ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਕਿਮ ਸ਼ਰਮਾ ਲੰਬੇ ਸਮੇਂ ਤੋਂ ਬਾਲੀਵੁੱਡ 'ਚੋਂ ਗਾਇਬ ਹੈ ਪਰ ਇੰਨੇ ਅਰਸੇ ਬਾਅਦ ਉਸ ਨਾਲ ਜੁੜੀ ਇਕ ਸਨਸਨੀਖੇਜ਼ ਖਬਰ ਸਾਹਮਣੇ ਆ ਰਹੀ ਹੈ। ਕਿਮ ਸ਼ਰਮਾ ਦੀ ਮੇਡ (ਕੰਮ ਵਾਲੀ) ਨੇ ਉਸ 'ਤੇ ਕੁੱਟਮਾਰ ਕਰਨ ਤੇ ਸੈਲਰੀ ਰੋਕਣ ਦਾ ਗੋਸ਼ਾ ਲਾਇਆ ਹੈ। ਹਾਲਾਂਕਿ ਕਿਮ ਨੇ ਇਨ੍ਹਾਂ ਸਾਰੇ ਦੋਸ਼ਾਂ ਨੂੰ ਬੇਬੁਨਿਆਦ ਦੱਸਿਆ ਹੈ। ਕਿਮ 'ਤੇ ਲੱਗਾ ਕੁੱਟਮਾਰ ਕਰਨ ਦਾ ਦੋਸ਼ ਬਾਲੀਵੁੱਡ ਅਦਾਕਾਰਾ ਕਿਮ ਸ਼ਰਮਾ 'ਤੇ ਉਸ ਦੀ ਕੰਮ ਕਰਨ ਵਾਲੀ ਮਹਿਲਾ ਨੇ ਕੁੱਟਮਾਰ ਕਰਨ ਤੇ ਤਨਖਾਹ ਨਾ ਦੇਣ ਦਾ ਦੋਸ਼ ਲਾਇਆ ਹੈ। ਜਾਣਕਾਰੀ ਮੁਤਾਬਕ 31 ਸਾਲ ਦੀ ਐਸਥਰ ਖੇਸ ਕਿਮ ਦੇ ਘਰ 'ਚ 27 ਅਪ੍ਰੈਲ ਤੋਂ ਕੰਮ ਕਰ ਰਹੀ ਸੀ। ਇਸ ਦੌਰਾਨ 21 ਮਈ ਨੂੰ ਜਦੋਂ ਉਹ ਕੱਪੜੇ ਧੋ ਰਹੀ ਸੀ ਤਾਂ ਉਹ ਲਾਈਟ ਤੇ ਡਾਰਕ ਰੰਗ ਦੇ ਕੱਪੜਿਆਂ ਨੂੰ ਵੱਖ ਕਰਨਾ ਭੁੱਲ ਗਈ। ਦੋਸ਼ 'ਚ ਆਜਿਹਾ ਵੀ ਕਿਹਾ ਗਿਆ ਹੈ ਕਿ ਇਸੇ ਗੱਲ 'ਤੇ ਪਹਿਲਾਂ ਵੀ ਕੰਮ ਵਾਲੀ ਕੁੱਟਮਾਰ ਕੀਤੀ ਗਈ ਸੀ ਤੇ ਇਸ ਤੋਂ ਬਾਅਦ ਉਸ ਨੂੰ ਘਰ ਤੋਂ ਨਿਕਲ ਜਾਣ ਲਈ ਵੀ ਕਿਹਾ ਗਿਆ। ਇੰਨਾਂ ਹੀ ਨਹੀਂ ਮੇਡ ਨੇ ਕਿਮ 'ਤੇ ਤਨਖਾਹ ਰੋਕਣ ਦਾ ਦੋਸ਼ ਵੀ ਲਾਇਆ ਹੈ। 27 ਜੂਨ ਨੂੰ ਦਰਜ ਕਰਵਾਈ ਸ਼ਿਕਾਇਤ ਇਸ ਮਾਮਲੇ 'ਚ ਕਿਮ ਦੀ ਮੇਡ ਐਸਥਰ ਨੇ ਖਾਰ ਪੁਲਸ 'ਚ ਅਦਾਕਾਰਾ ਖਿਲਾਫ ਨੌਨ ਕਾਗ੍ਰਿਜੇਬਲ ਅਪਰਾਧ ਦਾ ਮਾਮਲਾ, ਆਈ. ਪੀ. ਸੀ. ਦੀ ਧਾਰਾ 323 ਤੇ 504 ਦੇ ਤਹਿਤ ਮੁਕੱਦਮਾ ਦਰਜ ਕੀਤਾ ਗਿਆ ਹੈ। ਹਾਲਾਂਕਿ ਕਿਮ ਨੇ ਇਨ੍ਹਾਂ ਸਾਰੇ ਦੋਸ਼ਾਂ ਨੂੰ ਬੇਬੁਨਿਆਦ ਦੱਸਿਆ ਹੈ।