ਮੁੰਬਈ (ਬਿਊਰੋ)— ਬੀਤੇ ਦਿਨ ਲੈਕਮੇ ਫੈਸ਼ਨ ਵੀਕ 'ਚ ਬਾਲੀਵੁੱਡ ਅਦਾਕਾਰਾ ਪ੍ਰਾਚੀ ਦੇਸਾਈ ਨੇ ਰੈਂਪ ਵਾਕ ਕੀਤਾ। ਇਸ ਦੌਰਾਨ ਉਹ ਕਾਫੀ ਖੂਬਸੂਰਤ ਦਿਖਾਈ ਦਿੱਤੀ। ਰੈਂਪ ਵਾਕ ਦੌਰਾਨ ਪ੍ਰਾਚੀ ਦੇਸਾਈ ਦੇ ਇੰਨੀ ਆਕਰਸ਼ਿਤ ਨਜ਼ਰ ਆਈ ਕਿ ਸਭ ਦੀਆਂ ਨਜ਼ਰਾਂ ਉਨ੍ਹਾਂ 'ਤੇ ਟਿੱਕ ਗਈਆਂ।
ਇਸ ਦੌਰਾਨ ਪ੍ਰਾਚੀ ਕਾਤਿਲਾਨਾ ਅਦਾਵਾਂ ਦਿਖਾਉਂਦੀ ਨਜ਼ਰ ਆਈ। ਦੱਸ ਦੇਈਏ ਕਿ ਪ੍ਰਾਚੀ ਨੇ ਸਾਲ 2008 'ਚ ਆਈ ਫਿਲਮ 'ਰਾਕ ਆਨ' ਨਾਲ ਵੱਡੇ ਪਰਦੇ 'ਤੇ ਆਪਣੀ ਫਿਲਮੀ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ।
ਹੁਣ ਤੱਕ ਉਹ ਕਈ ਫਿਲਮਾਂ 'ਚ ਆਪਣੀ ਬਿਹਤਰੀਨ ਐਕਟਿੰਗ ਦਾ ਜਲਵਾ ਦਿਖਾ ਚੁੱਕੀ ਹੈ। ਆਪਣੀ ਕਿਊਟਨੈੱਸ ਲਈ ਮਸ਼ਹੂਰ ਪ੍ਰਾਚੀ ਦੇਸਾਈ ਰੈੱਡ ਡਰੈੱਸ 'ਚ ਰੈਂਪ ਵਾਕ ਦੌਰਾਨ ਬੇਹੱਦ ਖੂਬਸੂਰਤ ਲੱਗ ਰਹੀ ਸੀ। ਜ਼ਿਕਰਯੋਗ ਹੈ ਕਿ ਅਦਾਕਾਰਾ ਪ੍ਰਾਚੀ ਦੇਸਾਈ ਟੀ. ਵੀ. ਦੀ ਦੁਨੀਆ 'ਚ ਲੰਬਾ ਸਮਾਂ ਬਿਤਾ ਚੁੱਕੀ ਹੈ।
ਲੈਕਮੇ ਫੈਸ਼ਨ ਵੀਕ ਦੇ 38ਵੇਂ ਐਡੀਸ਼ਨ ਦਾ ਆਯੋਜਨ ਮੁੰਬਈ 'ਚ ਕੀਤਾ ਜਾ ਰਿਹਾ ਹੈ। ਇਸ ਆਯੋਜਨ 'ਚ ਬਾਲੀਵੁੱਡ ਦੀਆਂ ਕਈ ਹਸਤੀਆਂ ਪਹਿਲਾਂ ਹੀ ਰੈਂਪ ਵਾਕ ਕਰ ਚੁੱਕੀ ਹੈ। ਇਨ੍ਹਾਂ 'ਚ ਕਰਿਸ਼ਮਾ ਕਪੂਰ, ਜਾਨਹਵੀ ਕਪੂਰ, ਨੇਹਾ ਧੂਪੀਆ ਅਤੇ ਬਿਪਾਸ਼ਾ ਬਾਸੂ ਸ਼ਾਮਲ ਹੈ।
ਦੱਸ ਦੇਈਏ ਕਿ ਆਖਰੀ ਵਾਰ ਅਦਾਕਾਰਾ ਪ੍ਰਾਚੀ ਦੇਸਾਈ ਨੂੰ ਸਾਲ 2016 'ਚ ਆਈ ਬਾਲੀਵੁੱਡ ਫਿਲਮ 'ਅਜ਼ਹਰ' 'ਚ ਦੇਖਿਆ ਗਿਆ ਸੀ। ਸਾਲ 2011 'ਚ 'ਵਨਸ ਅਪਾਨ ਅ ਟਾਈਮ ਇਨ ਮੁੰਬਈ' ਲਈ ਉਨ੍ਹਾਂ ਨੂੰ 'ਅੰਤਰਰਾਸ਼ਟਰੀ ਇੰਡੀਅਨ ਫਿਲਮ ਅਕੈਡਮੀ ਐਵਾਰਡ' ਵੀ ਮਿਲਿਆ।
ਪ੍ਰਾਚੀ ਦੇਸਾਈ ਦਾ ਜਨਮ ਗੁਜਰਾਤ ਦੇ ਸੂਰਤ 'ਚ ਹੋਇਆ ਸੀ। ਉਨ੍ਹਾਂ ਨੇ ਸ਼ੁਰੂ ਦੇ ਦਿਨਾਂ 'ਚ ਸਾਊਥ ਦੇ ਸਿਨੇਮਾ 'ਚ ਵੀ ਕੰਮ ਕੀਤਾ ਹੈ।
