ਮੁੰਬਈ(ਬਿਊਰੋ)— ਮੰਗਲਵਾਰ ਨੂੰ ਮਸ਼ਹੂਰ ਫਿਲਮ 'ਜਾਨੇ ਭੀ ਦੋ ਯਾਰਾਂ' ਦੇ ਡਾਇਰੈਕਟਰ ਕੁੰਦਨ ਸ਼ਾਹ (69) ਦੀ ਸੇਂਟਾਕਰੂਜ਼ ਵੈਸਟ ਸ੍ਰੀ ਮੰਡਲ 'ਚ ਪ੍ਰਾਥਨਾ ਸਭਾ ਰੱਖੀ ਸੀ, ਜਿਸ 'ਚ ਸ਼ਾਹਰੁਖ ਖਾਨ ਆਪਣੀ ਮੈਨੇਜਰ ਪੂਜਾ ਦਦਲਾਨੀ ਨਾਲ ਪੁੱਜੇ। ਇਸ ਤੋਂ ਇਲਾਵਾ ਉਥੇ ਅਨੁਪਮਾ ਚੋਪੜਾ, ਫਿਲਮ ਮੇਕਰ ਅਜੀਜ ਮਿਰਜਾ, ਅਮੋਲ ਗੁਪਤੇ, ਸੁਧੀਰ ਮਿਸ਼ਰਾ, ਸੁਲਭਾ ਆਰੀਆ, ਕਾਮੇਡੀਅਨ ਸੁਨੀਲ ਪਾਲ ਸਮੇਤ ਬਾਲੀਵੁੱਡ ਦੇ ਸਿਤਾਰੇ ਸ਼ਰਧਾਂਜਲੀ ਦੇਣ ਪੁੱਜੇ।
ਦੱਸ ਦੇਈਏ ਕਿ ਕੁੰਦਨ ਸ਼ਾਹ ਦੀ ਮੌਤ 7 ਅਕਤੂਬਰ ਨੂੰ ਉਨ੍ਹਾਂ ਦੇ ਮੁੰਬਈ ਸਥਿਤ ਘਰ 'ਚ ਦਿਲ ਦਾ ਦੌਰਾ ਪੈਣ ਕਾਰਨ ਹੋਈ ਸੀ। ਉਨ੍ਹਾਂ ਦੀ ਬੇਟੀ ਨੇ ਖੁਦ ਇਸ ਗੱਲ ਦੀ ਪੁਸ਼ਟੀ ਕੀਤੀ ਸੀ।
ਕੁੰਦਨ ਸ਼ਾਹ ਨੇ ਸ਼ਾਹਰੁਖ ਖਾਨ ਤੋਂ ਲੈ ਕੇ ਪ੍ਰੀਟੀ ਜਿੰਟਾਂ ਤੱਕ ਕਈ ਵੱਡੇ ਸਟਾਰਸ ਨਾਲ ਕੰਮ ਕੀਤਾ ਹੈ। ਫਿਲਮਾਂ ਤੋਂ ਇਲਾਵਾ ਕੁੰਦਨ ਸ਼ਾਹ ਨੇ ਨੁਕੱੜ ਅਤੇ ਹੋਰ ਕਈ ਟੀ. ਵੀ ਸੀਰੀਜ਼ ਨੂੰ ਵੀ ਡਾਇਰੈਕਟ ਕਰ ਚੁੱਕੇ ਸਨ।
ਸਾਲ 1983 ਵਿਚ ਉਨ੍ਹਾਂ ਨੇ ਬਤੌਰ ਨਿਰਦੇਸ਼ਕ ਆਪਣੇ ਫ਼ਿਲਮੀ ਸਫਰ ਦੀ ਸ਼ੁਰੂਆਤ ਕੀਤੀ ਸੀ।