ਮੁੰਬਈ— ਬਾਲੀਵੁੱਡ ਅਭਿਨੇਤਰੀਆਂ 'ਚ ਜੇਕਰ ਪੱਕੀਆਂ ਸਹੇਲੀਆਂ ਦੀ ਗੱਲ ਕੀਤੀ ਜਾਵੇ ਤਾਂ ਸਭ ਤੋਂ ਪਹਿਲਾਂ ਮਲਾਇਕਾ ਅਰੋੜਾ, ਕਰਿਸ਼ਮਾ ਕਪੂਰ ਤੇ ਅੰਮ੍ਰਿਤਾ ਅਰੋੜਾ ਦਾ ਨਾਂ ਆਉਂਦਾ ਹੈ। ਇਹ ਤਿੰਨੇ ਅਕਸਰ ਇਕੱਠੀਆਂ ਪਾਰਟੀ ਕਰਦੀਆਂ ਨਜ਼ਰ ਆਉਂਦੀਆਂ ਹਨ। ਕੱਲ ਵੀ ਇਹ ਤਿੰਨੇ ਅਭਿਨੇਤਰੀਆਂ ਇਕੱਠੀਆਂ ਲੰਚ ਕਰਨ ਪਹੁੰਚੀਆਂ। ਇਸ ਗਰੁੱਪ 'ਚ ਕਰੀਨਾ ਕਪੂਰ ਵੀ ਹੁੰਦੀ ਹੈ ਪਰ ਕੱਲ ਉਹ ਨਜ਼ਰ ਨਹੀਂ ਆਈ। ਜਦੋਂ ਇਹ ਤਿੰਨੇ ਅਭਿਨੇਤਰੀਆਂ ਲੰਚ ਤੋਂ ਬਾਅਦ ਮੁੰਬਈ ਦੇ ਰੈਸਟੋਰੈਂਟ ਤੋਂ ਬਾਹਰ ਨਿਕਲ ਰਹੀਆਂ ਸਨ ਤਾਂ ਇਸ ਦੌਰਾਨ ਇਨ੍ਹਾਂ ਨੂੰ ਕੈਮਰੇ 'ਚ ਕੈਦ ਕੀਤਾ ਗਿਆ। ਕਰਿਸ਼ਮਾ ਕਪੂਰ ਨੇ ਨੀਲੇ ਰੰਗ ਦੀ ਸ਼ਰਟ ਤੇ ਜੀਨਸ ਪਹਿਨੀ ਹੋਈ ਸੀ। ਇਸ ਦੇ ਨਾਲ ਹੀ ਕਰਿਸ਼ਮਾ ਨੇ ਮਹਿਰੂਨ ਰੰਗ ਦਾ ਬੈਗ ਵੀ ਚੁੱਕ ਰੱਖਿਆ ਸੀ। ਮਲਾਇਕਾ ਅਰੋੜਾ ਹਮੇਸ਼ਾ ਦੀ ਤਰ੍ਹਾਂ ਹੀ ਆਪਣੇ ਲੁੱਕ ਨਾਲ ਇੰਪ੍ਰੈੱਸ ਕਰਦੀ ਨਜ਼ਰ ਆਈ। ਮਲਾਇਕਾ ਨੇ ਕਟੀ-ਫਟੀ ਜੀਨਸ ਨਾਲ ਸਫੈਦ ਰੰਗ ਦੀ ਕ੍ਰਾਪ ਸ਼ਰਟ ਪਹਿਨ ਰੱਖੀ ਸੀ। ਬੁੱਲ੍ਹਾਂ 'ਤੇ ਰੈੱਡ ਲਿਪਸਟਿਕ ਤੇ ਅੱਖਾਂ 'ਤੇ ਕਾਲੀਆਂ ਐਨਕਾਂ ਉਸ ਦੀ ਖੂਬਸੂਰਤੀ 'ਚ ਚਾਰ ਚੰਨ ਲਗਾ ਰਹੀਆਂ ਸਨ। ਉਥੇ ਅੰਮ੍ਰਿਤਾ ਅਰੋੜਾ ਸਫੈਦ ਜੀਨਸ ਦੇ ਨਾਲ ਟੈਂਕ ਟਾਪ ਪਹਿਨੀ ਨਜ਼ਰ ਆਈ।