ਜਲੰਧਰ(ਬਿਊਰੋ)- ‘ਜੱਗ ਜਿਊਂਦਿਆਂ ਦੇ ਮੇਲੇ’,‘ਲੱਗਦੈ ਇਸ਼ਕ ਹੋ ਗਿਆ’,‘ਮਿੱਟੀ’,‘ਸਿਆਸਤ’ ਤੇ ‘ਮੁੰਡੇ ਯੂ.ਕੇ. ਦੇ’ ਫਿਲਮਾਂ ਰਾਹੀਂ ਪਾਲੀਵੁੱਡ ਇੰਡਸਟਰੀ ’ਚ ਖਾਸ ਪਛਾਣ ਬਣਾਉਣ ਵਾਲੇ ਮਲਕੀਤ ਰੌਣੀ ਅੱਜ ਆਪਣਾ ਜਨਮਦਿਨ ਮਨਾ ਰਹੇ ਹਨ। ਮਲਕੀਤ ਰੌਣੀ ਦਾ ਜਨਮ ਪੰਜਾਬ ਦੇ ਰੌਪੜ ਜ਼ਿਲੇ ’ਚ ਹੋਇਆ। ਉਨ੍ਹਾਂ ਆਪਣੇ ਕਰੀਅਰ ਦੀ ਸ਼ੁਰੂਆਤ ਇਕ ਪੰਜਾਬੀ ਟੀ.ਵੀ. ਅਦਾਕਾਰ ਵਜੋਂ ਕੀਤੀ ਸੀ। ਬਹੁਤ ਸਾਰੇ ਪੰਜਾਬੀ ਟੀ.ਵੀ. ਨਾਟਕਾਂ ’ਚ ਕੰਮ ਕਰਨ ਤੋਂ ਬਾਅਅ ਉਨ੍ਹਾਂ ਨੂੰ ਫਿਲਮੀ ਦੁਨੀਆ ਤੋਂ ਆਫਰ ਮਿਲਣੇ ਸ਼ੁਰੂ ਹੋ ਗਏ। ‘ਅਰਦਾਸ’, ‘ਬੰਬੂਕਾਟ’, ‘ਲਾਵਾਂ ਫੇਰੇ’, ‘ਦੁਲਾ ਭੱਟੀ’, ‘ਪੰਜਾਬ 1984’, ‘ਮੰਜੇ ਬਿਸਤਰੇ’, ‘ਕਬੱਡੀ ਵਨਸ ਅਗੇਨ’ ਤੇ ਹੋਰ ਦਰਜਨਾਂ ਪੰਜਾਬੀ ਤੇ ਅੱਧਾ ਦਰਜਨ ਹਿੰਦੀ ਫਿਲਮਾਂ ਵਿਚ ਆਪਣੀ ਕਲਾਕਾਰੀ ਦਾ ਲੋਹਾ ਮੰਨਵਾਉਣ ਵਾਲੇ ਮਲਕੀਤ ਰੌਣੀ ਦੇ ਹਰ ਕਿਰਦਾਰ ਨੂੰ ਦਰਸ਼ਕਾਂ ਵੱਲੋਂ ਪਸੰਦ ਕੀਤਾ ਜਾਂਦਾ ਹੈ।