ਮੁੰਬਈ (ਬਿਊਰੋ)— ਮਲਟੀ ਸਟਾਰਰ ਫਿਲਮ 'ਕਲੰਕ' 'ਚ ਨਵਾਬ ਫੈਮਿਲੀ ਦੇ ਅਭਿਨੇਤਾ ਦੀ ਐਂਟਰੀ ਹੋ ਚੁੱਕੀ ਹੈ। ਜੀ ਹਾਂ, ਆਲੀਆ ਭੱਟ, ਵਰੁਣ ਧਵਨ, ਸੋਨਾਕਸ਼ੀ ਸਿਨਹਾ, ਆਦਿਤਿਆ ਰਾਓ ਕਪੂਰ, ਸੰਜੇ ਦੱਤ ਅਤੇ ਮਾਧੁਰੀ ਦੀਕਸ਼ਿਤ ਸਟਾਰਰ ਫਿਲਮ 'ਚ ਹੁਣ ਕੁਣਾਲ ਖੇਮੂ ਵੀ ਨਜ਼ਰ ਆਉਣਗੇ। ਸੂਤਰਾਂ ਮੁਤਾਬਕ ਕੁਣਾਲ ਖੇਮੂ 'ਕਲੰਕ' ਦਾ ਹਿੱਸਾ ਹੈ। ਫਿਲਮ ਨਿਰਮਾਤਾ ਵਲੋਂ ਅਜੇ ਤੱਕ ਇਸ ਬਾਰੇ ਕੋਈ ਅਧਿਕਾਰਕ ਐਲਾਨ ਨਹੀਂ ਹੋਇਆ ਪਰ ਫਿਲਮ 'ਚ ਉਸਦਾ ਅਹਿਮ ਕਿਰਦਾਰ ਹੈ।
ਜਾਣਕਾਰੀ ਮੁਤਾਬਕ ਫਿਲਮ ਨਿਰਦੇਸ਼ਕ ਅਭਿਸ਼ੇਕ ਨੂੰ ਲਗਦਾ ਹੈ ਕਿ ਕੁਣਾਲ 'ਚ ਬਹੁਤ ਟੈਲੇਂਟ ਹੈ। ਉਸਨੇ ਕਈ ਸੀਨ ਸ਼ੂਟ ਕਰ ਲਏ ਹਨ, ਜਿਸਨੂੰ ਫਿਲਮ ਮੇਕਰਜ਼ ਵਲੋਂ ਕਾਫੀ ਪਸੰਦ ਕੀਤਾ ਗਿਆ ਹੈ। ਇੱਥੇ ਤੱਕ ਕਿ ਕੁਣਾਲ ਨੇ ਮੀਡੀਆ ਨਾਲ ਗੱਲਬਾਤ ਦੌਰਾਨ ਇਹ ਕਨਫਰਮ ਕਰ ਦਿੱਤਾ ਕਿ ਉਹ ਫਿਲਮ ਦਾ ਹਿੱਸਾ ਹੈ ਪਰ ਇਸ ਗੱਲ ਨੂੰ ਅਜੇ ਜ਼ਿਆਦਾ ਉਛਾਲਿਆ ਨਹੀਂ ਜਾ ਰਿਹਾ। ਫਿਲਮ ਨੂੰ ਕਰਨ ਜੌਹਰ ਦੇ ਧਰਮਾ ਪ੍ਰੋਡਕਸ਼ਨ, ਸਾਜ਼ਿਦ ਨਾਡਿਆਡਵਾਲਾ ਅਤੇ ਫਾਕਸ ਸਟੂਡਿਊ ਮਿਲ ਕੇ ਪ੍ਰੋਡਿਊ ਕਰ ਰਹੇ ਹਨ। ਇਹ ਫਿਲਮ ਅਗਲੇ ਸਾਲ 19 ਅਪ੍ਰੈਲ ਨੂੰ ਰਿਲੀਜ਼ ਹੋ ਰਹੀ ਹੈ।