ਮੁੰਬਈ(ਬਿਊਰੋ)— ਬੀਤੇ ਦਿਨ ਸ਼੍ਰੀਦੇਵੀ ਦਾ ਜਨਮਦਿਨ ਸੀ। ਇਸ ਦੌਰਾਨ ਮਰਹੂਮ ਅਦਾਕਾਰਾ ਸ਼੍ਰੀਦੇਵੀ ਨੂੰ ਉਨ੍ਹਾਂ ਦੇ ਪਰਿਵਾਰ, ਫੈਨਜ਼ ਅਤੇ ਬਾਲੀਵੁੱਡ ਸਿਤਾਰਿਆਂ ਨੇ ਯਾਦ ਕੀਤਾ। ਸ਼੍ਰੀਦੇਵੀ ਨੂੰ ਮੈਡਮ ਤੁਸਾਦ ਸਿੰਗਾਪੁਰ ਨੇ ਖਾਸ ਅੰਦਾਜ਼ 'ਚ ਸ਼ਰਧਾਂਜਲੀ ਦਿੱਤੀ ਹੈ। ਮੈਡਮ ਤੁਸਾਦ ਸਿੰਗਾਪੁਰ ਨੇ ਸ਼੍ਰੀਦੇਵੀ ਦੇ 56ਵੇਂ ਜਨਮਦਿਨ 'ਤੇ ਉਨ੍ਹਾਂ ਦੇ ਵੈਕਸ ਸਟੈਚੂ ਦੇ ਲਾਂਚ ਦਾ ਐਲਾਨ ਕੀਤਾ ਹੈ। ਸ਼੍ਰੀਦੇਵੀ ਦੇ ਇਸ ਮੋਮ ਦੇ ਪੁਤਲੇ ਨੂੰ ਅਦਾਕਾਰਾ ਦੀ ਯਾਦ 'ਚ ਬਣਾਇਆ ਗਿਆ ਹੈ।
ਇਹ ਮੋਮ ਦਾ ਪੁਤਲਾ ਕਾਫੀ ਖਾਸ ਹੈ। 20 ਮਾਹਿਰ ਕਲਾਕਾਰਾਂ ਦੀ ਟੀਮ ਨੇ ਸ਼੍ਰੀਦੇਵੀ ਦੇ ਪਰਿਵਾਰ ਨਾਲ ਮਿਲ ਕੇ ਉਨ੍ਹਾਂ ਦੇ ਪੋਜ, ਐਕਸਪ੍ਰੈਸ਼ਨ, ਮੇਕਅੱਪ ਅਤੇ ਆਇਕਾਨਿਕ ਆਉਟਫਿੱਟ ਨੂੰ ਰੀਕ੍ਰਿਏਟ ਕਰਨ 'ਚ ਪੰਜ ਮਹੀਨੇ ਤੱਕ ਕੰਮ ਕੀਤਾ। ਅਦਾਕਾਰਾ ਦੇ ਵੈਕਸ ਸਟੈਚੂ ਨਾਲ ਜੁੜੀ ਸਾਹਮਣੇ ਆਈ ਡਿਟੇਲ ਦੇ ਮੁਤਾਬਕ, ਸ਼੍ਰੀਦੇਵੀ ਦੇ ਆਉਟਫਿੱਟ ਨੂੰ ਰੀਕ੍ਰਿਏਟ ਕਰਨਾ ਸਭ ਤੋਂ ਜ਼ਿਆਦਾ ਚੈਲੇਂਜਿਗ ਰਿਹਾ। ਸ਼੍ਰੀਦੇਵੀ ਦਾ ਕਰਾਊਨ, ਕਫਸ, ਈਅਰਿੰਗਸ ਅਤੇ ਡਰੈੱਸ 'ਚ ਮੌਜੂਦ 34 ਪ੍ਰਿੰਟ ਨੂੰ ਕਈ ਟੈਸਟ ਤੋਂ ਬਾਅਦ ਦਾ ਪੂਰਾ ਕੀਤਾ ਗਿਆ।
ਜਾਣਕਾਰੀ ਮੁਤਾਬਕ ਫਿਲਮ 'ਮਿਸਟਰ ਇੰਡੀਆ' ਦੇ ਆਈਕਾਨਿਕ ਸਾਂਗ 'ਹਵਾ ਹਵਾਈ' 'ਚ ਜੋ ਸ਼੍ਰੀਦੇਵੀ ਦਾ ਲੁੱਕ ਦਿਸਿਆ ਸੀ, ਵੈਕਸ ਸਟੈਚੂ ਉਸੇ ਲੁੱਕ 'ਤੇ ਤਿਆਰ ਕੀਤਾ ਗਿਆ ਹੈ। ਡਰੈੱਸਅੱਪ, ਕਰਾਊਨ, ਮੇਕਅੱਪ, ਹੇਅਰ ਸਟਾਇਲ ਹੂਬਹੂ 'ਹਵਾ ਹਵਾਈ' ਦੇ ਲੁੱਕ ਦਾ ਦੱਸਿਆ ਜਾ ਰਿਹਾ ਹੈ। ਸ਼੍ਰੀਦੇਵੀ ਦੇ ਇਸ ਮੋਮ ਦੇ ਪੁਤਲੇ ਨੂੰ ਆਫੀਸ਼ੀਅਲੀ ਸਤੰਬਰ ਦੀ ਸ਼ੁਰੂਆਤ 'ਚ ਉਨ੍ਹਾਂ ਦੇ ਪਤੀ ਬੋਨੀ ਕਪੂਰ, ਜਾਨਹਵੀ ਅਤੇ ਖੁਸ਼ੀ ਕਪੂਰ ਦੁਆਰਾ ਲਾਂਚ ਕੀਤਾ ਜਾਵੇਗਾ। ਪਤਨੀ ਨੂੰ ਮਿਲੇ ਇਸ ਸਨਮਾਨ ਵਲੋਂ ਬੋਨੀ ਕਪੂਰ ਕਾਫੀ ਖੁਸ਼ੀ ਹਨ। ਮੈਡਮ ਤੁਸਾਦ ਸਿੰਗਾਪੁਰ ਦੇ ਜਨਰਲ ਮੈਨੇਜਰ ਐਲੇਕਸ ਵਾਰਡ ਨੇ ਕਿਹਾ,''ਸ਼੍ਰੀਦੇਵੀ ਭਾਰਤੀ ਸਿਨੇਮਾ ਦੀ ਆਇਕਾਨ ਹਨ। ਉਨ੍ਹਾਂ ਬਿਨਾਂ ਅਲਟੀਮੇਟ ਫਿਲਮ ਸਟਾਰ ਐਕਸਪੀਰੀਅੰਸ ਜੋਨ ਅਧੂਰਾ ਹੈ। ਸਾਨੂੰ ਖੁਸ਼ੀ ਹੈ ਕਿ ਮੈਡਮ ਤੁਸਾਦ 'ਚ ਸ਼੍ਰੀਦੇਵੀ ਦੀ ਲੀਗੇਸੀ ਨੂੰ ਜਗਾ ਮਿਲੇਗੀ।''