ਮੁੰਬਈ (ਬਿਊਰੋ)— ਅਜਿਹੀਆਂ ਖਬਰਾਂ ਹਨ ਕਿ ਮਲਾਇਕਾ ਅਰੋੜਾ ਤੇ ਅਰਜੁਨ ਕਪੂਰ ਜਲਦ ਹੀ ਆਪਣੇ ਰਿਸ਼ਤੇ 'ਤੇ ਅਧਿਕਾਰਕ ਮੁਹਰ ਲਗਾਉਣ ਵਾਲੇ ਹਨ। ਕਾਫੀ ਸਮੇਂ ਤੋਂ ਆਪਣੇ ਰਿਸ਼ਤੇ ਨੂੰ ਸਭ ਦੀਆਂ ਨਜ਼ਰਾਂ ਤੋਂ ਬਚਾ ਕੇ ਰੱਖਣ ਵਾਲਾ ਇਹ ਕਲਪ ਹੁਣ ਖੁੱਲ੍ਹ ਕੇ ਸਾਹਮਣੇ ਆਉਣ ਲੱਗਾ ਹੈ। ਹਾਲ ਹੀ 'ਚ ਇਕ ਵਾਰ ਫਿਰ ਦੋਹਾਂ ਨੂੰ ਕਰੀਬੀ ਦੋਸਤਾਂ ਨਾਲ ਪਾਰਟੀ 'ਚ ਦੇਖਿਆ ਗਿਆ।
ਇਸ ਪਾਰਟੀ 'ਚ ਦੋਹਾਂ ਸਟਾਰਜ਼ ਦੀ ਇਕੱਠਿਆਂ ਦੀ ਇਕ ਤਸਵੀਰ ਦੇਖਣ ਨੂੰ ਮਿਲੀ ਹੈ। ਇਸ ਤੋਂ ਪਹਿਲਾਂ ਵੀ ਅਰਜੁਨ ਤੇ ਮਲਾਇਕਾ ਅਕਸਰ ਪਾਰਟੀਆਂ 'ਚ ਪਹੁੰਚਦੇ ਸਨ ਪਰ ਕਦੇ ਵੀ ਦੋਹਾਂ ਦੀ ਤਸਵੀਰ ਇਕੱਠਿਆਂ ਦੇਖਣ ਨੂੰ ਨਹੀਂ ਮਿਲੀ ਪਰ ਹੁਣ ਅਜਿਹਾ ਨਹੀਂ ਹੈ।
ਦੱਸਣਯੋਗ ਹੈ ਕਿ ਮਲਾਇਕਾ ਦਾ ਬਰਥਡੇ ਸੈਲੀਬ੍ਰੇਟ ਕਰਨ ਲਈ ਅਰਜੁਨ ਕਪੂਰ ਦੁਬਈ ਗਏ ਸਨ। ਇਸ ਦੌਰਾਨ ਦੋਵੇਂ ਜਦੋਂ ਬਰਥਡੇ ਸੈਲੀਬ੍ਰੇਟ ਕਰ ਕੇ ਮੁੰਬਈ ਪਰਤੇ ਤਾਂ ਉਨ੍ਹਾਂ ਨੂੰ ਏਅਰਪੋਰਟ 'ਤੇ ਦੇਖਿਆ ਗਿਆ। ਮਲਾਇਕਾ ਨੇ ਬਰਥਡੇ ਸੈਲੀਬ੍ਰੇਸ਼ਨ ਦੀ ਇਕ ਤਸਵੀਰ ਆਪਣੇ ਅਧਿਕਾਰਕ ਇੰਸਟਾਗ੍ਰਾਮ ਅਕਾਊਂਟ 'ਤੇ ਸ਼ੇਅਰ ਕੀਤੀ ਹੈ।