ਮੁੰਬਈ(ਬਿਊਰੋ)— ਸ਼ਾਹਰੁਖ ਖਾਨ ਦੀ ਫਿਲਮ 'ਮੁਹੱਬਤੇਂ' ਨਾਲ ਚਰਚਾ 'ਚ ਆਈ ਅਦਾਕਾਰਾ ਕਿਮ ਸ਼ਰਮਾ ਅੱਜਕਲ ਲਾਈਮਲਾਈਟ ਤੋਂ ਦੂਰ ਰਹਿੰਦੀ ਹੈ। ਇਸ ਦੇ ਬਾਵਜੂਦ ਉਹ ਸੋਸ਼ਲ ਮੀਡੀਆ 'ਤੇ ਕਾਫੀ ਐਕਟਿਵ ਹੈ।
ਹਾਲ ਹੀ 'ਚ ਉਹ ਇਕ ਫੈਸ਼ਨ ਸ਼ੋਅ 'ਚ ਸ਼ਰੀਕ ਹੋਈ। ਡਿਜ਼ਾਈਨਰ ਨੰਦਿਤਾ ਮਹਿਤਾਨੀ ਦੇ ਇਕ ਫੈਸ਼ਨ ਸ਼ੋਅ 'ਚ ਉਹ ਸਪੈਸ਼ਲ ਗੈਸਟ ਦੇ ਰੂਪ 'ਚ ਸ਼ਰੀਕ ਹੋਈ। ਹਾਲਾਂਕਿ ਇਸ ਦੌਰਾਨ ਉਨ੍ਹਾਂ ਨੇ ਰੈਂਪ ਵਾਕ 'ਚ ਹਿੱਸਾ ਨਹੀਂ ਲਿਆ।
ਇਸ ਦੌਰਾਨ ਉਨ੍ਹਾਂ ਦਾ ਸਵਰੂਪ ਅੱਗੇ ਨਾਲੋਂ ਵੱਧ ਨਿਖਰਿਆ ਹੋਇਆ ਦਿਖਿਆ। ਉਨ੍ਹਾਂ ਦਾ ਚਿਹਰਾ ਦੇਖ ਕੇ ਇਹ ਅੰਦਾਜ਼ਾ ਲਗਾਇਆ ਜਾ ਰਿਹਾ ਸੀ ਕਿ ਉਨ੍ਹਾਂ ਨੇ ਕਾਸਮੈਟਿਕ ਸਰਜਰੀ ਕਰਵਾ ਲਈ ਹੈ।
ਉਨ੍ਹਾਂ ਦਾ ਚਿਹਰਾ ਕਾਫੀ ਯੰਗ ਦਿਖ ਰਿਹਾ ਸੀ। ਇਸ ਤੋਂ ਇਸ ਗੱਲ ਦਾ ਅੰਦਾਜ਼ ਲਗਾਇਆ ਜਾ ਰਿਹਾ ਹੈ ਕਿ ਕਿਮ ਨੇ ਸਰਜਰੀ ਕਰਵਾ ਲਈ ਹੈ।
ਜ਼ਿਕਰਯੋਗ ਹੈ ਕਿ ਆਪਣੇ ਪਤੀ ਅਲੀ ਪੰਜਾਨੀ ਨਾਲ ਤਲਾਕ ਤੋਂ ਬਾਅਦ ਉਹ ਪਹਿਲੀ ਵਾਰ ਕਿਸੇ ਸਮਾਗਮ 'ਚ ਨਜ਼ਰ ਆਈ। ਸਾਲ 2010 'ਚ ਅਲੀ ਨਾਲ ਵਿਆਹ ਤੋਂ ਬਾਅਦ ਉਹ ਕੇਨੀਆ ਸ਼ਿਫਟ ਹੋ ਗਈ ਸੀ।
ਅਲੀ ਦਾ ਕਿਸੇ ਦੂਜੀ ਲੜਕੀ ਨਾਲ ਸੰਬੰਧ ਕਾਰਨ ਇਹ ਦੋਵੇਂ ਵੱਖ ਹੋ ਗਏ ਸਨ। ਦੱਸਣਯੋਗ ਹੈ ਕਿ ਕਿਮ ਸ਼ਰਮਾ 'ਮੁਹੱਬਤੇ' ਤੋਂ ਇਲਾਵਾ 'ਟਾਮ ਡਿਕ ਔਰ ਹੈਰੀ', 'ਮਨੀ ਹੈ ਤੋਂ ਹਨੀ ਹੈ', 'ਨਹਿਲੇ ਪੇ ਦਹਿਲਾ' ਵਰਗੀਆਂ ਫਿਲਮਾਂ 'ਚ ਦਿਖ ਚੁੱਕੀ ਹੈ।
