ਜਲੰਧਰ (ਬਿਊਰੋ) — ਸੋਸ਼ਲ ਮੀਡੀਆ 'ਤੇ ਅਕਸਰ ਹੀ ਆਮ ਲੋਕਾਂ ਦੇ ਨਾਲ-ਨਾਲ ਸੈਲੀਬ੍ਰਿਟੀਜ਼ ਦੀਆਂ ਵੀਡੀਓਜ਼ ਵਾਇਰਲ ਹੁੰਦੀਆਂ ਰਹਿੰਦੀਆਂ ਹਨ। ਹਾਲ ਹੀ 'ਚ ਇਕ ਵੀਡੀਓ ਸਾਹਮਣੇ ਆਈ ਹੈ, ਜਿਸ 'ਚ ਇਕ ਸ਼ਖਸ ਹੂ-ਬ-ਹੂ ਕੰਵਰ ਗਰੇਵਾਲ ਵਾਂਗ ਗਾਉਂਦਾ ਨਜ਼ਰ ਆ ਰਿਹਾ ਹੈ। ਇਸ ਵੀਡੀਓ 'ਚ ਤੁਸੀਂ ਦੇਖ ਸਕਦੇ ਹੋ ਕਿ ਹਾਲ 'ਚ ਹੀ ਆਰ ਨੇਤ ਦਾ ਗੀਤ ਆਇਆ ਸੀ। ਇਹ ਗੀਤ ਆਰ. ਨੇਤ ਅਤੇ ਸਪਨਾ ਚੌਧਰੀ 'ਤੇ ਫਿਲਮਾਇਆ ਗਿਆ ਸੀ। ਇਸ ਗੀਤ 'ਤੇ ਇਹ ਸ਼ਖਸ ਟਿਕ ਟੌਕ ਬਣਾਉਂਦਾ ਨਜ਼ਰ ਆ ਰਿਹਾ ਹੈ ਅਤੇ ਉਸ ਨੇ ਕੰਵਰ ਗਰੇਵਾਲ ਦੇ ਅੰਦਾਜ਼ 'ਚ ਇਸ ਗੀਤ ਨੂੰ ਗਾਇਆ ਹੈ। ਇਸ ਸ਼ਖਸ ਦੀ ਆਵਾਜ਼ ਸੁਣ ਕੇ ਇਕ ਵਾਰ ਤਾਂ ਤੁਹਾਨੂੰ ਇਹੀ ਭੁਲੇਖਾ ਪਵੇਗਾ ਕਿ ਸ਼ਾਇਦ ਕੰਵਰ ਗਰੇਵਾਲ ਹੀ ਗਾ ਰਹੇ ਹਨ।
ਦੱਸਣਯੋਗ ਹੈ ਕਿ ਸੋਸ਼ਲ ਮੀਡੀਆ ਦੇ ਜ਼ਰੀਏ ਕਈ ਲੋਕ ਸਟਾਰ ਬਣ ਚੁੱਕੇ ਹਨ। ਇਨ੍ਹਾਂ 'ਚੋਂ ਰਾਨੂੰ ਮੰਡਲ, ਨੀਟੂ ਸ਼ਟਰਾਂ ਵਾਲਾ, ਸੋਨੀ ਕਰਿਊ ਸਮੇਤ ਕਈ ਲੋਕ ਸ਼ਾਮਲ ਹਨ, ਜਿਨ੍ਹਾਂ ਨੂੰ ਸੋਸ਼ਲ ਮੀਡੀਆਂ ਨੇ ਰਾਤੋਂ-ਰਾਤ ਸਟਾਰ ਬਣਾ ਦਿੱਤਾ ਹੈ।