ਮੁੰਬਈ (ਬਿਊਰੋ)— ਮਸ਼ਹੂਰ ਨਿਰਮਾਤਾ-ਨਿਰਦੇਸ਼ਕ ਕਰਨ ਜੌਹਰ ਦਾ ਮਸ਼ਹੂਰ ਚੈਟ ਸ਼ੋਅ 'ਕਾਫੀ ਵਿਦ ਕਰਨ' ਦਾ 6ਵਾਂ ਸੀਜ਼ਨ ਜਲਦੀ ਹੀ ਸ਼ੁਰੂ ਹੋ ਰਿਹਾ ਹੈ। ਇਸ ਸ਼ੋਅ 'ਚ ਵਿਰਾਟ ਕੋਹਲੀ-ਅਨੁਸ਼ਕਾ ਸ਼ਰਮਾ, ਸੋਨਮ ਕਪੂਰ-ਆਨੰਦ ਆਹੂਜਾ, ਜਾਨਹਵੀ ਕਪੂਰ-ਅਰਜੁਨ ਕਪੂਰ ਤੇ ਸਾਰਾ ਅਲੀ ਖਾਨ-ਸੈਫ ਅਲੀ ਖਾਨ ਦੀਆਂ ਜੋੜੀਆਂ ਨਜ਼ਰ ਆਉਣਗੀਆਂ। ਇਸ ਦੇ ਨਾਲ ਹੀ ਹੁਣ ਕਰਨ ਜੌਹਰ ਨੇ ਇਸ ਲਿਸਟ 'ਚ ਇਕ ਹੋਰ ਨਾਂ ਐਡ ਕਰ ਦਿੱਤਾ ਹੈ। ਇਹ ਜੋੜੀ ਹੈ ਦੀਪਿਕਾ ਪਾਦੂਕੋਣ-ਆਲੂਆ ਭੱਟ ਦੀ। ਜੀ ਹਾਂ ਕਰਨ ਜੌਹਰ ਨੇ ਇਸ ਗੱਲ ਨੂੰ ਸੋਸ਼ਲ ਮੀਡੀਆ 'ਤੇ ਪੋਸਟ ਸ਼ੇਅਰ ਕਰਦੇ ਹੋਏ ਲਿਖਿਆ, ''The first cup of koffee is all about #girlpower!! Welcome @deepikapadukone and @aliaa08 ''.
ਇਸ ਟਵੀਟ ਨਾਲ ਇੱਕ ਤਸਵੀਰ ਵੀ ਨਜ਼ਰ ਆ ਰਹੀ ਹੈ, ਜਿਸ 'ਚ ਬਲੈਕ ਕੌਫੀ ਮੱਗ ਦਿਖ ਰਿਹਾ ਹੈ। ਇਸ ਦੇ ਨਾਲ ਹੀ ਇਸ ਬਲੈਕ ਕੌਫੀ ਮੱਗ 'ਤੇ ਦੀਪਿਕਾ ਤੇ ਆਲੀਆ ਦਾ ਨਾਂ ਵੀ ਨਜ਼ਰ ਆ ਰਿਹਾ ਹੈ। ਇਸ ਤੋਂ ਬਾਅਦ ਹੁਣ ਪੱਕਾ ਹੋ ਗਿਆ ਹੈ ਕਿ ਕਰਨ ਜੌਹਰ ਦਾ ਪਹਿਲਾ ਹੀ ਸ਼ੋਅ ਧਮਾਕੇਦਾਰ ਹੋਣ ਵਾਲਾ ਹੈ, ਜਿਸ 'ਚ ਆਲੀਆ ਤੇ ਦੀਪਿਕਾ ਇਕੱਠੀਆਂ ਨਜ਼ਰ ਆ ਰਹੀਆਂ ਹਨ। ਦੀਪਿਕਾ ਤੇ ਆਲੀਆ ਇਸ ਸਮੇਂ ਇੰਡਸਟਰੀ ਦੀਆਂ ਵੱਡੀਆਂ ਅਭਿਨੇਤਰੀਆਂ ਹਨ। ਇਨ੍ਹਾਂ 'ਚੋਂ ਇੱਕ ਰਣਬੀਰ ਕਪੂਰ ਦੀ ਪ੍ਰੇਮਿਕਾ ਰਹਿ ਚੁੱਕੀ ਹੈ ਤੇ ਦੂਜੀ ਉਸ ਨੂੰ ਡੇਟ ਕਰ ਰਹੀ ਹੈ।