰੇਜ਼ ਘੱਟ ਨਹੀਂ ਰਿਹਾ। ਕੈਨੇਡੀਅਨ ਰੈਪਰ ਡਰੇਕ ਦੇ ਗੀਤ 'ਕਿਕੀ ਚੈਲੇਂਜ' ਦਾ ਕ੍ਰੇਜ਼ ਘੱਟਣ ਦੀ ਬਜਾਏ ਸਗੋਂ ਦਿਨੋਂ-ਦਿਨ ਵਧਦਾ ਹੀ ਜਾ ਰਿਹਾ ਹੈ।  ਦਿੱਲੀ ਤੋਂ ਲੈ ਕੇ ਮੁੰਬਈ, ਉੱਤਰ ਪ੍ਰਦੇਸ਼ ਤੱਕ ਦੀ ਪੁਲਸ ਨੇ ਲੋਕਾਂ ਨੂੰ ਇਹ ਚੈਲੇਂਜ ਨਾ ਕਰਨ ਦੀ ਅਪੀਲ ਦੇ ਨਾਲ-ਨਾਲ ਚੇਤਾਵਨੀ ਵੀ ਦਿੱਤੀ ਹੈ। ਪੁਲਸ ਨੇ ਲੋਕਾਂ 'ਤੇ ਚੱਲਦੀ ਗੱਡੀ 'ਚੋਂ ਉੱਤਰ ਕੇ ਡਾਂਸ ਕਰਨ 'ਤੇ ਜੁਰਮਾਨਾ ਲਾਉਣ ਅਤੇ ਗੱਡੀ ਜ਼ਬਤ ਕਰਨ ਦੀ ਚੇਤਾਵਨੀ ਦਿੱਤੀ ਹੈ ਪਰ ਆਮ ਲੋਕਾਂ ਨਾਲ-ਨਾਲ ਸਿਤਾਰਿਆਂ 'ਤੇ ਵੀ ਇਸ ਦਾ ਕੋਈ ਅਸਰ ਨਹੀਂ ਹੋ ਰਿਹਾ ਹੈ। ਜੀ ਹਾਂ, ਹੁਣ ਇਸ ਚੈਲੇਂਜ 'ਚ ਸ਼ਾਮਲ ਹੋ ਗਈ ਹੈ ਟੀ.ਵੀ. ਅਦਾਕਾਰਾ ਸ਼ਰਧਾ ਆਰੀਆ।

 

I promise this is the Lamest #kikichallenge ever!! After failing at being the silliest a couple times... kudos to the people who’ve gone all out with it, I couldn’t surpass my own embarrassment.. anyhow we can all laugh at it together!! #kikichallenge #ofcoursethisislame #forgivemefatherforihavesinned #shraddhaarya 😂 Please do not try this on a busy road or wherever there’s even a hint of danger ...In fact, do not try it at all.. we are in the film business so we know how to do such things safely(even then it could go wrong,I agree), I wouldn’t recommend this to anyone to try at all!!! 🙏🏻🙏🏻🙏🏻

A post shared by Shraddha Arya (@sarya12) on Aug 1, 2018 at 8:20am PDT
ਹਾਲ ਹੀ 'ਚ ਸ਼ਰਧਾ ਆਰੀਆ ਨੇ ਕੁਝ ਸਮਾਂ ਪਹਿਲਾਂ 'ਕਿਕੀ ਚੈਲੇਂਜ' 'ਤੇ ਚੱਲਦੀ ਗੱਡੀ ਤੋਂ ਉੱਤਰ ਕੇ ਨੱਚਦੇ ਹੋਏ ਆਪਣਾ ਵੀਡੀਓ ਪੋਸਟ ਕੀਤਾ ਹੈ। ਇਸ ਵੀਡੀਓ ਨੂੰ ਪੋਸਟ ਕਰਦੇ ਹੋਏ ਸ਼ਰਧਾ ਨੇ ਲਿਖਿਆ ਹੈ ਕਿ, ''ਦੋ ਵਾਰ ਫੇਲ੍ਹ ਹੋਣ ਤੋਂ ਬਾਅਦ ਆਖਿਰਕਾਰ ਇਹ ਵੀਡੀਓ ਬਣਿਆ ਹੈ। ਹਾਲਾਂਕਿ, ਸ਼ਰਧਾ ਨੇ ਵੀਡੀਓ ਪੋਸਟ ਕਰਦੇ ਹੋਏ ਆਪਣੇ ਪ੍ਰਸ਼ੰਸਕਾਂ ਨੂੰ ਇਹ ਵੀ ਲਿਖਿਆ ਹੈ ਕਿ ਕਿਰਪਾ ਕਰਕੇ ਆਵਾਜਾਈ ਵਾਲੀ ਸੜਕ 'ਤੇ ਜਾ ਕੇ ਇਹ ਡਾਂਸ ਨਾ ਕੀਤਾ ਜਾਵੇ, ਜਿੱਥੇ ਵੀ ਖਤਰੇ ਦਾ ਸੰਕੇਤ ਹੋਵੇ, ਇਸ ਚੈਲੇਂਜ ਨੂੰ ਕਰਨ ਦੀ ਕੋਸ਼ਿਸ਼ ਨਾ ਕਰੋ। ਉਸ ਨੇ ਇਹ ਵੀ ਲਿਖਿਆ ਹੈ ਕਿ ਅਸੀਂ ਫਿਲਮ ਖੇਤਰ 'ਚ ਹਾਂ, ਇਸ ਲਈ ਜਾਣਦੇ ਹਾਂ ਕਿ ਇਨ੍ਹਾਂ ਚੀਜ਼ਾਂ ਨੂੰ ਸੁਰੱਖਿਅਤ ਤਰੀਕੇ ਨਾਲ ਕਿੰਝ ਕਰਨਾ ਹੈ। 
ਦੱਸਣਯੋਗ ਹੈ ਕਿ ਪੁਲਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਤੁਸੀਂ ਇਹ ਡਾਂਸ ਫਲੋਰ 'ਤੇ ਕਰੋ ਨਾ ਕਿ ਸੜਕ ਉੱਪਰ ਜਾ ਕੇ।