ਮੁੰਬਈ(ਬਿਊਰੋ)— ਕਦੇ ਬਾਲੀਵੁੱਡ ਦੀ ਬੋਲਡ ਅਦਾਕਾਰਾ ਦੀ ਲਿਸਟ 'ਚ ਸ਼ੁਮਾਰ ਰਹੀ ਮੱਲਿਕਾ ਸ਼ੇਰਾਵਤ ਅੱਜ ਲਾਈਮਲਾਈਟ ਤੋਂ ਦੂਰ ਹੈ। ਉਸ ਦੀ ਆਖਰੀ ਹਿੰਦੀ ਫਿਲਮ ਸਾਲ 2017 'ਚ ਰਿਲੀਜ਼ ਹੋਈ ਸੀ, ਜਿਸ ਦਾ ਨਾਂ 'ਜੀਨਤ' ਸੀ। ਉਸ ਦਾ ਜਨਮ 24 ਅਕਤੂਬਰ 1976 ਨੂੰ ਹਰਿਆਣਾ ਦੇ ਹਿਸਾਰ 'ਚ ਹੋਇਆ ਸੀ।
ਮੱਲਿਕਾ ਦਾ ਅਸਲੀ ਨਾਂ ਰੀਮਾ ਲਾਂਬਾ ਹੈ। ਅਦਾਕਾਰਾ ਬਣਨ ਤੋਂ ਪਹਿਲਾਂ ਮੱਲਿਕਾ ਏਅਰ ਹੋਸਟੇਸ ਸੀ।
ਸਾਲ 2000 'ਚ ਉਸ ਨੇ ਜੈੱਟ ਏਅਰਵੇਜ਼ ਦੇ ਪਾਈਲਟ ਕਰਨ ਸਿੰਘ ਗਿੱਲ ਨਾਲ ਵਿਆਹ ਕਰਵਾਇਆ ਸੀ ਪਰ ਕੁਝ ਹੀ ਸਾਲਾਂ ਬਾਅਦ ਉਸ ਦਾ ਤਲਾਕ ਹੋ ਗਿਆ ਸੀ।
ਖਬਰਾਂ ਇਹ ਵੀ ਆਈਆਂ ਸਨ ਕਿ ਇਸ ਵਿਆਹ ਤੋਂ ਮੱਲਿਕਾ ਦੇ ਇਕ ਬੇਟਾ ਵੀ ਹੋਇਆ ਸੀ ਪਰ ਅਦਾਕਾਰਾ ਨੇ ਕਦੇ ਵੀ ਇਸ ਗੱਲ ਨੂੰ ਸਵੀਕਾਰ ਨਹੀਂ ਕੀਤਾ। ਅਕਸਰ ਹੀ ਉਹ ਅਜਿਹੇ ਸਵਾਲਾਂ ਤੋਂ ਬਚਦੀ ਨਜ਼ਰ ਆਈ।
ਮੱਲਿਕਾ ਨੇ ਸਾਲ 2002 'ਚ ਵਾਸ਼ੁ ਭਗਨਾਨੀ ਦੀ ਫਿਲਮ 'ਜੀਨਾ ਸਿਰਫ ਤੇਰੇ ਲਿਏ' 'ਚ ਸਪੈਸ਼ਲ ਅਪੀਯਰੈਂਸ ਦਿੱਤਾ ਸੀ। ਇਸ 'ਚ ਉਹ ਕਰੀਨਾ ਕਪੂਰ ਨਾਲ ਸਪੋਰਟਿੰਗ ਰੋਲ 'ਚ ਸੀ।
ਉਸ ਨੇ 'ਦਿ ਮਿਥ' ਨਾਲ ਹਾਲੀਵੁੱਡ 'ਚ ਡੈਬਿਊ ਕੀਤਾ ਸੀ। ਇਸ 'ਚ ਉਸ ਦੇ ਓਪੋਜਿਟ ਜੈਕੀ ਚੇਨ ਸੀ। ਮੱਲਿਕਾ ਲਾਈਮਲਾਈਟ 'ਚ ਸਾਲ 2003 'ਚ ਆਈ ਫਿਲਮ 'ਖਵਾਇਸ਼' ਤੋਂ ਬਾਅਦ ਆਈ ਸੀ।
ਇਸ ਨੂੰ ਉਸ ਦੀ ਡੈਬਿਊ ਫਿਲਮ ਆਖਿਆ ਜਾ ਸਕਦਾ ਹੈ। ਫਿਲਮ 'ਚ ਉਸ ਨੇ ਆਪਣੇ ਕੋ-ਸਟਾਰ ਹਿਮਾਂਸ਼ੁ ਮੱਲਿਕ ਨਾਲ 17 ਵਾਰ ਕਿੱਸਿੰਗ ਸੀਨਜ਼ ਕੀਤੇ ਸਨ।
ਇਮਰਾਨ ਹਾਸ਼ਮੀ ਦੇ ਓਪੋਜਿਟ ਫਿਲਮ 'ਮਰਡਰ' 'ਚ ਵੀ ਉਸ ਨੇ ਕਈ ਬੋਲਡ ਸੀਨਜ਼ ਦਿੱਤੇ ਸਨ।
ਦੱਸ ਦੇਈਏ ਕਿ 'ਪਲੇਅ ਬੁਆਏ ਮੈਗਜ਼ੀਨ' ਦੇ ਕਵਰ ਪੇਜ਼ 'ਤੇ ਬਿਨਾਂ ਕੱਪੜਿਆਂ ਦੇ ਪੋਜ਼ ਦੇਣ ਲਈ ਮੱਲਿਕਾ ਨੂੰ ਆਫਰ ਮਿਲਿਆ ਸੀ।
ਅਜਿਹਾ ਆਫਰ ਪਾਉਣ ਵਾਲੀ ਪਹਿਲੀ ਭਾਰਤੀ ਮਹਿਲਾ ਸੀ ਪਰ ਉਸ ਨੇ ਇਹ ਆਫਰ ਠੁਕਰਾ ਦਿੱਤਾ ਸੀ। ਉਸ ਨੂੰ ਡਰ ਸੀ ਕਿ ਅਜਿਹਾ ਕਰਨ ਨਾਲ ਉਹ ਬਾਲੀਵੁੱਡ 'ਚ ਬਲੈਕਲਿਸਟ ਹੋ ਸਕਦੀ ਹੈ।
