ਮੁੰਬਈ (ਬਿਊਰੋ) — 'ਲੈਕਮੇ ਫੈਸ਼ਨ ਵੀਕ 2019' ਦੀ ਸ਼ੁਰੂਆਤ ਹੋ ਚੁੱਕੀ ਹੈ। ਇਸ 'ਚ ਬਾਲੀਵੁੱਡ ਸਟਾਰਸ ਨਜ਼ਰ ਨਾ ਆਉਣ ਅਜਿਹਾ ਤਾਂ ਹੋ ਹੀ ਨਹੀਂ ਸਕਦਾ। ਇੱਥੇ ਕਈ ਬਾਲੀਵੁੱਡ ਸਟਾਰਸ ਨੂੰ ਸਪੌਟ ਕੀਤਾ ਗਿਆ, ਜਿਨ੍ਹਾਂ ਨੇ ਆਪਣੇ ਹੁਸਨ ਦੇ ਜਲਵੇ ਈਵੈਂਟ 'ਚ ਬਿਖੇਰੇ।
ਫੈਸ਼ਨ ਸ਼ੋਅ 'ਚ ਯਾਮੀ ਮੌਤਮ, ਨੇਹਾ ਧੁਪੀਆ, ਪੂਜਾ ਹੇਗੜੇ, ਕ੍ਰਿਤੀ ਸੇਨਨ, ਗੌਰੀ ਖਾਨ ਸਮੇਤ ਕਈ ਹੋਰ ਸਿਤਾਰਿਆਂ ਨੇ 'ਲੈਕਮੇ ਫੈਸ਼ਨ ਵੀਕ 2019' ਦੀ ਰੈੱਡ ਕਾਰਪੇਟ 'ਤੇ ਅਦਾਵਾਂ ਦਿਖਾਈਆਂ।
ਦੱਸ ਦਈਏ ਕਿ ਮੁੰਬਈ ਦੇ ਰਾਇਲ ਉਪੇਰਾ ਹਾਊਸ 'ਚ ਡਿਜ਼ਾਈਨਰ ਗੌਰਵ ਗੁਪਤਾ ਦੀ ਕਲੈਕਸ਼ਨ 'ਦਿ ਫੋਲਡਿੰਗ' ਨਾਲ ਫੈਸ਼ਨ ਸ਼ੋਅ ਸ਼ੁਰੂ ਹੋਇਆ ਹੈ, ਜਿਸ 'ਚ ਹੈਂਡਵੂਵਨ ਫੈਬਰਿਕ, ਲਖਨਵੀ, ਚਿਕਨਕਾਰੀ ਵਰਕ, ਬਨਾਰਸੀ ਬਰੋਕੇਡ ਤੇ ਡਰਾਮੈਟਿਕ ਗਾਊਨ ਆਦਿ ਦੇਖਣ ਨੂੰ ਮਿਲੇ।
ਦੱਸ ਦਈਏ ਕਿ 5 ਦਿਨ ਚੱਲਣ ਵਾਲਾ 'ਲੈਕਮੇ ਫੈਸ਼ਨ ਵੀਕ' ਇਸ ਵਾਰ 30 ਜਨਵਰੀ ਤੋਂ 3 ਫਰਵਰੀ ਤਕ ਚੱਲੇਗਾ, ਜਿਸ ਵਿਚ ਨਾਮੀ ਡਿਜ਼ਾਈਨਰ ਹਿੱਸਾ ਲੈਣਗੇ। ਹਾਲਾਂਕਿ ਗੌਰਵ ਗੁਪਤਾ ਨੇ ਇਕ ਦਿਨ ਪਹਿਲਾਂ ਆਪਣੀ ਕਲੈਕਸ਼ਨ ਸ਼ੋਅਕੇਸ ਕੀਤੀ।
