ਨਵੀਂ ਦਿੱਲੀ(ਬਿਊਰੋ)— 'ਬਿੱਗ ਬੌਸ 11' 'ਚ ਨਜ਼ਰ ਆ ਰਹੀ ਟੀ. ਵੀ. ਅਦਾਕਾਰਾ ਹਿਨਾ ਖਾਨ ਲਗਾਤਾਰ ਖਬਰਾਂ 'ਚ ਬਣੀ ਹੋਈ ਹੈ। ਕਦੇ ਘਰ ਵਾਲਿਆਂ ਨਾਲ ਲੜਾਈ ਕਾਰਨ ਤੇ ਕਦੇ ਆਪਣੀ ਟੈਕੀ ਡਰੈੱਸ ਕਾਰਨ ਪਰ ਹਿਨਾ ਨੇ ਹੱਦ ਤਾਂ ਉਦੋਂ ਪਾਰ ਕਰ ਦਿੱਤੀ ਜਦੋਂ ਉਸ ਨੇ ਦੱਖਣੀ ਫਿਲਮਾਂ ਦੀਆਂ ਅਭਿਨੇਤਰੀਆਂ ਦੇ ਮੋਟਾਪੇ ਦਾ ਮਜ਼ਾਕ ਉਡਾਇਆ।
ਇਸ ਵਿਵਾਦ 'ਚ ਫੱਸਣ ਤੋਂ ਬਾਅਦ ਹੁਣ ਹਿਨਾ ਨੂੰ ਕਈ ਵੱਡੀਆਂ ਹਸਤੀਆਂ ਨੇ ਕਰਾਰਾ ਜਵਾਬ ਵੀ ਦਿੱਤਾ ਹੈ ਪਰ ਇਕ ਅਦਾਕਾਰਾ ਅਜਿਹੀ ਵੀ ਹੈ, ਜੋ ਇਸ ਮੁੱਦੇ 'ਤੇ ਹਿਨਾ ਨੂੰ ਜ਼ੋਰਦਾਰ ਥੱਪੜ ਮਾਰਨਾ ਚਾਹੁੰਦੀ ਹੈ। ਅਦਾਕਾਰਾ ਕ੍ਰਿਤੀ ਖਰਬੰਦਾ ਨੇ ਹਿਨਾ ਖਾਨ ਦੇ ਇਸ ਬਿਆਨ 'ਤੇ ਕਿਹਾ ਹੈ ਕਿ ਦੱਖਣ ਦੀਆਂ ਫਿਲਮਾਂ 'ਚ ਕੰਮ ਕਰ ਚੁੱਕੀ ਹੈ ਤੇ ਵਜ਼ਨ ਵਧਾਉਣ ਤੇ ਘਟਾਉਣਾ ਫਿਲਮ 'ਚ ਕਿਰਦਾਰ ਦੀ ਮੰਗ 'ਤੇ ਨਿਰਭਰ ਕਰਦਾ ਹੈ।
ਇਸ ਗੱਲ ਦਾ ਇੰਨਾ ਵਿਵਾਦ ਕਿਉਂ ਬਣਾਉਣਾ। ਮੈਂ ਹਿਨਾ ਦੀ ਬਹੁਤ ਇੱਜ਼ਤ ਕਰਦੀ ਹਾਂ ਪਰ ਮੈਨੂੰ ਉਸ ਦੇ ਬਿਆਨ 'ਤੇ ਬਹੁਤ ਗੁੱਸਾ ਆ ਰਿਹਾ ਹੈ। ਇਸ ਦੌਰਾਨ ਕ੍ਰਿਤੀ ਨੇ ਕਿਹਾ ਕਿ ਦੱਖਣ ਦੀਆਂ ਜ਼ਿਆਦਾਤਰ ਅਦਾਕਾਰਾਂ ਬਬਲੀ ਲੁੱਕ ਦੀਆਂ ਹੀ ਹਨ। ਇਸ ਦਾ ਇਹ ਮਤਲਬ ਨਹੀਂ ਹੈ ਕਿ ਉਹ ਮੋਟੀਆਂ ਜਾਂ ਭੱਦੀਆਂ ਹਨ।
ਕਿਰਦਾਰ ਦੇ ਹਿਸਾਬ ਨਾਲ ਤਾਂ ਮੇਲ ਐਕਟਰਸ ਨੂੰ ਵੀ ਕਈ ਵਾਰ ਭਾਰ ਵਧਾਉਣਾ ਪੈਂਦਾ ਹੈ ਤਾਂ ਕਿ ਤੁਸੀਂ ਇਸ ਗੱਲ ਦਾ ਮਜ਼ਾਕ ਉਡਾਏਗਾ। ਕ੍ਰਿਤੀ ਨੂੰ ਗੱਲ ਕਰਦੇ-ਕਰਦੇ ਇੰਨਾ ਗੁੱਸਾ ਆਇਆ ਕਿ ਉਹ ਬੋਲੀ, ''ਕੀ ਮੋਟਾਪਾ, ਮੋਟਾਪਾ ਲਾਇਆ ਹੋਇਆ ਹੈ, ਜ਼ਿਆਦਾ ਬੋਲੀ ਤਾਂ ਉਥੇ ਆ ਕੇ ਥੱਪੜ ਮਾਰਾਂਗੀ।''