ਮੁੰਬਈ(ਬਿਊਰੋ)— ਬਾਲੀਵੁੱਡ ਦੀਆਂ ਫਿਲਮਾਂ 'ਚ ਅੱਜਕਲ ਆਈਟਮ ਨੰਬਰ ਦਾ ਟਰੈਂਡ ਕਾਫੀ ਬਣ ਗਿਆ ਹੈ। ਜਦੋਂ ਵੀ ਕਿਸੇ ਫਿਲਮ 'ਚ ਕੋਈ ਆਈਟਮ ਨੰਬਰ ਆਉਂਦਾ ਹੈ ਤਾਂ ਸਭ ਤੋਂ ਪਹਿਲਾ ਚਿਹਰਾ ਆਈਟਮ ਸੌਂਗ ਕਰਨ ਵਾਲੀ ਅਦਾਕਾਰਾ ਮਲਾਇਕਾ ਅਰੋੜਾ ਦਾ ਚਿਹਰਾ ਸਾਹਮਣੇ ਆਉਂਦਾ ਹੈ।
ਹੁਣ ਤੱਕ ਮਲਾਇਕਾ ਬਾਲੀਵੁੱਡ 'ਚ ਕਈ ਆਈਟਮ ਨੰਬਰਜ਼ ਕਰ ਚੁੱਕੀ ਹੈ। ਕਾਫੀ ਸਮੇਂ ਤੋਂ ਮਲਾਇਕਾ ਨੂੰ ਨਾ ਕਿਸੇ ਫਿਲਮ 'ਚ ਦੇਖਿਆ ਹੈ ਅਤੇ ਨਾ ਹੀ ਕੋਈ ਆਈਟਮ ਸੌਂਗ ਕਰਦਿਆਂ।
ਹੁਣ ਮਲਾਇਕਾ ਦੇ ਡਾਂਸ ਦੇ ਫੈਨਜ਼ ਲਈ ਗੁੱਡ ਨਿਊਜ਼ ਹੈ। ਜੀ ਹਾਂ, ਮਲਾਇਕਾ ਇਕ ਵਾਰ ਫਿਰ ਆਈਟਮ ਡਾਂਸ ਕਰਕੇ ਲੋਕਾਂ ਦੇ ਦਿਲਾਂ ਦੀ ਧੜਕਣ ਵਧਾਉਣ ਲਈ ਆ ਰਹੀ ਹੈ।
ਦੱਸਣਯੋਗ ਹੈ ਕਿ ਖਬਰਾਂ ਆ ਰਹੀਆਂ ਹਨ ਕਿ ਮਲਾਇਕਾ, ਡਾਇਰੈਕਟਰ ਵਿਸ਼ਾਲ ਭਾਰਦਵਾਜ ਦੀ ਆਉਣ ਵਾਲੀ ਫਿਲਮ 'ਪਟਾਖਾ' 'ਚ ਆਈਟਮ ਨੰਬਰ ਕਰੇਗੀ, ਜਿਸ ਦਾ ਟਾਈਟਲ ਹੋਵੇਗਾ 'ਹੈਲੋ ਹੈਲੋ'। ਇਸ ਗੀਤ ਨੂੰ ਗੁਲਜ਼ਾਰ ਨੇ ਲਿਖਿਆ ਅਤੇ ਵਿਸ਼ਾਲ ਨੇ ਕੰਪੋਜ਼ ਕੀਤਾ ਹੈ।
ਜਦੋਂਕਿ ਗੀਤ ਨੂੰ ਆਵਾਜ਼ ਵਿਸ਼ਾਲ ਦੀ ਫੇਵਰੇਟ ਗਾਇਕ ਰੇਖਾ ਭਾਰਦਵਾਜ ਨੇ ਦਿੱਤੀ ਹੈ। ਮਲਾਇਕਾ ਨੇ ਤਾਂ ਇਸ ਗੀਤ ਦੀ ਰਿਹਰਸਲ ਵੀ ਸ਼ੁਰੂ ਕਰ ਦਿੱਤੀ ਹੈ, ਜਿਸ ਨੂੰ ਗਣੇਸ਼ ਆਚਾਰੀਆ ਕੋਰੀਓਗ੍ਰਾਫ ਕਰ ਰਹੇ ਹਨ।
ਇਸ ਫਿਲਮ 'ਚ ਸੁਨੀਲ ਗਰੋਵਰ, ਵਿਜੇ ਰਾਜ, ਸਾਨੀਆ ਮਲਹੋਤਰਾ ਤੇ ਰਾਧਿਕਾ ਮਦਨ ਲੀਡ ਰੋਲ 'ਚ ਹਨ। 'ਪਟਾਖਾ' ਦਾ ਟਰੇਲਰ ਹਾਲ ਹੀ 'ਚ ਰਿਲੀਜ਼ ਕੀਤਾ ਗਿਆ ਹੈ, ਜਿਸ ਦੀ ਕਹਾਣੀ ਰਾਜਸਥਾਨ 'ਤੇ ਆਧਾਰਿਤ ਹੈ। ਇਹ ਫਿਲਮ 28 ਸਤੰਬਰ ਨੂੰ ਰਿਲੀਜ਼ ਹੋ ਰਹੀ ਹੈ।
