ਮੁੰਬਈ(ਬਿਊਰੋ)— 1991 'ਚ ਅਜੇ ਦੇਵਗਨ ਦੇ ਆਪੋਜਿਟ ਫਿਲਮ 'ਫੂਲ ਓਰ ਕਾਂਟੇ' ਨਾਲ ਬਾਲੀਵੁੱਡ 'ਚ ਐਂਟਰੀ ਕਰ ਲਾਈਮਲਾਈਟ 'ਚ ਆਈ ਅਦਾਕਾਰਾ ਮਧੂ ਫਿਲਹਾਲ ਸੁਰਖੀਆਂ 'ਚ ਹਨ। ਦਰਅਸਲ, ਮਧੂ 8 ਸਾਲ ਬਾਅਦ ਬਾਲੀਵੁੱਡ 'ਚ ਹਾਰਰ ਕਾਮੇਡੀ ਫਿਲਮ 'ਖਲੀ-ਬਲੀ' ਨਾਲ ਵਾਪਸੀ ਕਰਨ ਜਾ ਰਹੀ ਹੈ। ਉਨ੍ਹਾਂ ਦੀ ਆਖਰੀ ਹਿੰਦੀ ਫਿਲਮ 'ਲਵ ਯੂ... ਮਿਸਟਰ ਕਲਾਕਾਰ' ਸੀ। ਮਧੂ ਨੇ ਕਈ ਹਿੰਦੀ ਅਤੇ ਸਾਊਥ ਇੰਡੀਅਨ ਫਿਲਮਾਂ 'ਚ ਕੰਮ ਕੀਤਾ ਹੈ। ਉਨ੍ਹਾਂ ਨੂੰ ਅੱਜ ਫਿਲਮ 'ਰੋਜਾ' ਲਈ ਯਾਦ ਕੀਤਾ ਗਿਆ ਹੈ। ਇਨ੍ਹੇ ਸਾਲਾਂ 'ਚ ਮਧੂ ਦੇ ਲੁੱਕ 'ਚ ਕਾਫੀ ਬਦਲਾਅ ਆਇਆ ਹੈ। ਉਹ ਪਹਿਲਾਂ ਨਾਲੋਂ ਜ਼ਿਆਦਾ ਖੂਬਸੂਰਤ ਅਤੇ ਗਲੈਮਰਸ ਹੋ ਗਈ ਹੈ। ਮਧੂ ਆਪਣੇ ਸੋਸ਼ਲ ਮੀਡੀਆ ਪਲੇਫਾਰਮ 'ਤੇ ਲੇਟੈਸਟ ਤਸਵੀਰਾਂ ਸ਼ੇਅਰ ਕਰਦੀ ਰਹਿੰਦੀ ਹੈ। ਮਧੂ ਨੇ ਹਿੰਦੀ ਦੀ 'ਪਹਿਚਾਨ', 'ਐਲਾਨ', 'ਪ੍ਰੇਮ ਰੋਗ', 'ਦਿਲਜਲੇ', 'ਉਡਾਨ', 'ਜਨਤਾ ਕੀ ਅਦਾਲਤ' ਵਰਗੀਆਂ ਕਈ ਫਿਲਮਾਂ 'ਚ ਕੰਮ ਕੀਤਾ ਹੈ। ਮਧੂ ਨੇ ਫਿਲਮਾਂ ਤੋਂ ਇਲਾਵਾ ਟੀ. ਵੀ. ਸੀਰੀਅਲ 'ਚ ਵੀ ਕੰਮ ਕੀਤਾ ਹੈ। ਮਧੂ ਨੇ ਮਦਰਹੁੱਡ 'ਤੇ ਫੋਕਸ ਕਰਨ ਲਈ ਫਿਲਮਾਂ ਤੋਂ ਬ੍ਰੇਕ ਲਿਆ ਸੀ। ਦੱਸ ਦੇਈਏ ਕਿ ਮਧੂ ਦੀ ਫਿਲਮ 'ਖਲੀ-ਬਲੀ' ਨੂੰ ਮਨੋਜ ਸ਼ਰਮਾ ਡਾਇਰੈਕਟ ਕਰਨਗੇ। ਮੂਵੀ ਦਾ ਪਹਿਲਾ ਸ਼ੈਡੀਊਲ ਮੁੰਬਈ 'ਚ ਸ਼ੂਟ ਹੋਵੇਗਾ। ਮਧੂ ਦੇ ਨਿੱਜ਼ੀ ਜ਼ਿੰਦਗੀ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ 19 ਫਰਵਰੀ 1999 'ਚ ਆਨੰਦ ਸ਼ਾਹ ਨਾਲ ਵਿਆਹ ਕਰਵਾਇਆ ਸੀ।