ਮੁੰਬਈ(ਬਿਊਰੋ)— ਆਪਣੀਆਂ ਬੋਲਡ ਅਦਾਵਾਂ ਨਾਲ ਰਾਤੋਂ-ਰਾਤ ਸੁਰਖੀਆਂ ਬਟੋਰਨ ਵਾਲੀ 'ਮਰਡਰ' ਫੇਮ ਅਦਾਕਾਰ ਮੱਲਿਕਾ ਸ਼ੇਰਾਵਤ ਦੇ ਸਿਤਾਰੇ ਇੰਨੀ ਦਿਨੀਂ ਮਾੜੇ ਚੱਲ ਰਹੇ ਹਨ। ਪਹਿਲਾਂ ਉਸ ਨੇ ਪੈਰਿਸ ਸਥਿਤ ਫਲੈਟ ਤੋਂ ਬਾਹਰ ਕੱਢ ਦਿੱਤਾ ਗਿਆ ਸੀ ਤੇ ਹੁਣ ਉਸ ਦੀਆਂ ਨਵੀਆਂ ਤਸਵੀਰਾਂ ਸਾਹਮਣੇ ਆਈਆਂ ਹਨ, ਜਿਨ੍ਹਾਂ ਨੂੰ ਦੇਖ ਕੇ ਤੁਹਾਨੂੰ ਵੀ ਯਕੀਨ ਨਹੀਂ ਹੋਵੇਗਾ ਕਿ ਕਰੋੜਾਂ ਕਮਾਉਣ ਵਾਲੀ ਇਸ ਅਦਾਕਾਰਾ ਦੀ ਅਜਿਹੀ ਹਾਲਤ ਹੋ ਗਈ ਹੈ। ਮੱਲਿਕਾ ਸ਼ੇਰਾਵਤ ਦੀ ਤਸਵੀਰ ਸਾਹਮਣੇ ਆਉਣ 'ਤੇ ਪਹਿਲਾਂ ਤਾਂ ਯਕੀਨ ਹੀ ਨਹੀਂ ਹੋਇਆ। ਕਦੇ ਆਪਣੇ ਹੁਸਨ ਨਾਲ ਲੋਕਾਂ ਦੇ ਦਿਲਾਂ 'ਤੇ ਰਾਜ਼ ਕਰਨ ਵਾਲੀ ਅਦਾਕਾਰਾ ਮੁੰਬਈ 'ਚ ਇਕ ਬਰਫ ਵਾਲੇ ਠੇਲੇ ਕੋਲ ਖੜ੍ਹੀ ਨਜ਼ਰ ਆਈ ਸੀ ਤੇ ਬਰਫ ਦਾ ਗੋਲਾ ਬਣਵਾ ਕੇ ਖਾ ਰਹੀ ਸੀ। ਹੈਰਾਨੀ ਵਾਲੀ ਗੱਲ ਤਾਂ ਇਹ ਸੀ ਕਿ ਇਸ ਦੌਰਾਨ ਮੱਲਿਕਾ ਸ਼ੇਰਾਵਤ ਦੇ ਆਲੇ-ਦੁਆਲੇ ਕੋਈ ਫੈਨ ਵੀ ਨਹੀਂ ਸੀ, ਜੋ ਉਸ ਨੂੰ ਪਛਾਣ ਸਕੇ। ਸਮੇਂ-ਸਮੇਂ ਦੀ ਗੱਲ ਹੀ ਹੈ ਕਿ ਕਦੇ ਫੈਨਜ਼ ਨਾਲ ਘਿਰੀ ਰਹਿਣ ਵਾਲੀ ਮੱਲਿਕਾ ਅੱਜ ਸੜਕਾਂ 'ਤੇ ਖੜ੍ਹੀ ਹੈ ਪਰ ਕਿਸੇ ਨੇ ਉਸ ਨੂੰ ਪਛਾਣਿਆ ਹੀ ਨਹੀਂ। ਦੱਸਣਯੋਗ ਹੈ ਕਿ ਇਸ ਤੋਂ ਪਹਿਲਾਂ ਖਬਰ ਆਈ ਸੀ ਕਿ ਮੱਲਿਕਾ ਤੇ ਉਸ ਦੇ ਪ੍ਰੇਮੀ ਸਿਰਿਲ ਨੇ ਪੈਰਿਸ ਸਥਿਤ ਫਲੈਟ ਲਈ 80 ਹਜ਼ਾਰ ਯੂਰੋ ਯਾਨੀ 64 ਲੱਖ ਰੁਪਏ ਜਮਾ ਕਰਾਉਣੇ ਸਨ ਪਰ ਦੋਵੇਂ ਇੰਨ੍ਹੇ ਪੈਸੇ ਨਾ ਦੇ ਸਕੇ, ਜਿਸ ਕਾਰਨ ਇਨ੍ਹਾਂ ਨੂੰ ਇਕ ਫ੍ਰਾਂਸੀਸੀ ਕੋਰਟ ਨੇ ਹੁਕਮ ਦਿੱਤਾ ਕੀ ਮਕਾਨ ਖਾਲੀ ਕਰ ਦੇਣ। ਉਸ ਦੇ ਵਕੀਲ ਨੇ ਕਿਹਾ ਸੀ ਕਿ ਮੱਲਿਕਾ ਤੇ ਸਿਰਿਲ ਇਸ ਸਮੇਂ ਪੈਸਿਆਂ ਦੀ ਤੰਗੀ ਨਾਲ ਜੂਝ ਰਹੇ ਹਨ। ਹਾਲਾਂਕਿ ਖਬਰਾਂ ਆਉਣ ਤੋਂ ਬਾਅਦ ਮੱਲਿਕਾ ਨੇ ਟਵੀਟ ਦੇ ਜਰੀਏ ਇਸ ਗੱਲ ਨੂੰ ਗਲਤ ਦੱਸਿਆ ਸੀ। ਉਸ ਨੇ ਲਿਖਿਆ ਸੀ ਕਿ ਉਸ ਦਾ ਪੈਰਿਸ 'ਚ ਕੋਈ ਅਪਾਰਟਮੈਂਟ ਨਹੀਂ ਹੈ। ਦੱਸ ਦੇਈਏ ਕਿ ਮੱਲਿਕਾ ਨੇ ਫਿਲਮਾਂ 'ਚ ਆਉਣ ਤੋਂ ਪਹਿਲਾਂ ਪੰਜਾਬ ਦੇ ਨਾਭਾ ਖੇਤਰ 'ਚ ਕੈਪਟਨ ਕਰਨ ਗਿੱਲ ਨਾਲ ਸਾਲ 1997 'ਚ ਵਿਆਹ ਕਰਵਾਇਆ ਸੀ ਤੇ ਦੋਵਾਂ ਦਾ ਤਲਾਕ ਸਾਲ 2001 'ਚ ਹੋਇਆ ਸੀ।