ਮੰਬਈ(ਬਿਊਰੋ)— ਬਾਲੀਵੁੱਡ ਦੀ ਹੌਟ ਅਦਾਕਾਰਾ ਮਲਾਇਕਾ ਅਰੋੜਾ ਖਾਨ 23 ਅਗਸਤ ਨੂੰ ਆਪਣਾ 45ਵਾਂ ਜਨਮਦਿਨ ਸੈਲੀਬ੍ਰੇਟ ਕਰ ਰਹੀ ਹੈ। ਉਸ ਦਾ ਜਨਮ 23 ਅਗਸਤ 1973 ਨੂੰ ਹੋਇਆ ਸੀ। ਉਹ ਕਈ ਫਿਲਮਾਂ 'ਚ ਬਿਹਤਰੀਨ ਅਦਾਕਾਰੀ ਕਰ ਚੁੱਕੀ ਹੈ। ਲੰਬੇ ਕਰੀਅਰ ਤੋਂ ਬਾਅਦ ਅੱਜ ਵੀ ਉਹ ਜਵਾਨ ਦਿਲਾਂ 'ਤੇ ਰਾਜ ਕਰਦੀ ਹੈ। ਦੱਸ ਦੇਈਏ ਕਿ ਮਲਾਇਕਾ ਨੂੰ ਬਾਲੀਵੁੱਡ 'ਚ ਆਈਟਮ ਗਰਲ ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ।
ਮਲਾਇਕਾ ਅਰੋੜਾ ਸਭ ਤੋਂ ਜ਼ਿਆਦਾ ਚਰਚਾ 'ਚ ਉਦੋਂ ਆਈ, ਜਦੋਂ ਉਸ ਨੇ ਸਲਮਾਨ ਖਾਨ ਦੇ ਭਰਾ ਤੇ ਐਕਟਰ ਅਰਬਾਜ਼ ਖਾਨ ਤੋਂ ਪਿਛਲੇ ਸਾਲ ਤਲਾਕ ਲਿਆ। ਦੋਵਾਂ ਦਾ 19 ਸਾਲ ਪੁਰਾਣਾ ਰਿਸ਼ਤਾ ਟੁੱਟ ਗਿਆ ਸੀ। ਇਸ ਪਿੱਛੇ ਕਈ ਕਾਰਨ ਦੱਸੇ ਜਾ ਰਹੇ ਹਨ ਪਰ ਮਲਾਇਕਾ ਜਾਂ ਅਰਬਾਜ਼ ਨੇ ਹਮੇਸ਼ਾ ਹੀ ਚੁੱਪੀ ਰੱਖੀ। ਮਲਾਇਕਾ ਤੇ ਅਰਬਾਜ਼ ਦੀ ਮੁਲਾਕਾਤ ਸਾਲ 1993 'ਚ ਹੋਈ ਸੀ ਜਦੋਂ ਇਕ ਕਾਫੀ ਬ੍ਰਾਂਡ Mr. Coffee ਦੇ ਬੋਲਡ ਸ਼ੂਟ ਲਈ ਬੁਲਾਇਆ ਗਿਆ ਸੀ।
ਪਹਿਲੀ ਨਜ਼ਰ 'ਚ ਉਹ ਇਕ-ਦੂਜੇ ਨੂੰ ਦਿਲ ਦੇ ਬੈਠੇ ਸਨ। ਇਸ ਤੋਂ ਬਾਅਦ ਉਨ੍ਹਾਂ ਦਾ ਅਫੇਅਰ 5 ਸਾਲ ਤੱਕ ਚੱਲਿਆ ਤੇ ਫਿਰ ਦੋਵਾਂ ਨੇ ਵਿਆਹ ਕਰਵਾਉਣ ਦਾ ਫੈਸਲਾ ਲੈ ਲਿਆ। 5 ਸਾਲ ਰਿਸ਼ਤੇ 'ਚ ਰਹਿਣ ਮਗਰੋਂ ਮਲਾਇਕਾ ਤੇ ਅਰਬਾਜ਼ ਨੇ 12 ਦਸੰਬਰ 1998 ਨੂੰ ਆਪਣੇ ਦੋਸਤਾਂ ਤੇ ਪਰਿਵਾਰ ਵਾਲਿਆਂ ਦੀ ਮੌਜ਼ੂਦਗੀ 'ਚ ਵਿਆਹ ਕਰਵਾ ਲਿਆ।
ਇਸ ਤੋਂ ਬਾਅਦ ਸ਼ਾਮ ਨੂੰ ਨਿਕਾਹ ਲੀ ਕੀਤਾ ਗਿਆ ਤੇ ਰਾਤ ਨੂੰ ਬਾਲੀਵੁੱਡ ਸਿਤਾਰਿਆਂ ਨੂੰ ਰਿਸੈਪਸ਼ਨ ਪਾਰਟੀ ਦਿੱਤੀ ਗਈ।
ਵਿਆਹ ਤੋਂ 18 ਸਾਲ ਬਾਅਦ (28 ਮਾਰਛ 2016) ਨੂੰ ਦੋਵਾਂ ਨੇ ਵੱਖ ਹੋਣ ਦੀ ਘੋਸ਼ਣਾ ਕਰ ਦਿੱਤੀ ਅਤੇ ਇਕ ਸਾਲ ਬਾਅਦ ਹੀ ਦੋਵਾਂ ਦਾ ਤਲਾਕ ਹੋ ਗਿਆ। ਹਾਲਾਂਕਿ ਇਸ ਸਾਲ ਦੋਵਾਂ ਦਾ ਮਿਲਣਾ-ਜੁਲਣਾ ਫਿਰ ਸ਼ੁਰੂ ਹੋ ਗਿਆ ਹੈ। ਉਹ ਅਕਸਰ ਹੀ ਇਕੱਠੇ ਪਾਰਟੀਆਂ 'ਚ ਨਜ਼ਰ ਆਉਂਦੇ ਹਨ।
ਅਰਬਾਜ਼ ਖਾਨ ਤੇ ਮਲਾਇਕਾ 'ਚ ਤਲਾਕ ਹੋ ਦਾ ਕਾਰਨ ਅਰਬਾਜ਼ ਦੀ ਸੱਟੇਬਾਜ਼ੀ ਦੀ ਆਦਤ ਦੱਸੀ ਜਾ ਰਹੀ ਹੈ। ਪਿਛਲੇ ਦਿਨਾਂ 'ਚ ਇਸ ਮਾਮਲੇ 'ਚ ਉਹ ਫੜ੍ਹਿਆ ਵੀ ਗਿਆ ਸੀ। ਮਲਾਇਕਾ ਉਸ ਨੂੰ ਸੱਟੇਬਾਜ਼ੀ ਖੇਡਣ ਤੋਂ ਇਨਕਾਰ ਕਰਦੀ ਸੀ ਪਰ ਅਰਬਾਜ਼ ਦੇ ਨਾ ਮੰਨਣ 'ਤੇ ਉਸ ਨੇ ਉਸ ਨੂੰ ਛੱਡ ਦਿੱਤਾ।
ਦੱਸਣਯੋਗ ਹੈ ਕਿ 45 ਸਾਲਾਂ ਦੀ ਹੋ ਕੇ ਵੀ ਮਲਾਇਕਾ ਖੂਬਸਰਤੀ 'ਚ 24 ਸਾਲਾਂ ਦੀ ਅਦਾਕਾਰਾ ਨੂੰ ਮਾਤ ਦਿੰਦੀ ਹੈ। ਖਾਸ ਗੱਲ ਇਹ ਹੈ ਕਿ ਫਿਟਨੈੱਸ ਦੀ ਕਾਰਨ ਮਲਾਇਕਾ ਨੂੰ ਦੁਨੀਆ ਦੀ ਮਸ਼ਹੂਰ ਕੰਪਨੀ 'ਰਿਬੌਕ' ਨੇ 'ਰਿਬੌਕ ਵੂਮੈਨ' ਦਾ ਬਰਾਂਡ ਅੰਬੈਸਡਰ ਬਣਾਇਆ ਹੈ।
ਸਾਲ 2012 'ਚ ਆਈ ਫਿਲਮ 'ਦਬੰਗ' 'ਚ 'ਫੇਵਿਕੌਲ' ਗੀਤ 'ਤੇ ਉਸ ਦਾ ਡਾਂਸ ਵਰਲਡ ਵਾਈਡ ਫੇਮਸ ਹੋਇਆ ਸੀ। ਰੀਲ ਲਾਈਫ ਤੋਂ ਲੈ ਕੇ ਮਲਾਇਕਾ ਰੀਅਲ ਲਾਈਫ 'ਚ ਵੀ ਕਾਫੀ ਮਸ਼ਹੂਰ ਹੈ।