ਜਲੰਧਰ(ਬਿਊਰੋ)— ਬਾਲੀਵੁੱਡ ਦੀ ਕਿਊਟ ਗਰਲ ਮਾਧੁਰੀ ਦੀਕਸ਼ਿਤ ਇਨ੍ਹਾਂ ਦਿਨੀਂ ਆਪਣੀ ਆਉਣ ਵਾਲੀ ਫਿਲਮ 'ਕਲੰਕ' ਦੇ ਪ੍ਰਮੋਸ਼ਨ 'ਚ ਬਿਜ਼ੀ ਹੈ। ਇਸ ਫਿਲਮ 'ਚ ਮਾਧੁਰੀ ਦੇ ਨਾਲ ਸੰਜੇ ਦੱਤ, ਆਲੀਆ ਭੱਟ ਅਤੇ ਵਰੁਣ ਧਵਨ ਲੀਡ ਰੋਲ 'ਚ ਨਜ਼ਰ ਆਉਣਗੇ। ਇਸ ਫਿਲਮ ਨੂੰ ਰਿਲੀਜ਼ ਹੋਣ 'ਚ ਤਾਂ ਕੁੱਝ ਸਮਾਂ ਬਾਕੀ ਹੈ ਪਰ ਉਸ ਤੋਂ ਪਹਿਲਾਂ ਹੀ ਮਾਧੁਰੀ ਦੇ ਘਰ ਇਕ ਮਹਿਮਾਨ ਨੇ ਕਦਮ ਰੱਖ ਦਿੱਤਾ ਹੈ। ਇਸ ਮਹਿਮਾਨ ਨੂੰ ਗੋਦ 'ਚ ਲੈ ਕੇ ਮਾਧੁਰੀ ਦੇ ਪਤੀ ਰਾਮ ਨੇ ਤਸਵੀਰ ਸ਼ੇਅਰ ਕੀਤੀ ਹੈ। ਆਖਿਰ ਇਹ ਮਹਿਮਾਨ ਕੌਣ ਹੈ? ਤਾਂ ਜਨਾਬ ਇਹ ਖਾਸ ਮਹਿਮਾਨ ਕੋਈ ਹੋਰ ਨਹੀਂ ਬਲਕਿ ਕਾਰਮੇਲੋ ਨੇਨੇ ਹੈ ਯਾਕਿ ਕਿ ਇਕ ਡੌਗ। ਇਸ ਡੌਗ ਨੂੰ ਮਾਧੁਰੀ ਦੀਕਸ਼ਿਤ ਅਤੇ ਰਾਮ ਨੇਨੇ ਨੇ ਪੀਪੁਲ ਫਾਰ ਐਥਿਕਲ ਟ੍ਰੀਟਮੈਂਟਸ ਆਫ ਇੰਡੀਆ (ਪੇਟਾ) ਤੋਂ ਗੋਦ ਲਿਆ ਹੈ। ਖਾਸ ਗੱਲ ਹੈ ਕਿ ਮਾਧੁਰੀ ਨੇ ਇਸ ਖਾਸ ਮਹਿਮਾਨ ਨੂੰ ਆਪਣੇ ਘਰ ਬੇਟੇ ਦੇ ਬਰਥਡੇ 'ਤੇ ਘਰ ਲੈ ਕੇ ਆਈ। ਆਪਣੇ ਇਸ ਨਵੇਂ ਮਹਿਮਾਨ ਨਾਲ ਮਾਧੁਰੀ ਦੀਕਸ਼ਿਤ ਨੇ ਕਈ ਤਸਵੀਰਾਂ ਟਵਿੱਟਰ ਤੇ ਸ਼ੇਅਰ ਕੀਤੀਆਂ ਹਨ। ਤਸਵੀਰਾਂ 'ਚ ਰਾਮ ਨੇ ਕੁੱਤੇ ਦੇ ਬੱਚੇ ਨੂੰ ਗੋਦ 'ਚ ਚੁੱਕਿਆ ਹੋਇਆ ਹੈ। ਉੱਥੇ ਮਾਧੁਰੀ ਵੀ ਇਸ ਮਹਿਮਾਨ ਨਾਲ ਸਮਾਂ ਬਤੀਤ ਕਰਦੇ ਹੋਏ ਦਿਖਾਈ ਦਿੱਤੀ। ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਮਾਧੁਰੀ ਦੀਕਸ਼ਿਤ ਦਾ ਹਾਲ ਹੀ 'ਚ ਫਿਲਮ 'ਟੋਟਲ ਧਮਾਲ' ਰਿਲੀਜ਼ ਹੋਈ ਹੈ। ਇਸ ਫਿਲਮ ਨੇ ਬਾਕਸ ਆਫਿਸ ਤੇ ਚੰਗਾ ਕੁਲੈਕਸ਼ਨ ਕੀਤਾ ਹੈ। ਉੱਥੇ ਹੁਣ ਮਾਧੁਰੀ ਦੀਕਸ਼ਿਤ ਦੀ ਨਵੀਂ ਫਿਲਮ 'ਕਲੰਕ' ਰਿਲੀਜ਼ ਹੋਣ ਲਈ ਤਿਆਰ ਹੈ। ਫਿਲਮ ਸਿਨੇਮਾਘਰਾਂ 'ਚ 19 ਅਪ੍ਰੈਲ ਨੂੰ ਰਿਲੀਜ਼ ਹੋਵੇਗੀ।