ਜਲੰਧਰ(ਬਿਊਰੋ)— ਲੱਖਾ ਤੇ ਨਾਜ਼ ਆਪਣੇ ਕੈਨੇਡਾ ਦੇ ਸਫਲ ਟੂਰ ਤੋਂ ਬਾਅਦ ਵਤਨ ਪਰਤੇ ਆਏ ਹਨ। ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਨੇ ਕੋਹਿਨੂਰ ਫੋਕ ਆਰਟਸ ਕਲੱਬ ਵਲੋਂ ''ਮੇਲਾ ਪੰਜਾਬੀਆਂ ਦਾ' (ਵੈਨਕੂਵਰ), ਲੋਕ ਵਿਰਸਾ ਕਲਚਰਲ ਕਲੱਬ ਐਬਰਸਫੋਰਡ ਵਲੋਂ 'ਮੇਲਾ ਗਦਰੀ ਬਾਬਿਆਂ ਦਾ' ਅਤੇ 'ਮੇਲਾ ਮੁਟਿਆਰਾਂ ਦਾ' ਜੋ ਕਿ ਜ਼ਿੱਦੀ ਸਪੋਰਟਸ ਤੇ ਕਲਚਰਲ ਕਲੱਬ ਵਲੋਂ ਕਰਵਾਇਆ ਗਿਆ, ਵਿਚ ਆਪਣੇ ਦੋਗਾਣਿਆਂ ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕਰਕੇ ਭਰਪੂਰ ਵਾਹ-ਵਾਹ ਖੱਟੀ। ਲੱਖਾ- ਨਾਜ਼ ਨੇ ਦੱਸਿਆ ਕਿ ਉਹ ਕੈਨੇਡਾ 'ਚ ਸ਼ਾਹਬਾਜ਼ ਇੰਟਰਟੇਨਰ ਤੇ ਇੰਦਰਜੀਤ ਸਿੰਘ ਔਲਖ, ਮੀਡੀਆ ਵੇਵਜ਼ ਰੇਡੀਓ ਤੇ ਆਸ਼ੀਆਨਾ ਖਾਨ ਦੇ ਸੱਦੇ 'ਤੇ ਗਏ ਸਨ।