ਮੁੰਬਈ— ਫਿਲਮ 'ਮੁਹੱਬਤੇਂ' ਨਾਲ ਪ੍ਰਸਿੱਧ ਹੋਣ ਵਾਲੀ ਕਿਮ ਸ਼ਰਮਾ ਨੇ ਕੁਝ ਸਮੇਂ ਪਹਿਲਾ ਆਪਣੇ ਪਹਿਲੇ ਪਤੀ ਅਲੀ ਪੰਜਾਲੀ ਤੋਂ ਤਲਾਕ ਲੈ ਲਿਆ। ਇਸ ਤੋਂ ਪਹਿਲਾ ਉਹ ਪਤੀ ਨਾਲ ਵਿਦੇਸ਼ 'ਚ ਰਹਿ ਰਹੀ ਹੈ।
ਤਲਾਕ ਤੋਂ ਬਾਅਦ ਮੁੰਬਈ ਆ ਗਈ ਅਤੇ ਕੰਮ ਦੀ ਭਾਲ ਕਰਨ ਲੱਗੀ। ਹੁਣ ਉਹ ਜਾਵੇਦ ਜਾਫਰੀ ਨਾਲ ਮਿਲ ਕੇ ਉਸ ਦੀ ਕੰਪਨੀ ਇੰਡੀਆਨ ਡਾਕਊਮੈਂਟਰੀ ਫਾਊਂਡੇਸ਼ਨ ਦੇ ਪ੍ਰੋਗਰਾਮ 'ਗੁੱਡ ਪਿਚ ਇੰਡੀਆ' ਲਈ ਕੰਮ ਕਰ ਰਹੀ ਹੈ।
ਹਾਲ ਹੀ 'ਚ ਕਿਮ ਆਪਣੀ ਨਿੱਜੀ ਜ਼ਿੰਦਗੀ ਕਾਰਨ ਚਰਚਾ 'ਚ ਹੈ। ਖਬਰ ਹੈ ਕਿ ਕਿਮ ਫੈਸ਼ਨ ਡਿਜ਼ਾਈਨਰ ਅਤੇ ਕਰੋੜਪਤੀ ਬਿਜ਼ਨੈੱਸਮੈਨ ਅਰਜੁਨ ਖੰਨਾ ਨੂੰ ਡੇਟ ਕਰ ਰਹੀ ਹੈ।
ਕੁਝ ਸਮੇਂ ਪਹਿਲਾ ਦੋਵਾਂ ਨੂੰ ਇਕੱਠੇ ਦੇਖਿਆ ਗਿਆ ਸੀ ਪਰ ਕਿਮ ਨੇ ਆਪਣੇ ਲਿੰਕਅਪ ਨੂੰ ਗਲਤ ਦੱਸਿਆ ਸੀ ਪਰ ਹਾਲ ਹੀ 'ਚ ਅਰਜੁਨ ਖੰਨਾ ਤੇ ਕਿਮ ਦੀਆਂ ਤਸਵੀਰਾਂ ਸਾਹਮਣੇ ਆਈਆਂ ਗਨ।
ਦੋਵਾਂ ਦੀਆਂ ਇਹ ਤਸਵੀਰਾਂ ਇਟਲੀ ਦੀਆਂ ਹਨ। ਦੋਵੇਂ ਆਪਣੇ-ਆਪਣੇ ਅਕਾਊਂਟ 'ਤੇ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਇਸ ਤੋਂ ਸਾਫ ਪਤਾ ਲੱਗ ਰਿਹਾ ਹੈ ਕਿ ਦੋਵੇਂ ਇਕੱਠੇ ਇਟਲੀ 'ਚ ਵਕੇਸ਼ਨ ਮਨਾ ਰਹੇ ਹਨ।