ਮੁੰਬਈ(ਬਿਊਰੋ)— ਫਿਲਮ 'ਹਮ ਸਾਥ-ਸਾਥ ਹੈਂ' 'ਚ ਸਲਮਾਨ ਖਾਨ ਦੀ ਸਹਿ-ਅਦਾਕਾਰਾ ਰਹੀ ਕੁਨਿਕਾ ਸਦਾਨੰਦ ਲਾਲ ਨੂੰ ਕਈ ਦਿਨਾਂ ਤੋਂ ਜਾਨੋਂ ਮਾਰਨ ਦੀ ਧਮਕੀ ਅਤੇ ਅਸ਼ਲੀਲ ਮੈਸੇਜ ਮਿਲ ਰਹੇ ਹਨ। ਅਦਾਕਾਰਾ ਨੇ ਇਸ ਪਿੱਛੇ ਬਿਸ਼ਨੋਈ ਸਮਾਜ ਨੂੰ ਜ਼ਿੰਮੇਦਾਰ ਠਹਿਰਾਇਆ ਹੈ। ਆਖਿਰ 'ਚ ਧਮਕੀਆਂ ਤੋਂ ਤੰਗ ਆ ਕੇ ਉਨ੍ਹਾਂ ਨੇ ਬਿਸ਼ਨੋਈ ਸਮਾਜ ਵਿਰੁੱਧ ਮੁੰਬਈ ਦੇ ਓਸ਼ੀਵਾਰਾ ਪੁਲਸ ਥਾਣੇ 'ਚ ਸ਼ਿਕਾਇਤ ਦਰਜ ਕਰਵਾਈ ਹੈ।
ਇਹ ਸਾਰਾ ਵਿਵਾਦ ਅਦਾਕਾਰਾ ਦੇ ਕਾਲੇ ਹਿਰਨ ਦੇ ਸ਼ਿਕਾਰ ਮਾਮਲੇ 'ਚ ਬਿਸ਼ਨੋਈ ਸਮਾਜ ਵਿਰੁੱਧ ਬਿਆਨ ਦੇਣ ਤੋਂ ਬਾਅਦ ਸ਼ੁਰੂ ਹੋਇਆ, ਜਿਸ 'ਚ ਉਨ੍ਹਾਂ ਨੇ ਕਿਹਾ ਕਿ ਬਿਸ਼ਨੋਈ ਸਮਾਜ ਖੁਦ ਸ਼ਿਕਾਰ ਕਰਦਾ ਹੈ।
ਕੁਨਿਕਾ ਨੇ ਕਿਹਾ, ''ਇਕ ਟੀ. ਵੀ. ਸ਼ੋਅ 'ਚ ਕਾਲੇ ਹਿਰਨ ਦੇ ਸ਼ਿਕਾਰ ਮਾਮਲੇ 'ਤੇ ਡਿਬੇਟ ਹੋ ਰਹੀ ਸੀ, ਜਿਸ 'ਚ ਮੈਂ ਕਿਹਾ ਸੀ ਕਿ ਸਲਮਾਨ ਨੂੰ ਸਜ਼ਾ ਦਿਵਾਉਣ ਦੀ ਜਗ੍ਹਾ ਬਿਸ਼ਨੋਈ ਸਮਾਜ ਨੂੰ ਉਨ੍ਹਾਂ ਨੂੰ (ਸਲਮਾਨ) ਇਕ ਉਦਾਹਰਨ ਵਜੋਂ ਲੈਣਾ ਚਾਹੀਦਾ ਹੈ ਅਤੇ ਸਲਮਾਨ ਦੀ ਜ਼ਮਾਨਤ ਦਾ ਵਿਰੋਧ ਨਹੀਂ ਕਰਨਾ ਚਾਹੀਦਾ।
ਉਹ ਅੱਗੇ ਕਹਿੰਦੀ ਹੈ, ''ਬਿਸ਼ਨੋਈ ਸਮਾਜ ਨੂੰ ਸਲਮਾਨ ਤੋਂ ਆਪਣੀ ਕੰਮਿਊਨਿਟੀ ਲਈ ਕੰਮ ਕਰਵਾਉਣਾ ਚਾਹੀਦਾ ਹੈ, ਜਿਵੇਂ ਕਾਲੇ ਹਿਰਨਾਂ ਨੂੰ ਪਾਲਣਾ, ਜੰਗਲ ਨੂੰ ਗੋਲ ਲੈਣਾ ਆਦਿ। ਬਿਸ਼ਨੋਈ ਸਮਾਜ ਖੁਦ ਸ਼ਿਕਾਰ ਕਰਦਾ ਹੈ।
ਇਹ ਠੀਕ ਉਸੇ ਤਰ੍ਹਾਂ ਹੈ, ਜਿਵੇਂ ਇਕ ਮਾਂਸਾਹਾਰੀ ਸਮਾਜ 'ਚ ਸ਼ਾਕਾਹਾਰੀ ਲੋਕ ਹੁੰਦੇ ਹਨ। ਕੁਨਿਕਾ ਦੇ ਇਸ ਬਿਆਨ ਤੋਂ ਬਾਅਦ ਉਨ੍ਹਾਂ ਨੂੰ ਧਮਕੀ ਭਰੇ ਫੋਨ ਆਉਣ ਲੱਗੇ। ਉਨ੍ਹਾਂ ਨੇ ਦੱਸਿਆ ਕਿ ਮੈਨੂੰ ਸੰਤੋਸ਼ ਬਿਸ਼ਨੋਈ ਨਾਂ ਦੇ ਵਿਅਕਤੀ ਨੇ ਫੋਨ ਕੀਤਾ ਅਤੇ ਮੈਨੂੰ ਆਪਣੇ ਬਿਆਨ 'ਤੇ ਮੁਆਫੀ ਮੰਗਣ ਲਈ ਕਿਹਾ।
ਮੈਂ ਉਸ ਦੀ ਗੱਲ ਮੰਨ ਲਈ ਕਿਉਂਕਿ ਮੇਰੇ ਕੋਲ੍ਹ ਇਸ ਗੱਲ ਦਾ ਕੋਈ ਸਬੂਤ ਨਹੀਂ ਸੀ ਕਿ ਬਿਸ਼ਨੋਈ ਮਾਂਸਾਹਾਰੀ ਹੁੰਦੇ ਹਨ ਪਰ ਇਸ ਤੋਂ ਬਾਅਦ ਵੀ ਧਮਕੀ ਭਰੇ ਫੋਨ ਨਹੀਂ ਰੁੱਕੇ।
ਕੁਨਿਕਾ ਨੂੰ ਫੇਸਬੁੱਕ 'ਤੇ ਵੀ ਧਮਕੀ ਭਰੇ ਮੈਸੇਜ ਆÎਉਣ ਲੱਗੇ, ਇੰਨਾ ਸਭ ਹੋਣ ਦੇ ਬਾਵਜੂਦ ਅਦਾਕਾਰਾ ਨੇ ਸੋਸ਼ਲ ਮੀਡੀਆ 'ਤੇ ਵੀਡੀਓ ਪੋਸਟ ਕਰਕੇ ਆਪਣੇ ਬਿਆਨ 'ਤੇ ਮੁਆਫੀ ਮੰਗੀ, ਜਿਸ ਤੋਂ ਬਾਅਦ ਵੀ ਅਜਿਹੇ ਕਾਲਸ ਦਾ ਸਿਲਸਿਲਾ ਰੁੱਕਿਆ ਨਹੀਂ।
ਆਖਿਰ 'ਚ ਉਹ ਪੁਲਸ ਕੋਲ੍ਹ ਸ਼ਿਕਾਇਤ ਦਰਜ ਕਰਾਉਣ ਪੁੱਜੀ। ਇਸ ਵਿਚਕਾਰ ਬਿਸ਼ਨੋਈ ਸਮਾਜ ਵਲੋਂ ਵੀ ਕੁਨਿਕਾ ਵਿਰੁੱਧ ਪੁਲਸ 'ਚ ਸ਼ਿਕਾਇਤ ਦਰਜ ਕਰਾਉਣ ਦੀ ਖਬਰ ਹੈ।