ਮੁੰਬਈ (ਬਿਊਰੋ)— ਸੋਸ਼ਲ ਮੀਡੀਆ ਕੰਪਨੀ ਫੇਸਬੁੱਕ ਦੇ ਸੰਸਥਾਪਕ ਮਾਰਕ ਜ਼ੁਕਰਬਰਗ ਜਦੋਂ 23 ਸਾਲ ਦੇ ਸਨ, ਉਦੋਂ ਉਨ੍ਹਾਂ ਨੇ ਆਪਣੇ ਬਲਬੂਤੇ 'ਤੇ ਦੁਨੀਆ ਦਾ ਸਭ ਤੋਂ ਨੌਜਵਾਨ ਅਰਬਪਤੀ ਬਣਨ ਦਾ ਖਿਤਾਬ ਹਾਸਲ ਕੀਤਾ ਸੀ। ਹੁਣ ਇਹ ਖਿਤਾਬ 20 ਸਾਲ ਦੀ ਇਕ ਲੜਕੀ ਆਪਣੇ ਨਾਂ ਕਰਨ ਵਾਲੀ ਹੈ। ਕਾਰਦਸ਼ੀਅਨ ਪਰਿਵਾਰ ਦੀ ਮੈਂਬਰ ਤੇ ਰਿਐਲਿਟੀ ਟੀ. ਵੀ. ਸਟਾਰ ਕਾਇਲੀ ਜੈਨਰ ਸਿਰਫ 20 ਸਾਲ ਦੀ ਹੈ ਪਰ ਉਸ ਦੀ ਕਮਾਈ 90 ਕਰੋੜ ਡਾਲਰ (ਲਗਭਗ 6117 ਕਰੋੜ ਰੁਪਏ) ਤੋਂ ਜ਼ਿਆਦਾ ਹੈ। ਫੋਰਬਸ ਨੇ ਉਸ ਦੀ ਕਮਾਈ ਦਾ ਇਹ ਅੰਕੜਾ ਜਾਰੀ ਕੀਤਾ ਹੈ। ਕਾਇਲੀ ਸਿਰਫ ਇਕ ਰਿਐਲਿਟੀ ਟੀ. ਵੀ. ਸਟਾਰ ਹੀ ਨਹੀਂ, ਸਗੋਂ ਉਹ ਇਕ ਸਫਲ ਬਿਜ਼ਨੈੱਸਵੁਮੈਨ ਵੀ ਹੈ। ਉਹ ਕਾਇਲੀ ਕਾਸਮੈਟਿਕਸ ਨਾਂ ਨਾਲ ਮੇਕਅੱਪ ਕੰਪਨੀ ਚਲਾਉਂਦੀ ਹੈ। ਫੋਰਬਸ ਮੁਤਾਬਕ ਉਸ ਨੇ ਦੋ ਸਾਲ ਪਹਿਲਾਂ ਆਪਣੀ ਕੰਪਨੀ ਦੀ ਸ਼ੁਰੂਆਤ ਕੀਤੀ ਸੀ। ਉਸ ਨੇ ਸਿਰਫ 2000 ਰੁਪਏ ਦੀ ਲਿਪ ਕਿੱਟ ਨਾਲ ਆਪਣੇ ਕਾਰੋਬਾਰ ਦੀ ਸ਼ੁਰੂਆਤ ਕੀਤੀ ਸੀ। ਫੋਬਰਸ ਮੁਤਾਬਕ ਉਦੋਂ ਤੋਂ ਲੈ ਕੇ ਹੁਣ ਤਕ ਕਾਇਲੀ ਨੇ 63 ਕਰੋੜ ਡਾਲਰ ਤੋਂ ਵੱਧ ਦੇ ਪ੍ਰੋਡਕਟਸ ਵੇਚੇ ਹਨ। ਫੋਰਬਸ ਨੇ ਕਾਇਲੀ ਦੀ ਕੰਪਨੀ ਦੀ ਵੈਲਿਊ 80 ਕਰੋੜ ਡਾਲਰ (5486 ਕਰੋੜ ਰੁਪਏ) ਲਗਾਈ ਹੈ। ਮੈਗਜ਼ੀਨ ਨੇ ਅੰਦਾਜ਼ਾ ਲਗਾਇਆ ਹੈ ਕਿ ਅਗਲੇ ਸਾਲ ਉਹ ਮਾਰਕ ਜ਼ੁਕਰਬਰਗ ਦਾ ਸਭ ਤੋਂ ਨੌਜਵਾਨ ਅਰਬਪਤੀ ਬਣਨ ਦਾ ਖਿਤਾਬ ਖੋਹ ਲਵੇਗੀ। ਕਾਇਲੀ ਅਗਲੇ ਮਹੀਨੇ 21 ਸਾਲ ਦੀ ਜਾਵੇਗੀ।