ਮੁੰਬਈ(ਬਿਊਰੋ)— ਮਸ਼ਹੂਰ ਗਾਇਕ ਯੋ ਯੋ ਹਨੀ ਸਿੰਘ ਦੇ ਗੀਤਾਂ ਦੇ ਸਾਰੇ ਦੀਵਾਨੇ ਹਨ ਪਰ ਕਾਫੀ ਸਮੇਂ ਤੋਂ ਉਨ੍ਹਾਂ ਨੇ ਇੰਡਸਟਰੀ ਤੋਂ ਦੂਰੀ ਬਣਾ ਲਈ ਸੀ ਪਰ ਹੁਣ ਇਕ ਧਮਾਕੇਦਾਰ ਐਂਟਰੀ ਨਾਲ ਉਹ ਵਾਪਸ ਆ ਗਏ ਹਨ। ਉਨ੍ਹਾਂ ਦੀ ਜ਼ਿੰਦਗੀ 'ਚ ਕਈ ਉਤਾਅ-ਚੜਾਅ ਆਏ ਪਰ ਉਨ੍ਹਾਂ ਨੇ ਕਦੇ ਹਿੰਮਤ ਨਹੀਂ ਹਾਰੀ। ਉਨ੍ਹਾਂ ਦੀ ਲਵ ਲਾਈਫ ਬਾਰੇ ਬਹੁਤ ਘੱਟ ਲੋਕ ਜਾਣਦੇ ਹਨ।
ਰੀਲ ਲਾਈਫ 'ਚ ਹਮੇਸ਼ਾ ਗਾਲ੍ਹਾਂ ਕੱਢਣ ਤੇ ਵਿਵਾਦਿਤ ਗੀਤ ਗਾਉਣ ਵਾਲੇ ਹਨੀ ਸਿੰਘ ਰੀਅਲ ਲਾਈਫ 'ਚ ਕਾਫੀ ਸੰਜੀਦਾ ਹਨ। ਘੱਟ ਹੀ ਲੋਕ ਜਾਣਦੇ ਹਨ ਕਿ ਉਨ੍ਹਾਂ ਦੀ ਪਤਨੀ ਸ਼ਾਲਿਨੀ ਤਲਵਾਰ ਸਕੂਲ ਡੇਜ਼ ਤੋਂ ਹੀ ਉਨ੍ਹਾਂ ਦੀ ਗਰਲਫ੍ਰੈਂਡ ਬਣ ਗਈ ਸੀ ਤੇ 20 ਸਾਲ ਡੇਟਿੰਗ ਤੋਂ ਬਾਅਦ ਦੋਹਾਂ ਨੇ ਵਿਆਹ ਕੀਤਾ ਸੀ। ਯੋ-ਯੋ ਹਨੀ ਸਿੰਘ ਅੱਜ ਦੀ ਪਿੜ੍ਹੀ ਦੇ ਸਭ ਤੋਂ ਲੋਕਪ੍ਰਿਯ ਰੈਪਰ ਤੇ ਗਾਇਕਾਵਾਂ 'ਚ ਗਿਣੇ ਜਾਂਦੇ ਹੈ।
ਹੁਸ਼ਿਆਰਪੁਰ ਦੇ ਰਹਿਣ ਵਾਲੇ ਹਨੀ ਦਾ ਪਰਿਵਾਰ ਕਈ ਸਾਲ ਪਹਿਲਾਂ ਦਿੱਲੀ ਆ ਕੇ ਵੱਸ ਗਿਆ ਸੀ। ਇੱਥੇ ਮਾਤਾ-ਪਿਤਾ ਨੇ ਉਨ੍ਹਾਂ ਨੂੰ ਗੁਰੂ ਨਾਨਕ ਪਬਲਿਕ ਸਕੂਲ 'ਚ ਐਡਮਿਸ਼ਨ ਦਿਵਾਇਆ ਤੇ ਇੱਥੇ ਹੀ ਉਨ੍ਹਾਂ ਦੀ ਮੁਲਾਕਾਤ ਦਿੱਲੀ ਦੀ ਹੀ ਸ਼ਾਲਿਨੀ ਨਾਲ ਹੋਈ। ਸਕੂਲਿੰਗ ਤੋਂ ਬਾਅਦ ਹਨੀ ਸਿੰਘ ਮਿਊਜ਼ਿਕ ਦੀ ਡਿਗਰੀ ਲਈ ਲੰਡਨ ਚਲੇ ਗਏ ਪਰ ਦੋਹਾਂ 'ਚ ਡਿਸਟੈਂਸ ਰਿਲੇਸ਼ਨਸ਼ਿੱਪ ਮੇਟੇਂਨ ਰਿਹਾ।
ਲੰਡਨ ਤੋਂ ਵਾਪਸ ਆਉਣ ਤੋਂ ਬਾਅਦ ਹੀ ਹਨੀ ਤੇ ਸ਼ਾਲਿਨੀ ਨੇ 23 ਜਨਵਰੀ, 2011 ਨੂੰ ਗੁਰਦੁਆਰਾ 'ਚ ਸਿੱਖ ਰੀਤੀ-ਰਿਵਾਜਾਂ ਨਾਲ ਵਿਆਹ ਕਰ ਲਿਆ। ਹਨੀ ਆਪਣੇ ਵਿਆਹ ਨੂੰ ਲੈ ਕੇ ਹਮੇਸ਼ਾ ਚਰਚਾ 'ਚ ਰਹੇ ਪਰ ਉਨ੍ਹਾਂ ਨੇ ਕਾਫੀ ਟਾਈਮ ਤੱਕ ਵਿਆਹ ਦੀ ਗੱਲ ਸਾਰਿਆਂ ਤੋਂ ਲੁਕਾ ਕੇ ਰੱਖੀ ਸੀ।