ਮੁੰਬਈ(ਬਿਊਰੋ)— ਬਾਲੀਵੁੱਡ ਫਿਲਮਾਂ 'ਚ ਭਾਵੇਂ ਹੀ ਮਲਾਇਕਾ ਅਰੋੜ ਤੇ ਅਰਬਾਜ਼ ਖਾਨ ਦੀ ਜੋੜੀ ਕੋਈ ਕਮਾਲ ਨਾ ਦਿਖਾ ਸਕੀ ਪਰ ਆਪਣੇ ਅਸਲ ਜੀਵਨ 'ਚ ਹੋਣ ਵਾਲੇ ਉੱਥਲ ਪੁੱਥਲ ਨੂੰ ਲੈ ਕੇ ਖੂਬ ਚਰਚਾ 'ਚ ਰਹੀ। ਹਾਲਾਂਕਿ ਇਹ ਦੋਵੇਂ ਇਕ-ਦੂਜੇ ਤੋਂ ਵੱਖ ਹੋ ਗਏ ਹਨ ਪਰ ਇਨ੍ਹਾਂ ਦੋਵਾਂ ਦੇ ਐਕਸਟਰਨਲ ਅਫੇਅਰ ਨੂੰ ਲੈ ਕੇ ਆਏ ਦਿਨ ਖਬਰ ਆਉਂਦੀ ਰਹਿੰਦੀ ਹੈ।
ਹਾਲ ਹੀ 'ਚ ਅਰਬਾਜ਼ ਖਾਨ ਨੇ ਇਕ ਇੰਟਰਵਿਊ ਦੌਰਾਨ ਮਲਾਇਕਾ ਅਰੋੜਾ ਅਤੇ ਆਪਣੇ ਰਿਸ਼ਤੇ ਬਾਰੇ ਖੁੱਲ੍ਹ ਕੇ ਆਪਣੇ ਦਿਲ ਦੀ ਗੱਲ ਆਖੀ। ਅਰਬਾਜ਼ ਨੇ ਕਿਹਾ ਕਿ ਇਕ ਪ੍ਰਫੈਕਟ ਰਿਲੇਸ਼ਨਸ਼ਿਪ ਲਈ ਕੜੀ ਮਿਹਨਤ ਕਰਨੀ ਪੈਂਦੀ ਹੈ। ਇਸ ਦੇ ਨਾਲ ਉਸ ਨੇ ਇਹ ਵੀ ਸਵੀਕਾਰ ਕੀਤਾ ਕਿ ਆਪਣੇ 21 ਸਾਲ ਦੇ ਰਿਲੇਸ਼ਨਸ਼ਿਪ 'ਚ ਮੈਂ ਆਪਣੇ ਰਿਲੇਸ਼ਨਸ਼ਿਪ ਨੂੰ ਪ੍ਰਫੈਕਟ ਬਣਾਉਣ 'ਚ ਸਫਲ ਨਹੀ ਹੋ ਸਕਿਆ।
ਮਲਾਇਕਾ ਤੋਂ ਵੱਖ ਹੋਣ ਤੋਂ ਬਾਅਦ ਪਹਿਲੀ ਵਾਰ ਆਪਣੇ ਰਿਸ਼ਤੇ ਨੂੰ ਅਰਬਾਜ਼ ਖਾਨ ਨੇ ਲੋਕਾਂ ਸਾਹਮਣੇ ਖੁੱਲ੍ਹ ਗੱਲ ਕੀਤੀ। ਦੱਸ ਦੇਈਏ ਕਿ ਅਰਬਾਜ਼ ਨਾਲ ਵੱਖ ਹੋਣ ਤੋਂ ਬਾਅਦ ਮਲਾਇਕਾ ਅੱਜਕਲ ਐਕਟਰ ਅਰਜੁਨ ਕਪੂਰ ਨਾਲ ਆਪਣੇ ਰਿਸ਼ਤੇ ਨੂੰ ਲੈ ਕੇ ਚਰਚਾ 'ਚ ਹੈ।
ਹਾਲ ਹੀ 'ਚ ਮਲਾਇਕਾ ਅਤੇ ਅਰਜੁਨ ਨਾਲ ਜੁੜੇ ਕਰੀਬੀ ਸੂਤਰਾਂ ਨੇ ਦੱਸਿਆ ਹੈ ਕਿ ਮਲਾਇਕਾ ਅਤੇ ਅਰਜੁਨ ਜਲਦ ਹੀ ਆਪਣੇ ਰਿਸ਼ਤੇ ਨੂੰ ਆਫੀਸ਼ੀਅਲ ਕਰ ਸਕਦੇ ਹਨ। ਦੋਵੇਂ ਸਾਲ 2019 ਤੱਕ ਵਿਆਹ ਕਰਵਾ ਸਕਦੇ ਹਨ। ਉੱਥੇ ਹੀ ਅਰਬਾਜ਼ ਖਾਨ ਬਾਰੇ ਗੱਲ ਕੀਤੀ ਜਾਵੇ ਤਾਂ ਦੱਸਿਆ ਜਾ ਰਿਹਾ ਹੈ ਕਿ ਉਹ ਵੀ ਪ੍ਰੇਮਿਕਾ ਜੋਰਜਿਆ ਨਾਲ ਜਲਦ ਹੀ ਸੱਤ ਫੇਰੇ ਲੈ ਸਕਦਾ ਹੈ। ਬਾਲੀਵੁੱਡ 'ਚ ਅੱਜਕਲ ਸਾਰਿਆਂ ਦੇ ਅਫੇਅਰ ਅਤੇ ਵਿਆਹਾਂ ਦੀ ਚਰਚਾ ਚੱਲ ਰਹੀ ਹੈ।
