ਮੁੰਬਈ (ਬਿਊਰੋ)— ਦਿਸ਼ਾ ਪਾਟਨੀ ਅਕਸਰ ਸੋਸ਼ਲ ਮੀਡੀਆ 'ਤੇ ਆਪਣੇ ਐਬਸ ਦੀਆਂ ਤਸਵੀਰਾਂ ਪੋਸਟ ਕਰਦੀ ਰਹਿੰਦੀ ਹੈ। ਹੁਣ ਉਸ ਦੇ ਨਕਸ਼ੇ ਕਦਮ 'ਤੇ ਬਾਲੀਵੁੱਡ ਅਭਿਨੇਤਰੀ ਮੱਲਿਕਾ ਸ਼ੇਰਾਵਤ ਵੀ ਚੱਲ ਰਹੀ ਹੈ। ਮੱਲਿਕਾ ਸ਼ੇਰਾਵਤ ਨੇ ਆਪਣੇ ਐਬਸ ਦਿਖਾਉਂਦਿਆਂ ਇਕ ਤਸਵੀਰ ਪੋਸਟ ਕੀਤੀ ਹੈ। ਤਸਵੀਰ ਦੀ ਕੈਪਸ਼ਨ 'ਚ ਮੱਲਿਕਾ ਨੇ ਲਿਖਿਆ, 'ਐਬਸ ਦੀ ਜਾਂਚ-ਪੜਤਾਲ।' ਤਸਵੀਰ 'ਚ ਮੱਲਿਕਾ ਕਿਸੇ ਸ਼ੀਸ਼ੇ ਸਾਹਮਣੇ ਖੜ੍ਹੀ ਨਜ਼ਰ ਆ ਰਹੀ ਹੈ ਤੇ ਆਪਣੀ ਫਿੱਟ ਬਾਡੀ ਨੂੰ ਦੇਖ ਰਹੀ ਹੈ। ਦੱਸਣਯੋਗ ਹੈ ਕਿ ਅੱਜਕਲ ਮੱਲਿਕਾ ਸ਼ੇਰਾਵਤ ਚਾਈਲਡ ਟ੍ਰੈਫਿਕਿੰਗ ਤੇ ਵੁਮੈਨ ਇੰਪਾਵਰਮੈਂਟ ਲਈ ਕੰਮ ਕਰ ਰਹੀ ਹੈ। ਇਸ ਸਿਲਸਿਲੇ 'ਚ ਉਹ ਯੂ. ਐੱਸ. ਦੀ ਸਾਬਕਾ ਫਰਸਟ ਲੇਡੀ ਲੌਰਾ ਬੁਸ਼ ਨੂੰ ਵੀ ਮਿਲ ਚੁੱਕੀ ਹੈ।