ਮੁੰਬਈ— ਕਪਿਲ ਸ਼ਰਮਾ ਦੇ ਮੁਕਾਬਲੇਬਾਜ਼ ਕਾਮੇਡੀਅਨ ਕ੍ਰਿਸ਼ਣਾ ਅਭਿਸ਼ੇਕ ਕੁਝ ਦਿਨ ਪਹਿਲਾਂ ਹੀ ਸਰੋਗੇਸੀ ਨਾਲ ਜੁੜਵਾ ਬੇਟਿਆਂ ਦੇ ਪਿਤਾ ਬਣੇ ਹਨ। ਹੁਣ ਕ੍ਰਿਸ਼ਣਾ ਨੂੰ ਲੈ ਕੇ ਖਬਰਾਂ ਹਨ ਕਿ ਉਨ੍ਹਾਂ ਨੇ ਕੈਲੀਫੋਰਨੀਆ 'ਚ ਨਵਾਂ ਘਰ ਖਰੀਦਿਆ ਹੈ, ਜਿਥੇ ਫਿਲਹਾਲ ਕ੍ਰਿਸ਼ਣਾ ਪਤਨੀ ਕਸ਼ਮੀਰਾ ਤੇ ਬੱਚਿਆਂ ਨਾਲ ਸਮਾਂ ਬਤੀਤ ਕਰ ਰਹੇ ਹਨ। ਕ੍ਰਿਸ਼ਣਾ ਦੀ ਭੈਣ ਆਰਤੀ ਸਿੰਘ ਹਾਲ ਹੀ 'ਚ ਆਪਣੇ ਭਰਾ ਤੇ ਉਨ੍ਹਾਂ ਦੇ ਬੱਚਿਆਂ ਨੂੰ ਮਿਲਣ ਕੈਲੀਫੋਰਨੀਆ ਪਹੁੰਚੀ ਹੈ। ਆਰਤੀ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਕ੍ਰਿਸ਼ਣਾ ਦੇ ਘਰ ਦੀ ਇਕ ਤਸਵੀਰ ਸ਼ੇਅਰ ਕੀਤੀ ਹੈ, ਜਿਹੜਾ ਦੇਖਣ 'ਚ ਲਗਜ਼ਰੀ ਲੱਗ ਰਿਹਾ ਹੈ। ਆਰਤੀ ਨੇ ਇਸ ਤਸਵੀਰ ਨਾਲ ਕੈਪਸ਼ਨ ਦਿੱਤੀ, 'Finally I visited my brother n bhabhis house in west Hollywood .. super proud @kashmera1@krushna30' ਆਰਤੀ ਨੇ ਭਾਬੀ ਕਸ਼ਮੀਰਾ ਨਾਲ ਵੀ ਕਈ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ ਤੇ ਉਹ ਇਥੇ 2 ਹਫਤਿਆਂ ਤਕ ਰਹਿਣ ਵਾਲੀ ਹੈ। ਦੱਸਣਯੋਗ ਹੈ ਕਿ ਕ੍ਰਿਸ਼ਣਾ ਇਨ੍ਹੀਂ ਦਿਨੀਂ ਨਿੱਜੀ ਜ਼ਿੰਦਗੀ ਤੇ 'ਡਰਾਮਾ ਕੰਪਨੀ' ਸ਼ੋਅ ਦੀ ਟੀਮ ਅਲੀ ਅਸਗਰ, ਸੁਗੰਧਾ ਮਿਸ਼ਰਾ, ਸੰਕੇਤ ਭੋਸਲੇ ਨਾਲ ਬਿਜ਼ੀ ਹਨ।