ਮੁੰਬਈ(ਬਿਊਰੋ)— ਬਾਲੀਵੁੱਡ ਦੀ ਪਟੌਦੀ ਫੈਮਿਲੀ ਕਰੀਨਾ ਕਪੂਰ ਅਤੇ ਸੈਫ ਅਲੀ ਖਾਨ ਇਨ੍ਹੀਂ ਦਿਨੀਂ ਆਪਣੇ ਬੇਟੇ ਤੈਮੂਰ ਨਾਲ ਮਾਲਦੀਵ 'ਚ ਛੁੱਟੀਆਂ ਮਨਾ ਰਹੇ ਹਨ। ਉਥੇ ਹੀ ਕਰੀਨਾ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਇਨ੍ਹਾਂ ਪਲਾਂ ਦੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਤਸਵੀਰਾਂ 'ਚ ਕਰੀਨਾ ਤੈਮੂਰ ਨੂੰ ਸੈਰ ਕਰਾਉਂਦੀ ਹੋਈ ਨਜ਼ਰ ਆ ਰਹੀ ਹੈ। ਉਥੇ ਹੀ ਕਈ ਤਸਵੀਰਾਂ 'ਚ ਕਰੀਨਾ ਸੈਫ ਨਾਲ ਟਾਈਮ ਸਪੈਂਡ ਕਰਦੀ ਨਜ਼ਰ ਆ ਰਹੀ ਹੈ। ਉਥੇ ਹੀ ਕਰੀਨਾ ਨੇ ਇਨ੍ਹਾਂ ਪਲਾਂ ਨੂੰ ਲੈ ਕੇ ਲਿਖਿਆ ਹੈ Soneva 6ushi ਰਿਜਾਰਟ ਬਹੁਤ ਖੂਬਸੂਰਤ ਅਤੇ ਸ਼ਾਨਦਾਰ ਹੈ। ਇਹ ਸ਼ੁੱਧ ਹਵਾ ਨਾਲ ਭਰਿਆ ਹੋਇਆ ਹੈ। ਹੁਣ ਤੱਕ ਅਸੀਂ ਜਿੱਥੇ ਵੀ ਰੁਕੇ ਉਨ੍ਹਾਂ ਦੀ ਤੁਲਨਾ 'ਚ ਇਹ ਥਾਂ ਅਤੇ ਪਲ ਸਭ ਤੋਂ ਖਾਸ ਹਨ। ਦੱਸ ਦੇਈਏ ਕਿ ਕਰੀਨਾ ਕਪੂਰ ਅਤੇ ਸੈਫ ਅਲੀ ਖਾਨ ਦੇ ਲਾਡਲੇ ਤੈਮੂਰ ਅਲੀ ਖਾਨ ਜਲਦ ਹੀ 2 ਸਾਲ ਦੇ ਹੋਣ ਜਾ ਰਹੇ ਹਨ। 20 ਦਸੰਬਰ ਨੂੰ ਤੈਮੂਰ 2 ਸਾਲ ਦੇ ਹੋ ਜਾਣਗੇ। ਇਕ ਸਾਲ ਦੇ ਹੋਣ 'ਤੇ ਤੈਮੂਰ ਨੇ ਜਿੱਥੇ ਪਹਿਲਾ ਜਨਮਦਿਨ ਗੁੜਗਾਂਵ 'ਚ ਮਨਾਇਆ ਸੀ ਤਾਂ ਉਥੇ ਹੀ ਦੂਜਾ ਜਨਮਦਿਨ ਉਹ ਮਾਲਦੀਵ 'ਚ ਮਨਾਉਣ ਵਾਲੇ ਹਨ।